36164_Árbók 2005 - Háskóli Íslands

Málstofur á vormisseri:
14. febrúar: Gunnlaugur A. Jónsson, prófessor:
Þar sátum vér og grétum: Babylónska útlegðin af sjónarhóli
137. sálms Saltarans.
21. febrúar: Kristján Valur Ingólfsson, lektor:
Nýjar stefnur og straumar í guðfræði liturgíunnar á undanförnum
tveimur áratugum.
7. mars 2005: Margaret Cormack, prófessor við University of North Carolina,
Chapel Hill: Dýrlingar í sögu Íslands.
21. mars 2005: Jón Ma. Ásgeirsson, prófessor:
Þjóðsögur um munnmælageymdir og mælskufræði skrifaðra
heimilda.
4. apríl 2005: Pétur Pétursson, prófessor: Trúarlíf Íslendinga 1987 og
2004.
Málstofur á haustmisseri:
7. nóvember 2005: Mukunda Raj Patik, stundakennari við Háskólann í Nepal,
Katmandu: Sérstaða Búddatrúar í Nepal og munklífi þar í
landi.
14. nóvember: Lára Magnúsardóttir, sagnfræðingur:
Spjall um dómsvald kirkjunnar á miðöldum.
Prófessor Jón Ma. Ásgeirsson hafði umsjón með málstofunum.
Ritröð Guðfræðistofnunar
Á árinu komu út tvö hefti Ritraðarinnar, 20. og 21. hefti. Þegar Einar Sigurbjörnsson
tók við stöðu deildarforseta óskaði hann eftir því að láta af ritstjórn og eru
honum þökkuð störf hans í þágu ritraðarinnar. Stjórn stofnunarinnar fól Hjalta
Hugasyni að vera ritstjóri og tilnefndi með honum í ritnefnd prófessorana Pétur
Pétursson og Jón Ma. Ásgeirsson. Stefnt er að því að tvö hefti komi út af ritröðinni
árlega. Þá hefur ritstjórn tekið saman einfaldar ritrýni- og frágangsreglur sem
ætlað er að styrkja stöðu Ritraðarinnar sem ritrýnds fræðitímarits.
Málþing Guðfræðistofnunar
Eins og undanfarin ár gekkst Guðfræðistofnun fyrir málþingi er haldið var föstudaginn
11. mars. Yfirskriftin var að þessu sinni Hið heilaga. Fyrirlesarar voru dr.
Guðrún Kvaran forstöðumaður Orðabókar Háskólans (Merkingarsvið hins heilaga
í íslensku máli), Gunnlaugur A. Jónsson, prófessor, (Heilagur, heilagur, heilagur
er Drottinn allsherjar. Heilagleikahugtakið í Jesajaritinu), Jón Ma. Ásgeirsson
prófessor (Hin heilaga borg Jerúsalem í Bók opinberunarinnar), Hjalti Hugason,
prófessor (Hið heilaga og tíminn; þróun íslenskrar helgidagalöggjafar), Kristján
Valur Ingólfsson lektor (Pro fanum. Kirkjan andspænis hinu heilaga./Eða, Viðbrögð
praktískrar guðfræði við hinu endanlega), Oddný Sen kvikmyndafræðingur
(Helgun óttans, Hið guðlega í hrollvekjukvikmyndum), Pétur Pétursson prófessor
(Er nútíminn í hættu? Hið heilaga í kenningum félagfræðinga) og Sólveig Anna
Bóasdóttir stundakennari (Notkun Heilagrar ritningar í guðfræðilegri siðfræði).
Fundarstjóri var Elín Hrund Kristjánsdóttir cand.theol. Háskólarektor veitti
nokkurn styrk til málþingsins. Prófessor Jón Ma. Ásgeirsson hafði umsjón með
málþinginu og eru honum þökkuð þau störf.
21. mars hélt stofnunin í samvinnu við Rannsóknastofu í kvenna- og kynjafræðum
við HÍ (RIKK) málþingið Klaustrið í Kirkjubæ. Var það haldið í tengslum við
samnefnt rannsóknarverkefni sem styrkt var af Kristnihátíðarsjóði.
Flestir fastir kennarar deildarinnar tóku einnig virkan þátt í Hugvísindaþingi á
haustmisseri 2005. Þar voru alls fjórar málstofur guðfræðilegs eðlis þar af ein í
samvinnu við RIKK.
Alþjóðlegt samstarf
Starfsmenn stofnunarinnar eru allir virkir í norrænum og alþjóðlegum samstarfsverkefnum
og er of langt mál að geta þeirra allra hér.
Kristnihátíðarsjóður
Guðfræðistofnun var aðili að nokkrum styrkjum sem úthlutað var úr Kristnihátíðarsjóði
1. desember 2004.
Á sviði menningar- og trúararfs:
• Þýdd guðsorðarit á Íslandi á 17. öld. Samvinnuverkefni með Árnastofnun.
Verkefnisstjóri Einar Sigurbjörnsson, starfsmaður Þórunn Sigurðardóttir.
104