İnklüziv və öyrənmə üçün əlverişli sinifdə pozitiv nizam-intizam
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində tərcümə edilmiş və nəşr olunmuşdur. Bu vəsaitin azərbaycan versiyası onlayn istifadəyə açıqdır (https://inkluzivtehsil.az/library).
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi
tərəfindən icra olunan “Müəllimlərin inklüziv təhsil sahəsində bacarıqlarının
artırılması” layihəsi çərçivəsində tərcümə edilmiş və nəşr olunmuşdur.
Bu vəsaitin azərbaycan versiyası onlayn istifadəyə açıqdır
(https://inkluzivtehsil.az/library).
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
İnklüziv və öyrənmə üçün əlverişli sinifdə pozitiv nizam-intizam 1
Giriş
Qarşım ızda duran vəzifə
Uşaqlar bu dünyaya köməksiz gəlir və biz olmadan tam inkişaf edə bilmir.
Müəllimlər olaraq, bizim işimiz onların qayğısına qalmaq və onlara necə yaşamağı
öyrətməkdir. Bu elə də asan iş deyil. Bəzi günlər bizim dərslərimiz
şagirdlərimiz və özümüzə öyrənmək üçün maraqlı, əyləncəli və sevinc dolu
yerdir. Digər günlərdə biz gərgin və işimizlə bağlı tərəddüdlü ola bilərik.
Müəllim olmaq həqiqətən yorucudur, lakin eyni zamanda müəllimlik görəcəyimiz
ən mühüm işdir.
Biz dərs keçməyin necə çətin ola biləcəyini bilirik. Şagirdlərinizə nə qədər
qayğı göstərdiyinizi də bilirik. Ancaq uşaqlar təlimatla birlikdə gəlmirlər.
Valideynlərdən fərqli olaraq, siz sadəcə bir neçə deyil, bir çox uşaqlar
üçün məsuliyyət daşıyırsınız və onların hamısı bir çox tərəfi ilə unikaldır.
Onlar hər zaman sizin istədiyiniz şəkildə davranmırlar. Belə ki, bir siniflə
dil tapan kimi, o sinif yenisi ilə, yeni üzlər və yeni bir sıra sevinc və çətinliklərlə
əvəz olunur.
Bütün müəllimlər şagirdləri üçün ən yaxşı şeyləri arzulamalı və öz qabiliyyətlərinə
inamlarını gücləndirməli və özünə hörməti artırmağa diqqət
yetirməlidirlər. Lakin şagirdləriniz sizə qulaq asmadıqda, istəklərinizi yerinə
yetirmədikdə, sizə tabe olmadıqda və ya məhəl qoymadıqda, narazı
qalmaq və əsəbiləşmək normal haldır. Bu baş verdikdə, yaxud daha yaxşı
halda bundan əvvəl, yardım üçün bu sənədə müraciət edin. Bu sənəd yanlış
davranışın başlamadan qarşısını almaqla, gözlənilməz tapşırıqları effektiv
şəkildə yerinə yetirməklə və tələbələrinizi inklüziv, öyrənmə üçün
əlverişli mühit yaradılan sinifdə dinləmək və əməkdaşlıq etməyə təşviq
etməklə, bu problemi pozitiv və aktiv şəkildə həll etməyin yollarını təqdim
edəcəkdir. Burada təqdim olunan müsbət intizam vasitələri çubuq ilə
döymək, kötək, çimdikləmək, təhdid etmək, yalvarmaq, rüşvət vermək,
qışqırmaq, əmr vermək, söymək, məcburi əmək və digər daha da alçaldıcı
hərəkətlər kimi cəza yollarının konkret alternativləridir.
Change language