İnklüziv və öyrənmə üçün əlverişli sinifdə pozitiv nizam-intizam
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində tərcümə edilmiş və nəşr olunmuşdur. Bu vəsaitin azərbaycan versiyası onlayn istifadəyə açıqdır (https://inkluzivtehsil.az/library).
Bu vəsait Avropa İttifaqının maliyyə dəstəyi ilə “Regional İnkişaf” İctimai Birliyi
tərəfindən icra olunan “Müəllimlərin inklüziv təhsil sahəsində bacarıqlarının
artırılması” layihəsi çərçivəsində tərcümə edilmiş və nəşr olunmuşdur.
Bu vəsaitin azərbaycan versiyası onlayn istifadəyə açıqdır
(https://inkluzivtehsil.az/library).
Create successful ePaper yourself
Turn your PDF publications into a flip-book with our unique Google optimized e-Paper software.
44 İnklüziv və öyrənmə üçün əlverişli sinifdə pozitiv nizam-intizam
Müəllim hər bir şagirdin maraq dairəsi və arzularından əlavə, onların bilik və
bacarıq səviyyəsinə də bələd olmalıdır. Şagirdlərinizi daha yaxından tanımaq
üçün fəaliyyətlər həyata keçirmək olduqca əhəmiyyətlidir. Aşağıda müəllimlərin
uğurla həyata keçirə biləcəyi 3 fəaliyyət göstərilib. 40 Bəlkə siz başqalarını
da düşünüb tapa bilərsiniz?
Fəaliyyət: Mən kiməm?
Dərs ilinin əvvəlində şagirlərinizdən aşağıda göstərilənə bənzər bir vərəqi
doldurmağı istəyin. Buradakı məlumatlardan şagirdlərlə söhbət zamanı, dərs
planının hazırlanmasında və öyrənmə aktivliklərinin təşkilində istifadə edin.
Birinci rübün sonunda şagirdlərinizdən vərəqi yenidən doldurmağı xahiş
edin. Dəyişiklikləri nəzərdən keçirin, hər bir şagirdin hansı sahədə yaxşı olduğuna
inandığını, həmçinin onların hansı məqamlarda sinifdə özlərini rahat
və xoşbəxt hiss etdiklərini aydınlaşdırın.
Daha hansı aktivliklər şagirdlərinizin özünəinamını artıra və sinfinizi daha
əyləncəli bir məkana çevirə bilər?
Əgər şagirdlərinizlə uzun illər birlikdə olacaqsınızsa, vərəqləri qovluqda
saxlayın və dəyişikliklər etmək üçün onları nəzərdən keçirin. Müvafiq olaraq
dərs planlarına və fəaliyyətlərə də yenidən baxın. Əgər müxtəlif fənləri
tətbiq edən müəllimlərlə eyni məktəbdə çalışırsınızsa, məlumatlarınızı bölüşün
və onları da dərslərini buna uyğun şəkildə hazırlamağa təşviq edin.
40. Classroom Management. Rapport With and Knowledge of Students. http://www.temple.edu/CETP/
temple_teach/cm-know.html [accessed online on 10/20/2005]