İnklüziv və öyrənmə üçün əlverişli sinifdə pozitiv nizam-intizam

46 İnklüziv və öyrənmə üçün əlverişli sinifdə pozitiv nizam-intizam
Aktivlik: Boşluqları Doldurun
Aşağıdakı kimi boşluqları doldurma blankı hazırlayın.
“Məktəbdən sonra mən adətən ____________________________
Mənim sevimli yeməyim _________________________________
Ən sevdiyim fəaliyyət___________________________________
Məktəbdə ən sevdiyim fənn ______________________________
___________________________________ kimi olmaq istəyirəm.
Məktəbi bitirdikdə _______________________ olmaq istəyirəm.”
Fərqli həyat tərzi və bacarıqlara malik çoxsaylı şagirdin olduğu siniflərdə
dərs ilinin əvvəlində bu aktivliyi həyata keçirməklə onların bir-birini tanıması
üçün şərait yarada bilərsiniz. Bu məlumatların əks olunduğu vərəqin
sağ tərəfinə bir sütun əlavə edin, lakin onu boş saxlayın. Şagirdlər boşluqları
doldurduqdan sonra, onlardan hər bir sətrə eyni cavabı verən şagirdləri
tapmağı və hər birinin adını həmin sütunda yazmağı xahiş edin.
Şagirdlərin yaşadığı mühiti tanımaq
Yuxarıda sadalanan dörd səbəb əsasında şagirdinizin nə üçün nizamsız
hərəkətlərə yol verdiyini anladıqdan sonra, bu halları azaltmaq və ya tamamilə
qarşısını almaq üçün asanlıqla pozitiv nizam-intizam alətini seçə
bilərsiniz. Yuxarıdakı dörd məqam yalnız uşağın öz emosional və psixoloji
ehtiyaclarını qarşılamağına yönəlib. Burada hər bir şagirdin gəldiyi həyat
şəraitini başa düşmək faktoru çatışmır.
Uşağın davranışına təsir gücünə malik olan yeganə faktor biz deyilik.
Hər bir uşaq özünün mənsub olduğu ümumi öyrənmə mühitinin məhsuludur.
Bu mühit sadəcə sizin sinfinizi və məktəbi deyil, uşağı, onun ailəsini
və onun ətrafını əhatə edir. Misal üçün, siz dəfələrlə belə misallar eşit-