Numismatische Zeitschrift - Medievalcoinage.com

4 Dr. Carl Schalk: Der Münzfuss der Wiener
bedachtem mut zu der zeit,
do ich das wolgetün mocht und
mit hannden des erbern weisen hern Niclas Undermhiml
münszmaister in Osterreich und dieczeit des rats der
stat hie cze Wienn, recht und redlich verchauft hab dem
erbern weisen meinem lieben aidem Vlrichen dem Phanczagl
dieczeit auch des rats hie cze Wien und seinen
erben umb ainn summ phenning, der ich gancz beczalt pin,
mein hausgenosschaft in der munss hie cze Wienn, die mir
der allerdurchleuchtigist furste mein allergenedigister lieber
herr her Albrecht Romischer ze Ungern und cze Pehem etc.
kunig-, herczog ze Osterrich und marggraf ze Merhern etc.
verlihn hat nach lautt ains briefs mir von seinen gnaden
darüber gegebn. Den ich mit dem brief dem vorgenannten
meinem lieben aidem Vlrichen dem Phanczagl
geantwürtt hab also,
dass er und sein erbn nu furbaser die
egenant hausgenosschaft mit allen den eren rechten und
zugehorungen innhaben vei*wesen und nüczen suUen und
mugen, als von alter ist herchomen und als
der munss und
hausgenosschaft recht und gewonhait ist an mein und
meiner erbn irrung und hindernuss ungeverlich. Und des zu
ainer warn urchund so gib ich in den brief versiglten mit
mein und des obgenanten münssmaisters anhangundenn
insigeln. Des ist czeug durch meiner bet willen der erber
Virich Hirssawer statschreiber cze Wienn mit seinem
anhangundem insigl im an schaden. Gebn an phincztag vor
sand Thomanstag des heiligen zwelifpoten nach Christi
gepurd virczehenhundert jar darnach in dem achtunddreissigistem
jare.