Glossarium mediae et infimae latinitatis Conditum a Carolo du ...

44 DISSERTATIONS
DE L'USAGE DU CRY D'ARMES
Tous les gentilshommes et tous les nobles n'avoient pas le
droit du cry d'armes; c'estoit un privilege qui n'appartenoit
qu'a ceux qui estoient chefs et conducteurs de troupes, et
qui ayoient banniere dans 1'armee. C'est pourquoy ceux-la
ont raison qui entre les prerogatives du chevalier banneret',
y mettent celle d'avoir cry d'armes: d'autant que le cry servoit
proprement a anirner ceux qui estoient sous la conduite
d'un chef, et a les rallier dans le besoin. De sorte qu'il arrivoit
que dans une armee il y avoit autant de cris, comme il
y avoit de bannieres, chaque cry estant pour le particulier
de chaque compagnie, troupe, ou brigade, ou pour parler en
termes du temps, de chaque route. D'ou vient que Guillaume
Guiart se sert du terme de crier banniere en 1'an 1195:
Et r'oTssiez crier Montjoie,
Que la bataille ne remaingne,
Saint Pol, Ponti, Drues, Champaingne,
Melun, Bourgoingne, Ferrieres,
Et autres diverses bannieres.
Froissart et les autres usent des termes de crier les enseignes,
comme j'ay remarque.
Mais outre ces cris particulars il y en avoit un qui estoit
general pour toute 1'armee, different du mot du guet, lequel
cry estoit ordinairement le cry de la maison du general de
1'armee, et de celuy qui commandait aux troupes, si ce n'est
que le roy y fust en personne : car alors le cry general estoit
celuy du roy. Ce que nous apprenons de Froissart, ecrivant
de la bataille de Cocherel 2 : « Quand ceux de France eurent
« toutes ordpnnees leurs batailles a leurs advis, et que chas-
« cun scavoit quelle chose il devoit faire, ils parlerent entre
« eux, et regarderent longuement quel cry pour la journee
« ils crieroient, et a quelle banniere, ou pennon, ils se trai-
« neroient. Si furent grand temps sur tel estat que de crier :
« Nostre-Dame Auxerre, et de faire le comte d'Auxerre leur
« souverain pour ce jour: mais ledit comte ne s'y voulut
« oncques acorder, ains s'excusa moult genereusement, di-
« sant: Messeigneurs, grand mercy de 1'honneur que me
« portez et voulez faire; mais quant a moy, je ne veux point
« cette charge, car je suis encore trop jeune pour encharger
« si grand faiz et tel honneur, car c'est la premiere journee
« arretee ou je fus onques. C'est pourquoy vous prendrez un
« autre que moy : cy avez plusieurs bons chevaliers, comme
« monseigneur Bertrand du Guesclin, etc. ; et peu apres: Si
« fut ordonn6 d'un commun accord qu'on crieroit: Nostre
« Dame Guesclin, et qu'on s'ordonnerait cette journee du
« tout par ledit messsire Bertrand.» Le meme Froissart 3 fait
encore cette remarque ailleurs touchant le cry general, en
ces termes : « Adonc prirent un cry les Escossois, et me sem-
« ble que tous devoient crier: Douglas S. Gilles; et au troi-
« sieme vol. * : La eurent-ils parlement pour sfavoir quel cry
« ils crieroient; on voulut prendre le cry messire Bertrand,
« mais il ne le voulut plus : et encore plus, il dit qu'il ne
« bouteroit ja hors ce jour banniere, ne pennon, mais se
« vouloit combattre dessous la banniere de messire Jean de
« Bueil. » Quelquefois il y avoit deux cris generaux dans
une meme armee: mais c'estoit lorsqu'elle estoit composee
de deux differentes nations. Ainsi en la bataille qui fut donnee
entre le batard Henry de Castille et le roy dom Pietre,
on cria de la part des Espagnols: Castille au roy Henry; et
de la part des Francois qui estoient au secours et dans 1'armee
du meme Henry, sous la conduite de Bertrand du Guesclin,
on cria : Nostre Dame Guesclin 5 .
Souvent toutefois dans les batailles on crioit le cry du
prince, quoy qu'il n'y fust pas present. La Chronique de
Mandres*. racontant un combat qui fut donn6 en Gascongne
entre le comte d'Artois, general du roy Philippes le Bel, et
1. A. Favyn, au Theatre d'Hon. 1. 1, p. 24. — 2. Vol. 1, c. 162 ; vol. 2, c. 122 :
vol. i, c. 122. — 3. Vol. 2, c. 10. — 4. Vol. 3, c. 75. — 5. Froiss. vol. 1, c. 245.'
— 6. C, 34, 36.
DISSERTATION XII.
les Gascons et les Anglois, le comte de Foix, qui estoit joint
aux troupes de France, s'avanca et cria Montjoie ! a haute
voix, et assembla a ses ennemis. En la bataille de Furnes, 1'an
1297, le meme comte d'Artois y cria encore Montjoie. II est
vray que le cry des comtes d'Artois estoit aussi Montjoie,
comme il sera dit cy-apres ; ce qui pourroit faire douter que
Ton ait alors cri6 son cry, plutOt que celuy du roy. Quoy qu'il
en soit, on peut justifier par quelques passages de Monstrelet
et autres, que Ton a souvent cri6 le cry du roy de France en
son absence. Mais quant au cry du banneret, il ne se crioit
point en son absence, quoy que ses troupes fussent en 1'armee,
comme nous apprenons de Froissart '.
Le cry general se prononcoit unanimement par tous les
soldats en meme temps, et avant que de venir aux mains
avec les ennemis, ou plutdt dans 1'instant de la melee, et
lorsqu'on s'approchoit de pres. Ce qui se faisoit, tant pour
implorer 1'assistance du Dieu des armees par des cris et des
termes d'invocation, que pour s'animer les uns les autres £
combatre vaillamment, et a defendre 1'honneur et la reputation
du general. Ces cris sepoussoient avec vigueur et ave