36164_Árbók 2005 - Háskóli Íslands

30. september: Helgi Áss Grétarsson stud. jur.;
Umgengnisréttur - Framkvæmd umgengnismála hjá
sýslumanninum í Reykjavík og dóms- og kirkjumálaráðuneytinu
árin 2002-2003.
Kynningarstarf
Kynningarnefnd lagadeildar hefur það hlutverk að auka kynningu á deildinni, m.a.
með fræðafundum og málstofum, viðtölum, fréttatilkynningum og útgáfustarfsemi
ýmis konar.
Heimasíðu lagadeildar er ætlað að veita allar nauðsynlegar upplýsingar um nám
við deildina svo og almennar upplýsingar. Heimasíðan er í stöðugri vinnslu og
uppfærð reglulega enda er hún helsta kynningarefni deildarinnar og hefur komið
að verulegu leyti í stað sérstakra bæklinga um hana.
Lagadeild og Orator, félag laganema, standa einnig saman að kynningarfundum
um almenn og sérstök atriði varðandi nám við deildina og háskólanám almennt.
Lagadeild hefur, eins og aðrar deildir Háskólans, sérstaka kynningu á árlegri
námskynningu skóla á háskólastigi á vorin. Laganemar, kennarar og aðrir starfsmenn
deildarinnar mæta þar og veita ýmsar upplýsingar um laganámið, auk þess
sem dreift er bæklingum og blöðum um nám við lagadeild. Jafnframt hafa fulltrúar
Orators farið árlega með kynningar í framhaldsskóla á höfuðborgarsvæðinu.
Árleg móttaka fyrir afmælisárganga kandidata frá deildinni, allt frá fimm ára upp
í 60 ára afmælisárganga, í samstarfi lagadeildar og Hollvinafélags deildarinnar,
fór fram að venju í Lögbergi í aprílmánuði. Mættu yfir 100 manns og var boðið
upp á léttar veitingar. Starfsemi lagadeildar og Hollvinafélagsins var kynnt og viðstöddum
boðið að gerast aðilar að Hollvinafélaginu.
Skráðir og brautskráðir stúdentar í lagadeild 2003-2005
2003 2004 2005
karlar konur alls karlar konur alls karlar konur alls
Skráðir stúdentar 228 256 484 231 265 497 273 297 570
Brautskráðir
Lögfræði 27 13 40 11 20 31 16 29 45
Lögfræði BA 13 10 23
Sjávarútvegsfræði MS 0 1 1
Lögritarar diplóma 3 3 1 4 5 0 4 4
Lögfræði LLM 1 1 0 3 3
Lögfræði doktorspróf 1 0 1
Samtals 27 16 43 13 24 37 30 47 77
Tölur um skráða stúdenta miðast við janúar árið eftir, þ.e. mitt námsárið.
Lagastofnun
Almennt yfirlit og stjórn
Stjórn Lagastofnunar var þannig skipuð árið 2005: Viðar Már Matthíasson, prófessor,
formaður og Stefán Már Stefánsson, prófessor, varaformaður, Páll Sigurðsson,
prófessor, Ragnheiður Bragadóttir, prófessor og Bjarni Aðalgeirsson,
laganemi meðstjórnendur. Forstöðumaður er María Thejll hdl. Við Lagstofnun
starfa fastir kennarar lagadeildar. Starfsmenn eru ráðnir á verkefnagrunni.
Rannsóknir – Styrkir frá atvinnulífinu
Árið 2005 voru 3 rannsóknastofur starfandi, í skattarétti, Evrópurétti og refsirétti
og afbrotafræði. Rannsóknastofa í refsirétti og afbrotafræði fékk styrk frá dómsmálaráðuneyti
til að lúka þeirri rannsókn en Hildigunnur Ólafsdóttir afbrotafræðingur
starfaði við rannsókn í refsirétti og afbrotafræði á árinu ásamt Ragnheiði
Bragadóttur prófessor.
134