36164_Árbók 2005 - Háskóli Íslands

arra tækja m.a. 400 MHz NMR tæki, FT-IR tæki, GC-MS tæki, leysum og tölvuklasa.
Upptalningu á ritverkum verkefnastjóra er að finna í Árbók Háskóla Íslands og
hægt er að lesa lýsingar á rannsóknarverkefnum kennara á heimasíðum þeirra.
Slóðin er http:/ www.raunvis.hi.is/Efnafr/Efnafr.html
Lífefnafræðistofa
Við Lífefnafræðistofu hafa rannsóknaraðstöðu fjórir kennarar úr efnafræðiskor
raunvísindadeildar og tveir kennarar úr matvælafræðiskor og einn prófessor emeritus.
Auk þeirra starfa á stofunni nokkrir sérfræðingar, nemar í rannsóknatengdu
framhaldsnámi til meistaraprófs eða doktorsprófs, rannsóknamenn og
nemar sem vinna að lokaverkefnum til BS-prófs.
Þau rannsóknaverkefni sem unnið er að á stofunni eru á eftirtöldum sviðum:
• Erfðatæknileg framleiðsla þorskensíma í gersveppum, sérsniðin ensím, einangrun
próteina og náttúruleg rotvörn.
• Lífefni úr hrognum.
• Varnir lífvera gegn oxunarálagi og stakeindum.
• Ensímið glútaþíónperoxídasi, eiginleikar og hreinvinnsla.
• Andoxunarefni.
• Snefilefnið selen.
• Kuldavirk ensím úr bakteríum og úr fiskum, grundvöllur hvötunarvirkni
þeirra, sértækni, stöðugleika og hagnýtingar.
• Samskipti ensíma og hindrandi efna.
• Ensímrannsóknir og kyrrsetning ensíma.
• Kítósanfáliður og áhrif þeirra á prótein.
• Gripgreining og notkun hennar við vinnslu lífefna.
• Vinnsla lífefna.
• Ensím úr þorski, vinnsla, hagnýting og eiginleikar.
• Ensím úr suðurskautsljósátu.
• Ensím úr slöngueitri.
• Prótein, ensím, próteinasar, stöðugleiki próteina, hitastigsaðlögun próteina
og hagnýting ensíma.
• Adrenergir viðtakar í hjarta og hjartavöðvafrumum.
• Rannsóknir á glýkólípíðum.
• Rannsóknir á íslenskum lækningajurtum.
Frekari upplýsingar um rannsóknirnar og ritaskrár starfsmanna er að finna á
heimasíðu stofunnar og starfsmanna hennar á slóðinni http://www.raunvis.hi.is/Lifefnafr/Lifefnafr.html
Tækjabúnað stofunnar má flokka sem hér segir:
• Almennur búnaður til hreinvinnslu próteina svo sem skilvindur og súlugreiningarbúnaður
af ýmsu tagi.
• Mælitæki til rannsókna og greininga á próteinum og ensímum svo sem litrófsmælar,
rafdráttarbúnaður, hvarfahraðamælar, tæki til varmafræðilegra
mælinga, flúr-ljómunarmælir, circular dichroism litrófsmælir, amínósýrugreinir
og prótein-raðgreiningartæki.
• Búnaður til gerlaræktunar og til kjarnsýruvinnu.
• Tæki til greiningar og rannsókna á smærri sameindum m.a. massagreinir.
Auk þess hafa starfsmenn stofunnar aðgang að tækjabúnaði efnafræðistofu og efnafræðiskorar,
til dæmis gasgreiningar-búnaði og nýju kjarnarófstæki (NMR 400 MHz).
Reiknifræðistofa
Á reiknifræðistofu eru stundaðar rannsóknir í reiknifræði, lífstærðfræði, tölfræði,
tölvunarfræði og líkindafræði. Þar starfa að jafnaði tveir sérfræðingar i föstum
stöðum og nokkrir verkefnaráðnir sérfræðingar og aðstoðarmenn. Þá er stofan
rannsóknavettvangur fjögurra kennara við stærðfræðiskor raunvísindadeildar og
fjögurra kennara við tölvunarfræðiskor verkfræðideildar.
Lokið var endanlega við gerð reiknilíkana er lýsa viðgangi íslenska rjúpnastofnsins.
Um er að ræða bæði tímaraðalíkan og afleiðujöfnulíkan sem endurspeglar
samspil rjúpna og fálka. Líkanið sem var unnið í samvinnu við Náttúrufræðistofn-
159