İnklüziv və öyrənmə üçün əlverişli sinifdə pozitiv nizam-intizam

İnklüziv və öyrənmə üçün əlverişli sinifdə pozitiv nizam-intizam 61
♦
Uşağı üstün istedada malik olan, öyrənmə zəifliyi olan və davranış
problemləri nümayiş etdirən valideynlərlə nəyi müzakirə edəcəksiniz?
Yaxşı hazırlanmış iclas işinizi asanlaşdırmaqla yanaşı, valideynlərə sizin yaxşı
təşkilatçı olduğunuzu və uşaqların vəziyyətini müzakirə etmək üçün öncədən
hazırlaşdığınızı göstərəcək. İclasa hazırlaşarkən yerinə yetirilməli olan
vacib prosedurlar:
♦
♦
♦
♦
♦
♦
İclasda iştirak üçün valideynlərə məktub. İclasda uşağın nizamsız
davranışı müzakirə olunacaqsa belə, məktub müsbət tonda yazılmalıdır.
(Məsələn, “Əhməd öyrədilməsi çətin olan bir şagirddir. Onun
inkişafını müzakirə etmək üçün (tarix, saat) vaxtınız varmı?”);
İclas zamanı hazır olması zəruri materialların yoxlama siyahısı;
İclasa dəvət edilməli olanların yoxlama siyahısı (lazım gələrsə);
İclasın gündəliyi (hər bir şagird üçün; gündəlik valideynlər görüşə
gələn zaman onlara paylanmalıdır);
İclasın nəticələrini və izləmə planını qeyd etmək üçün aparat;
Şagirdlər üçün fərdi izləmə planı. Bu plan və ya onun valideyn
nəzarəti tələb edən əsas hissələri müzakirə olunmalı və rəylər
nəzərə alınmalıdır.
Qeyd: Valideyn və müəllimlərin iclası rəsmi və ya qeyri-rəsmi formada
ola bilər. Çoxuşaqlı siniflərdə çalışan və bütün valideynlərlə eyni gündə
görüşmək imkanı olmayan müəllimlər çətinliyi olan uşaqların valideynləri
ilə rəsmi iclas keçirə bilər. Digər şagirdlər üçün uyğun zamanlarda (həm
sizə, həm də valideynə) qeyri-rəsmi müzakirələr təşkil edə bilərsiniz.
Valideynlər uşaqları məktəbdən götürməyə gəldikdə, ev ziyarəti təşkil
etdiyiniz halda aparacağınız görüşlər və ya xüsusi məktəb, icma tədbirləri
olan zaman edəcəyiniz müzakirələr bura aid edilə bilər.