İnklüziv və öyrənmə üçün əlverişli sinifdə pozitiv nizam-intizam

70 İnklüziv və öyrənmə üçün əlverişli sinifdə pozitiv nizam-intizam
Qrup işi. Qrup işi birgə öyrənməyə təşviq edir. Bu şagirdlərə birgə işləməyi
öyrədir və onlar qrup işinin dəyərini öyrənirlər. Bir qrup daxilində hər bir
qrup üzvünün işi olmalıdır və zaman keçdikcə hər bir şagird hər bir işi görmək
imkanına malik olmalıdır. Şagirdlərinizlə birlikdə işlərin həvalə edilməsi
üçün iş təsvirlərini və prosedurları hazırlayın. İşlər vasitəçi, xronometrajçı,
məruzəçi, qeydiyyatçı, təşviqçi, sorğuçu, material rəhbəri və ya nəzarətçi
ola bilər.
Şagird və valideynlərlə sinif qaydalarının hazırlanması
Bütün siniflərdə səmərəli işləyən qaydalar tələb olunur. Bu “qaydalar” bəzən
“gözləntilər” və ya “davranış standartları” adlanır.
Sinif qaydalarının mahiyyəti və rejimi, onların necə hazırlanması müəllimin
inandığı üsula görə dəyişir. Sinifdə şagirdlərlə necə işləməyimiz, o cümlədən
qayda və prosedurların yaradılması, əsasən uşaqların necə davranmağı
və necə öyrənmələri haqqında olan inamımızla formalaşır. Bir tərəfdən bəzilərimiz
şagirdlərin biliyin passiv qəbuledicisi olduğunu hesab edə bilərik
və onlar sistemə cavab verməli və öyrənməklərinin aydın mükafatını və ya
faydasını görməlidirlər. Nəticədə, biz davamlı, standart qayda və prosedurları
vurğulaya bilərik. Digər tərəfdən də bəzilərimiz şagirdlərin fəal, pozitiv,
motivasiyalı və xüsusi problem həlledici olduğunu hesab edə bilərik.
Nəticədə şagirdlərə seçim verməyi vurğulaya bilərik. 56 Biz şagirdlərimizi
cəlb etməklə sinif qayda və prosedurlarını hazırlayarkən sinfimizdə fərqli
və tez-tez dəyişən şəraitə cavab vermək üçün məqbul üsullar seçib istifadə
edə bilərik.
Biz çox vaxt qaydaları sinfin idarə olunmasında yarana bilən davranış problemləri
və ya çətinliklərini proqnozlaşdırmaq və qarşısını almaq məqsədilə
hazırlayırıq. Qaydaların hazırlanması üçün ümumi təlimatlar aşağıda qeyd
olunanları ehtiva edir:
♦
Müvafiq davranışı vurğulayan yalnız bir neçə qayda hazırlayın; nə
siz, nə də şagirdləriniz uzun siyahını yadda saxlamayacaq. Bu qaydaları
hər bir kəsin görməsi üçün sinifdən asın.
56. Mayeski, Fran. The Metamorphosis of Classroom Management. Mid-continent Research for Education
and Learning. http://www.mcrel.org/pdfconversion/ noteworthy/learners%5Flearning%5Fschooling/franm.
asp