36164_Árbók 2005 - Háskóli Íslands

Hugvísindadeild og
fræðasvið hennar
Almennt yfirlit
Hugvísindadeild skiptist í sjö skorir: bókmenntafræði- og málvísindaskor, enskuskor,
heimspekiskor, íslenskuskor, sagnfræðiskor, skor rómanskra og klassískra
mála og skor þýsku og Norðurlandamála. Skorarformenn eiga sæti í deildarráði
ásamt deildarforseta, varadeildarforseta og tveimur fulltrúum stúdenta.
Stjórn og starfslið
Deildarforseti var Oddný G. Sverrisdóttir, dósent í þýsku, en varadeildarforseti
Höskuldur Þráinsson, prófessor í íslensku. Nýir skorarformenn á haustmisseri
voru Sigríður Þorgeirsdóttir (heimspekiskor), Birna Arnbjörnsdóttir (enskuskor)
og Sveinbjörn Rafnsson (sagnfræðiskor), en Ástráður Eysteinsson (bókmenntafræði-
og málvísindaskor) tók sæti í deildarráði í upphafi árs. Fulltrúar nemenda
voru Sigurrós Eiðsdóttir og Ásþór Sævar Ásþórsson.
Í ársbyrjun voru fastráðnir kennarar við deildina alls 84, þ. e. 26 prófessorar, 23
dósentar, 12 lektorar, 17 aðjúnktar og sex erlendir sendikennarar. Auk þess
starfa fjölmargir stundakennarar við deildina. Tveir prófessorar eru í leyfi, en
Páll Skúlason gegndi starfi rektors HÍ til miðs árs og Mikael M. Karlsson er
deildarforseti Laga- og félagsvísindadeildar við Háskólann á Akureyri. Nokkrar
breytingar urðu á starfsliði deildarinnar. Hólmfríður Garðarsdóttir og Pétur
Knútsson hlutu framgang í dósentsstarf. Guðrún Nordal, Bergljót S. Kristjánsdóttir,
Julian M. D’Arcy og Anna Agnarsdóttir hlutu framgang í starf prófessors.
Jón R. Gunnarsson lektor í almennum málvísindum lét af störfum vegna aldurs.
Kristjana Kristinsdóttir var ráðin í hálf starf lektors í skjalfræðum, en sú staða
er styrkt af Þjóðskjalasafni Íslands. Tveir nýir lektorar voru ráðnir í íslensku,
Sveinn Yngvi Egilsson og Dagný Kristjánsdóttir, en hún hlaut framgang í starf
prófessors litlu síðar. Einn nýr lektor í dönsku var ráðinn tímabundið til eins
árs, Jon C. Milner og Rikke Houd var ráðin tímabundið sem aðjúnkt í dönsku í
stað Annette Pedersen og Bjargar Hilmarsdóttur sem létu af störfum. Gottskálk
Þór Jensson var ráðinn í starf lektors í bókmenntafræði, Gavin Murray Lucas í
starf lektors í fornleifafræði og Gauti Kristmansson í starf lektors í þýðingafræði.
Guðmundur Edgarsson var ráðinn aðjúnkt í ensku, í stað Erlendínu Kristjánsson
sem lét af störfum, og Ásta Ingibjartsdóttir var ráðin aðjúnkt í frönsku í
stað Jóhönnu Bjarkar Guðjónsdóttur sem lét af störfum. Björn Ægir Norðfjörð
var ráðinn aðjúnkt í kvikmyndafræði. Viola Miglio lektor í spænsku kom til starfa
að nýju eftir þriggja ára leyfi og Erla Erlendsdóttir sem gegndi tímabundið
starfi lektors í spænsku, tók við starfi aðjúnkts. Ólafur Páll Jónsson aðjúnkt í
heimspeki lét af störfum á árinu. Nýir sendikennari í finnsku og frönsku komu
til starfa um mitt ár. Maare Fjällström tók við starfi sendikennara í finnsku í
stað Taiju Niemenen, og Gaëtan Montoriol tók við starfi sendikennara í frönsku í
stað Olivier Dintinger.
Vilhjálmur Árnason, prófessor í heimspeki, var sameiginlegur aðalfulltrúi hugvísindasviðs
(hugvísindadeildar og guðfræðideildar) í háskólaráði, en varamenn Arnfríður
Guðmundsdóttir, dósent í guðfræðideild, fyrsti varamaður og Birna Arnbjörnsdóttir,
dósent í ensku, annar aðalfulltrúi. Aðalfulltrúar hugvísindadeildar á
háskólafundi, auk deildarforseta, voru Margrét Jónsdóttir, Ásdís Egilsdóttir, Valur
Ingimundarson, Julían D’Arcy og Gunnar Harðarson. Varafulltrúar voru kjörnir:
Róbert H. Haraldsson, Guðrún Björk Guðsteinsdóttir, Sveinbjörn Rafnsson, Jón
Axel Harðarson, Gísli Gunnarsson, Svavar Hrafn Svavarsson, Magnús Fjalldal,
Þóra Björk Hjartardóttir og Rannveig Sverrisdóttir.
Fjárveitingar og útgjöld hugvísindadeildar
2003-2005 (þús. kr.).
2003 2004 2005
Útgjöld (nettó) 423.706 441.655 483.619
Fjárveiting 387.743 410.490 469.996
113