İnklüziv və öyrənmə üçün əlverişli sinifdə pozitiv nizam-intizam
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində tərcümə edilmiş və nəşr olunmuşdur. Bu vəsaitin azərbaycan versiyası onlayn istifadəyə açıqdır (https://inkluzivtehsil.az/library).
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi
tərəfindən icra olunan “Müəllimlərin inklüziv təhsil sahəsində bacarıqlarının
artırılması” layihəsi çərçivəsində tərcümə edilmiş və nəşr olunmuşdur.
Bu vəsaitin azərbaycan versiyası onlayn istifadəyə açıqdır
(https://inkluzivtehsil.az/library).
Create successful ePaper yourself
Turn your PDF publications into a flip-book with our unique Google optimized e-Paper software.
İnklüziv və öyrənmə üçün əlverişli sinifdə pozitiv nizam-intizam 43
yüksək qiymətləndirin və ən asası onlara yazığınız gəlməsin. Uşaqların özlərinə
olan inamını bərpa etməli və nə qədər kiçik olmasından asılı olmayaraq,
əldə etdikləri hər bir uğuru tərifləməklə onları ruhlandırmalısınız. Bilərəkdən
asanlıqla uğur qazana biləcəkləri tapşırıqlar verin və davranış tərzləri
və ya müsbət səyləri üçün onları tərifləmək fürsətini əldən verməyin. Uşaqların
yanlış qərarlar verən kiçik ölçülü yetkin insan olmadıqlarını unutmayın;
onlar hələ də öyrənmə prosesində olduqları üçün səhvlər edirlər.
Şagirdləri tanımaq
Sizinlə şagirdləriniz arasında yaxşı davranışları təşviq edib, nizamsızlığın
qarşısını alan qayğı və inama əsaslanan münasibətlərin qurulması çətin
ola bilər. Bununla birlikdə, tədris prosesinin daha əyləncəli edilməsi
və şagirdlərinizin öyrənmə potensialının artırılması kimi mükafatlar bu
yolda sizi gözləyir. Onların müsbət nailiyyətləri sizin performansınızı və
şagirdlərə nə dərəcədə “nümunə” ola bildiyinizi nümayiş etdirir.
Sinfinizdə neçə nəfər uşaq olmasından asılı olmayaraq, onların hər biri
haqqında mümkün qədər ətraflı məlumat əldə etməyə çalışmalısınız. Şagird
sayı çox olan sinifdə işləyirsinizsə, diqqətinizi ilk növbədə sayı az olan, şəxsi
və ya ailə vəziyyətiə görə nizamsız hərəktlərə meyilli olduğunu düşündüyünüz
xüsusi uşaqlar üzərində cəmləyin. Onların özlərini necə gördüyünü
və xarici faktorların onların davranışına necə təsir etdiyini anlamağa səy
göstərin.
Unutmayın: Hər şagird özünəməxsus bir fərddir. Onların hər biri fərqli
bir tarix, dünyaya fərqli bir yanaşma və ondan öyrənmə üsulu, gələcək
üçün fərqli arzular gətirir. Uşaqlara fərd kimi yanaşaraq onların özləri
və ailələri haqqında məlumat almağa çalışmaqla, onların qayğısına qaldığınızı
və unikallığına hörmət etdiyinizi nümayiş etdirərsiniz.
Hörmətin olduğu mühitdə bütün şagirdlər özlərini təhlükəsiz və dəyərli hiss
edir. Müəllim hər zaman şagirdlərlə dostcanlı və açıq ünsiyyətə malik olsa
da, müəllim yetkin şəxsdir. Şagirdin işinə diqqətli yanaşma qayğını və hörməti
nümayiş etdirir. Şagirdə sadəcə “yaxşı işdir” demək əvəzinə, işin nə
üçün yaxşı olduğunu açıqlamaq lazımdır.