Create successful ePaper yourself
Turn your PDF publications into a flip-book with our unique Google optimized e-Paper software.
Þjónusta við aðila sem leita upplýsinga um sjávarútveg<br />
Töluverð brögð eru að því að menn leiti til Sjávarútvegsstofnunar með spurningar<br />
og erindi sem varða sjávarútveg og reynir stofnunin að leysa úr þeim eftir megni,<br />
annaðhvort með því að veita svörin sjálf eða koma erindinu áfram til réttra aðila<br />
innan eða utan HÍ Fjölmiðlar leita einnig upplýsinga af ýmsu tagi, tímarit og blöð<br />
fara fram á greinaskrif til fróðleiks og forstöðumaður er beðinn um að tala á<br />
fundum og mannamótum, vera fundarstjóri eða halda hátíðarræður, t.d. á sjómannadaginn<br />
eða 17. júní. Má gera ráð fyrir að viðvik sem undir þennan flokk<br />
falla séu á annað hundrað á ári hverju.<br />
Önnur samstarfsverkefni<br />
• United Nations University – Fisheries Training Programme (Sjávarútvegsskóli<br />
Háskóla Sameinuðu þjóðanna). Háskóli Íslands á formlega aðild að Sjávarútvegsskóla<br />
Háskóla Sameinuðu þjóðanna sem stofnaður var 1997. Hefur Guðrún<br />
Pétursdóttir átt sæti í stjórn Sjávarútvegsskólans frá stofnun hans.<br />
• Nordisk Arbeidsgruppe for Fiskeriforskning (NAF). Forstöðumaður Sjávarútvegsstofnunar<br />
hefur frá 1995 verið einn þriggja fulltrúa Íslands í nefnd á vegum<br />
norrænu ráðherranefndarinnar sem er ætlað að gera tillögur um norrænar<br />
rannsóknir á sviði sjávarútvegs og skyldra greina. Nefndin sem kallast<br />
Nordisk Arbeidsgruppe for Fiskeriforskning (NAF) setur fram drög að stefnumótun<br />
og metur umsóknir um styrki til sjávarútvegsrannsókna, sem veittir<br />
eru tvisvar á ári. Einnig heldur nefndin þing og fundi og gefur út niðurtöður<br />
rannsókna og annað efni. Guðrún Pétursdóttir var varaformaður NAF og sótti<br />
fjóra fundi erlendis í tengslum við það á árinu.<br />
• Nordic Marine Academy tók til starfa 1. mars <strong>2005</strong>. Um er að ræða samnorrænan<br />
háskóla fyrir þá sem stunda meistara- og doktorsnám í fræðum sem<br />
tengjast hafinu eða sjávarútvegi. Skólinn er fjármagnaður af norrænu ráðherranefndinni<br />
þar sem embættismannanefndin um sjávarútveg (NEF) og<br />
Norræna vísindaráðið (NordForsk) leggja hvort um sig fram 50 m.kr. á fimm<br />
árum. Höfuðviðfangsefni NMA er að stuðla að auknu framboði námskeiða á<br />
ýmsum sviðum sjávarútvegs fyrir unga vísindamenn í doktors- eða meistaranámi.<br />
Einnig mun hann bjóða símenntun fyrir sérfræðinga og fræðslu fyrir<br />
fjölmiðlafólk. Öll fyrirtæki og stofnanir á Norðurlöndum, sem stunda rannsóknir<br />
og kennslu tengda sjávarútvegi, geta tekið þátt í skólanum. Guðrún<br />
Pétursdóttir er formaður nýrrar skólastjórnar.<br />
• FAO Advisory Committee on Fishery Research (ACFR). Guðrún Pétursdóttir er<br />
tilnefnd af aðalritara FAO í átta manna hóp ráðgjafa um málefni sjávarútvegs,<br />
Advisory Committee on Fishery Research (ACFR). Aðalritarinn getur leitað til<br />
ráðgjafanna um hvaðeina sem varðar málaflokkinn en þeir hittast einnig<br />
formlega annað hvert ár og leggja fram drög að stefnu FAO í sjávarútvegsmálum.<br />
• North Atlantic Islands Programme (NAIP). Sjávarútvegsstofnun hefur um<br />
árabil tekið virkan þátt í starfi North Atlantic Islands Programme (NAIP) sem<br />
er samstarf sjö eyþjóða í Norður-Atlantshafi um kennslu, rannsóknir og viðskipti.<br />
Þetta verkefni hefur verið í gangi frá 1995 og taka þátt í því háskólar,<br />
aðrar stofnanir og fulltrúar atvinnulífisins frá eftirtöldum eyjum: Nýfundnalandi,<br />
Prince Edward Island, Grænlandi, Færeyjum, Álandseyjum og eynni<br />
Mön, auk Íslands.<br />
• Sumarskóli á vegum NorFA. Sjávarútvegsstofnun hefur frá 1998 tekið þátt í<br />
skipulagningu og framkvæmd sumarskóla sem haldnir hafa verið í Kristineberg<br />
Marine Research Station við Gullmarsfjorden í Svíþjóð í júní og standa<br />
í viku. Þátttakendur eru árlega um 50 nemendur í doktorsnámi á Norðurlöndum<br />
en kennarar eru vísindamenn í þessum fræðum sem þekktir eru á<br />
alþjóðavettvangi.<br />
• Arctic Biology. Sjávarútvegsstofnun og Líffræðistofnun Háskólans áttu frumkvæði<br />
að samstarfi við Denmark’s International Study Programme (DIS) um<br />
sumarskóla í líffræði heimskautasvæða. Þessi námskeið eru ætluð bandarískum<br />
háskólanemum og markaðssett af DIS um gervöll Bandaríkin. Námskeiðin<br />
standa í sex vikur frá miðjum júní til júlíloka og hafa verið haldin árlega<br />
frá 1996. Undanfarin tvö ár hefur jarðfræðinámskeið verið kennt samhliða<br />
líffræðinni. Umsjón námskeiðanna hefur verið í höndum Guðrúnar Lárusdóttur<br />
líffræðings og eru þau nú haldin á vegum DIS og Endurmenntunar<br />
HÍ (sjá www.disp.dk).<br />
• Samstarf við Fræðslumiðstöð Reykjavíkur og Reykjavíkurhöfn. Sjávarútvegsstofnun<br />
hefur undanfarin ár tekið að sér kennslu og kynningu á sjávardýrum<br />
fyrir öll 11 ára skólabörn í Reykjavík. Fyrr á árum bauð Sjávarútvegsstofnun<br />
námskeið um fjöruferðir og fiskabúr fyrir leikskólakennara og komust færri<br />
að en vildu. Í núverandi verkefni er farið með börnin á bát út á Sundin, sýni af<br />
lífríki sjávar tekin, greind og skoðuð þar og fjallað um hafið í breiðu sam-<br />
223