İnklüziv və öyrənmə üçün əlverişli sinifdə pozitiv nizam-intizam

34 İnklüziv və öyrənmə üçün əlverişli sinifdə pozitiv nizam-intizam
M üəllim və şagird arasında pozitiv
münasibətin qurulması
Bu bölmədə öyrənəcəkləriniz:
♦
♦
♦
♦
♦
♦
♦
♦
Müəllim və şagird münasibətlərinin əsası
Niyə uşaqlar müəyyən davranış nümayiş etdirirlər
Uşaqlar niyə nizam-intizam qaydalarını pozurlar
Şagirdinizin daxili aləmini öyrənmə
Şagirdlərin yaşayışının başa düşülməsi
Şagirdlərinizin ailələri haqqında öyrənmə
Valideyn-müəllim ünsiyyəti
Həvəsləndirmə strategiyaları
Müəllim-şagird münasibətlərinin əsası
Pozitiv nizam-intizam qaydalarından istifadə edən müəllimlər şagirdlərinə
hörmət edir, onlara düzgün tərbiyə və dəstək verirlər. Onlar şagirdlərin
nizamlı və ya uyğun olmayan davranışını olduğu kimi başa düşür, şagirdin
nizamsızlığına səbəb verə biləcək özü barədə düşüncələrini analiz edə
bilirlər. Onlar uşağın qabiliyyətlərini və vəziyyətini anlayıb, özlərini onun
yerinə qoya bilirlər. Müəllimin şagirddən gözləntiləri ideallıqdan kənar,
reallığa uyğun olur. Müəllim şagirdin nizamsızlığa meyilliliyinin həm özü,
həm də şagird üçün konstruktiv öyrənmə fəaliyyəti olduğunu dərk edir.
O,bunun uşağın inkişafı üçün mühüm və təbii olduğunu, müəllimin avtoritetinə
qarşı çevrilmədiyini də başa düşür.
Bir-birini başa düşmə və qarşılıqlı anlaşmaya əsaslanan bu cür müsbət münasibətlərin
qurulması ilə şagirdlər müəllimlərinə inanır və onların rəğbətinə
dəyər verirlər. Şagirdlər münasibətlərin müsbət xarakterinə və davamlı
intizamlılığına cavab olaraq özlərinin nizamsız davranışlarını azaldır və bu
zaman münasibətlərin keyfiyyəti daha da yaxşılaşır. Buna uyğun olaraq, ən
yaxşı müəllimlər nümunə olmağı bacaran və uşaqların təqlid etmək, həmçinin
razı salmaq istəyəcəyi qədər diqqət göstərdiyi müəllimlərdir.