İnklüziv və öyrənmə üçün əlverişli sinifdə pozitiv nizam-intizam

8 İnklüziv və öyrənmə üçün əlverişli sinifdə pozitiv nizam-intizam
İndiki zaman: Ramonun hekayəsi 8
“Mən o adamın sinfinə getmirəm! Mən sizin dediklərinizi etməyə məcbur deyiləm!”
“Mən hətta bu sinifdə olmamalıyam, anam deyir ki, mən xüsusi təhsil
müəssisəsinə getməliyəm. Onlar deyirlər ki, mənim diqqət çatışmazlığım var və
mən DÇHS-yam.” (DÇHS - Diqqət Çatışmazlığı və Hiperaktivlik Sindromu.)
O, digər uşaqlar və müəllimlərə çarparaq dəhlizdə qaçır, səhər sinifə girdikdə
nə etməyəcəyini bəyan edir və ürəyi istədiyi zaman otaqda qaçır və qışqırır. O,
sinif yoldaşlarını “axmaqlar yığını” adlandırır və digər altıncı sinif uşaqlarını elə
söyüşlərlə söyür ki, mən bu sözləri ancaq ali məktəbin üçüncü ilində eşitmişəm. …
Bu mənim şagirdim “Ramondur.” Mən onun davranışına qəzəblənirəm. Mən ona
nifrət etmək istəyirəm, lakin ən baçlıcası mən ona, bacarıqsızlığıma və sistemə
hirsliyəm. … O gün bu uşağa görə məktəbi mədə ağrısı ilə gözyaşları içində tərk
etdim.
Bu halda nə edərdiniz?
Ramonun vəziyyəti son dərəcə müstəsna hal olsa da qeyri-adi hal deyil.
Faktiki olaraq hamımız bizə meydan oxuyan, dərslərimizi pozan və bir çox
yollarla başqa şagirdlərimizi məyus edən şagirdlərlə üzləşmişik.
Ramon hədsiz dərəcədə nizam-intizama ehtiyac duyur, lakin hansı alternativlər
var?
Reflektiv fəaliyyət: Nizam-intizama
riayət etməyə necə cəlb olunurdunuz?
İbtidai məktəbdə oxuduğunuz dövrü düşünün. Sinif yoldaşınız özünü Roman
kimi pis apardığı halda müəlliminiz hansı nizam-intizam metodlarından istifadə
edirdi və ya edərdi? Bu metodları aşağıdakı cədvəldə qeyd edin.
8.This case study is adapted from the diary of Ellen Berg, a language arts teacher in Turner Middle School,
St. Louis, Missouri, USA. http://www.middleweb.com/msdiaries01/MSDiaryEllenB6.html [accessed
online on 10/6/2005]