36164_Árbók 2005 - Háskóli Íslands

meðan. Auk Eyjólfs og Sabine störfuðu 7 nemendur í tímavinnu á árinu: Frans W.
Kjartansson, Claudia Overesch, Charlotte Bartkowiak, Tinna Þ. Þorvaldsdóttir,
Katelin Parsons, Raphael Cornu og Edda Ýr Maier.
Starfsemi
Aðalhlutverk miðstöðvarinnar er að gefa öllum nemendum og starfsfólki skólans
kost á því að bæta tungumálakunnáttu sína. Í samvinnu við hugvísindadeild er
boðið upp á hagnýt tungumálanámskeið sem opin eru öllum nemendum Háskólans.
Í desember 2005 luku 64 nemendur námi á þessum námskeiðum. Sex
tungumál eru í boði, danska, enska, franska, ítalska, spænska og þýska. Hér er
um nemandastýrt tungumálanám að ræða þar sem nemendur vinna sjálfstætt
undir handleiðslu kennara og nýta sér tækja- og námsgagnakost miðstöðvarinnar.
Tungumálamiðstöðin skipuleggur einnig tungumálanámskeið fyrir starfsfólk
HÍ og er það í samvinnu við starfsmannasvið. Á vormisserinu hélt miðstöðin
dönskunámskeið fyrir starfsfólk sem var í umsjón Annette Pedersen. Á haustmisserinu
var svo boðið upp á íslenskunámskeið fyrir erlenda starfsmenn skólans
og fékkst til þess styrkur úr Háskólasjóði. Kolbrún Friðriksdóttir var umsjónarkennari
þessa námskeiðs og henni til aðstoðar var Hildur Karítas Jónsdóttir.
Auk tungumálanámskeiða býður miðstöðin upp á alþjóðleg stöðupróf í þýsku og
spænsku. Þýsku TestDaF prófin eru í umsjón Carstens Thomas en Hólmfríður
Garðarsdóttir og Isaac Juan Tomás sjá um spænsku DELE prófin.
Tungumálamiðstöðin er í margskonar samstarfi við erlenda aðila. Hún er meðlimur
í CERCLES (Confédération Européenne des Centres de Langues de l’Enseignement
Supérieur) sem eru evrópusamtök tungumálamiðstöðva á háskólastigi.
Seint á árinu hófst svo formlegt samstarf við Cervantesstofnunina á Spáni
um svo kallaða Cervantesstofu sem verður hýst í Tungumálamiðstöð. Um er að
ræða útibú frá Cervantesstofnun þar sem hægt verður að nálgast ýmsar
upplýsingar s.s. námsgögn og spænskt menningarefni. Isaac Juan Tomás verður
umsjónarmaður Cervantesstofu.
Auk þessa er miðstöðin þátttakandi í Evrópsku samstarfsverkefni er nefnist Linguanet
Europa. Um er að ræða upplýsingagátt fyrir tungumálanám og -kennslu. Hildur
Karítas Jónsdóttir og Eyjólfur Már Sigurðsson hafa starfað að þessu verkefni fyrir
Tungumálamiðstöðina frá 2003. Upplýsingagáttin verður opnuð í nýrri mynd í lok
árs 2006 og verður þá aðgengileg á 11 tungumálum m.a. íslensku.
Rannsóknir
Háskóli Íslands rekur hvatakerfi sem samanstendur af rannsóknasjóðum, akademísku
framgangskerfi og launaumbun. Forsenda hvatakerfisins er mat á rannsóknum
sem byggist á alþjóðlegum viðmiðunum. Háskólakennarar og sérfræðingar
skila árlega skýrslu um rannsóknastörf sín og birt verk. Hin birtu verk eru
metin til svokallaðra rannsóknastiga. Rannsóknavirkni kennara og fræðimanna
Mynd 1. Heildarrannsóknastig Háskóla Íslands 2001-2004.
14.000
13.475
12.000
10.000
8.000
6.000
11.777
9.683 9.426
8.720
11.191 11.096
10.333
2001
2002
2003
2004
4.000
2.000
0
1.613 1.698
1.507 1.670
Háskóli Íslands Tengdar stofnanir Samtals:
48