İnklüziv və öyrənmə üçün əlverişli sinifdə pozitiv nizam-intizam

İnklüziv və öyrənmə üçün əlverişli sinifdə pozitiv nizam-intizam 23
Çərşənbə səhəri mən qəti şəkildə qərar verdim ki, Ramon nə edirsə etsin
mən ona diqqət göstərməyəcəm. Onu görməzdən gəlməliydim. Ramon dərsə
10 dəqiqə gec gəldi və mən özümü elə apardım ki, sanki o sinifə heç daxil
olmayıb. Mən müəllim köməkçisinə bir vərəq verərək Ramonun etdiyi bütün
hərəkətləri, onun davranışına mane olmadan yazmasını xahiş etdim.
Dərs fasiləsi zamanı Ramon demək olar ki, hər şey etdi. O oturacaqlar
boyunca qaçdı, başqa bir uşağın saçı ilə oynadı, köməkçinin eynəyini taxdı,
qapı boyunca sanki çölə çıxırmış kimi yeriyərək köməkçinin arxasına
keçərək onun stuluna çıxdı. Biz heç nə demədik. Bütün sinif sanki mən dəli
olmuşammış kimi mənə baxmağa başladı. Mən isə onlara bizim işlərimizin
öyrənməyə heç bir həvəsi olmayan insana diqqət göstərməkdən daha vacib
olduğunu başa saldım. Mən Ramonun onları qıcıqlandırmaq üçün əlindən
gələni etməsinə baxmayaraq, ona fikir vermədən dərsə davam edən şagirdləri
həmin anda hətta öpə bilərdim.
Ramonun davranışı daha da intensivləşdi. Bu dövr ərzində o davamlı olaraq
məndən ayaqyoluna, direktorun köməkçisinin yanına və təhlükəsizlik nəzarətçisinin
yanına getməyi xahiş edirdi. Mən ona əhəmiyyət vermirdim.
Daha sonra isə möhtəşəm bir şey baş verdi. Bayıra çıxmaq əvəzinə o oturdu.
Dərsin sonunda həmişə olduğu kimi uşaqların adlarını bir-bir çağırararaq onları
evə yola salan zaman Ramon mənə yaxınlaşaraq dedi: “Xanım Berg, mən
də gedə bilərəm?” O adını eşidənədək gözlədi.
Bundan sonrakı gün nə baş verəcəyi mənə çox maraqlı idi. Hər hansı bir dəyişiklik
olacaqmı? Yoxsa mən Ramonun yeni bir dəhşətli davranış mərhələsinə
dözməli olacam?
Cümə axşamı Ramon qələmi, kağızı və kitabı ilə birlikdə dərsə vaxtında gəldi.
O sakitcə əyləşdi və sual vermək üçün əlini qaldırdı. Bütün dərs boyu o
icazəsiz yerindən durmadı və danışmadı. O yerində azca qıvrınırdı. Amma
mən onun çox əziyyət çəkərək o cür sakit oturmasını hiss edirdim. Verilmiş
tapşırıqları yerinə yetirməsə belə düşünürəm ki, öz davranışını idarə etmək
Ramon üçün tapşırıq hesab oluna bilərdi.
Mən nə öyrəndim? Hər zaman etdiklərimizə inanmaq və arxayın olmaq yaxşı
bir şey deyildir. Əgər mən istifadə etdiyim metodu dəyişməsəydim, Ramonun
davranışında heç bir dəyişiklik olmazdı. Bilirəm ki, bəzi müəllimlər inanırlar ki, biz