İnklüziv və öyrənmə üçün əlverişli sinifdə pozitiv nizam-intizam

82 İnklüziv və öyrənmə üçün əlverişli sinifdə pozitiv nizam-intizam
Nizamlı, təxmin edilə bilən davranışlar, qarşılıqlı hörmətə əsaslanan
ünsiyyət və münaqişələrin birgə həll edilməsi strategiyalarını modelləşdirin
(bu mövzu sonrakı bölmələrdə müzakirə olunacaq);
Müvafiq bədən dilindən istifadə edin – baş hərəkəti, gülümsəmə və
birbaşa şagirdə baxma;
Bədəninizi aşağı əyin – xüsusilə azyaşlı uşaqlarla əyilin, dizüstə dayanın
və ya onların səviyyəsində oturun;
Şəraitin dəyişdirilməsi və ya yenidən qurulması – pis davranışa
çağıran əşyaların kənarlaşdırılması; məsələn,oyun və oyuncaqlar tədris
vəsaiti kimi istifadə olunursa dərs bitdikdən sonra onları kənarlaşdırın;
Davranışın müsbət yöndə istiqamətləndirilməsi – şagird sinifdə futbol
topu ilə oynayır. “Sən topla çöldə oyun meydançasında oynaya bilərsən
– orada oynamağa yer daha genişdir.”
Yekun olaraq ümidvarıq ki, bu bölmədən çox şey öyrəndiniz və sinifdə bəzi
yeni şeyləri sınaqdan keçirmək qərarına gəldiniz. Biz öyrəndik ki, effektiv
şəkildə idarə olunan sinif pozitiv davranışı yaradan və dəstəkləyən mühitdir
və burada:
1. Siz nə istədiyinizi və nəyi istəmədiyinizi bilirsiniz;
2. Siz şagirdlərinizə nə istədiyinizi göstərir və deyirsiniz;
3. Əldə etmək istədiyinizi əldə etdikdə təşəkkür və təqdir edin;
4. Başqa nəsə əldə etdikdə cəld, münasib və pozitiv tərzdə hərəkət
edin.
Bu proses zamanı siz aşağıda sadalananlara əmin olmalısınız:
1. Sizin gözləntiləriniz aydın və aşkardır;
2. Təlimatlarınız şagirdləriniz üçün maraqlıdır;
3. Şagirdləriniz onlara öyrədilənlərdə məqsəd və dəyər görürlər;
4. Təlimatlar anlayış və bacarıqları şagirdlərin təcrübəsi ilə
əlaqələndirir və onun gündəlik həyatında məna kəsb edir;
5. Tədris strategiyalarınız müxtəlifdir. Siz eyni təlim metodlarından
istifadə etsəniz hətta mövzu maraqlı da olsa şagirdlər bezə
və ya darıxa bilərlər.