36164_Árbók 2005 - Háskóli Íslands

un var notað við ráðgjöf um stjórn veiða á rjúpu á árinu. Þá var unnið að áframhaldandi
þróun á reiknilíkönum á göngum loðnu með það að markmiði að samræma
gagnaumgjörðina fyrir svonefnd eindalíkön annars vegar og samfelld líkön
hins vegar og gera stikamat fyrir slík líkön sem hagkvæmast.
Unnið var að þróun tölfræðiaðferða í sameindaerfðafræði í samvinnu við háskóla í
Bandaríkjunum. Einnig var unnið að rannsóknum á tví-Hamilton hreyfikerfum.
Í samvinnu við vísindamenn í Kanada hefur verið unnið að þróun á aðferðum við
að bæta mat á göngum með notkun sveimferlalíkana á gögn úr síritandi fiskmerkjum
og staðsetningarmerkjum á selum.
Áfram hefur verið unnið að prófunum á mismunandi stjórnkerfum fiskveiða með
líkönum sem taka tillit til áhrifa svæðalokana, kvótakerfa og takmarkana sóknardaga
og áhrifa slíkra takmarkana á lífkerfið. Hér eru notuð líkön sem innihalda
lýsingu á lífkerfinu og hagfræðileg líkön sem lýsa viðbrögðum flotans við mismunandi
stjórnkerfum.
Unnið var í samvinnu við fyrirtækið Stofnfisk að þróun líkana til að lýsa áhrifum
þess á fiskistofna að velja úr þeim fyrir tveimur erfðaþáttum samtímis.
Unnið var að reikniriti og forriti í Matlab og C til að meta stika margvíðra tímaraðalíkana
þegar gögn eru götótt.
Unnið var áfram að rannsóknum á Palmvenslum fyrir margvíð punktferli, slembimengi
og slembimál og kom út rannsóknaskýrsla um Palmvensl slembimengja í
margvíðri grind á árinu. Einnig birtist grein í tímaritinu Bulletin of Kerala Mathematics
Association um tengingu slembiferla.
Unnið var að þróun nýrra lærdómslíkana til greiningar á nokkrum algengum heilasjúkdómum
(s.s. Alzheimer) út frá heilariti.
Unnið hefur verið við nýjar leitaraðferðir fyrir ólínuleg bestunarverkefni, þar á
meðal nýja aðferð til að innleiða staðgengilslíkön í víðfeðma bestun og samhliða
útfærslur á slembileitaralgrími. Á árinu birtist grein í IEEE Transactions on Systems,
Man and Cybernetics í samvinnu við vísindamenn við háskólann í Birmingham.
Einnig birtist grein í IEEE Transactions on Evolutionary Computation í samvinnu
við vísindamenn við háskólann í Essex. Þá lauk verkefni um flokkun heilarita
með stoðvigravélum; nokkrar skýrslur birtust á árinu um þetta verkefni.
Tómas P. Rúnarsson, fræðimaður við stofuna, var á árinu skipaður í ritstjórn
tímaritsins IEEE Transactions on Evolutionary Computation. Hann situr einnig í
IEEE Evolutionary Computation Technical Committee: Games Working Group.
Unnið er að skipulagningu ráðstefnunnar 9th International Conference on Parallel
Problem Solving from Nature sem haldin verður á Íslandi 9.-13. september 2006.
Reiknifræðistofa stóð ásamt stærðfræðistofu að 24. norræna og 1. fransk-norræna
stærðfræðingaþinginu sem haldið var hér 6.-9. janúar 2005 á vegum íslensku
og frönsku stærðfræðafélaganna. Tóku 195 stærðfræðingar þátt í þinginu,
þar af rúmlega 20 Íslendingar. Þá stóð reiknifræðistofa að 2. íslensku líkindaráðstefnunni
sem haldin var 4.-5. janúar 2005 sem ein af fylgiráðstefnum áðurnefnd
þings og tóku 26 þátt í henni þar af 5 Íslendingar. Á árinu hófst undirbúningur að
stofnun tölfræðimiðstöðvar við stofnunina.
Stærðfræðistofa
Stærðfræðistofa er vettvangur rannsókna í stærðfræði og stærðfræðilegri eðlisfræði.
Þar störfuðu á árinu átta kennarar í raunvísindadeild og sex sérfræðingar.
Tveir hinna síðarnefndu sitja í postdoc-stöðum og eru laun þeirra greidd af öndvegisstyrk
Lárusar Thorlacius og Þórðar Jónssonar. Við stofuna voru jafnframt
sex stúdentar í rannsóknatengdu námi, þar af einn í doktorsnámi.
Viðfangsefni stofunnar eru margvísleg og spanna margar sérgreinar stærðfræði
og stærðfræðilegrar eðlisfræði. Þau helstu eru á sviði algebru og algebrulegrar
rúmfræði, tvinnfallagreiningar og fágaðrar rúmfræði, skammtasviðsfræði,
strengjafræði, óvíxlinnar rúmfræði, diffurrúmfræði, fellagreiningar og netafræði.
160