36164_Árbók 2005 - Háskóli Íslands

Tannlæknadeild og
fræðasvið hennar
Almennt
Sigfús Þór Elíasson, prófessor, tók við sem deildarforseti tannlæknadeildar 1.
júlí 2005 af Einari Ragnarssyni, dósent, en Einar mun starfa áfram sem varadeildarforseti.
Á deildarfundi eiga sæti allir fastráðnir kennarar deildarinnar og
þrír fulltrúar stúdenta. Við deildina starfar deildarráð þar sem sæti eiga deildarforseti,
varadeildarforseti, formaður kennslunefndar, klínikstjóri og tveir fulltrúar
stúdenta. Núverandi formaður kennslunefndar er Karl Örn Karlsson, lektor.
Klínikstjóri sem hefur yfirumsjón með allri starfsemi á verkstofum deildarinnar
er Helgi Magnússon, lektor. Við tannlæknadeild starfa 17 fastráðnir kennarar
í rétt rúmlega 14 stöðugildum auk nokkurra stundakennara. Jafnframt
starfa við deildina rekstrarstjóri í 40% starfi, skrifstofustjóri í 100% starfi, deildarstjóri
á klínik í 80% starfi, þrír tanntæknar í 60% starfi hver, tveir móttökufulltrúar
í 50% starfi hvor, tannsmiður í 75% starfi og tækjavörður í 100% starfi.
Nýtt skipurit tannlæknadeildar var samþykkt á deildarfundi á haustmisseri.
Auk tannlæknakennslunnar fer fram á vegum tannlæknadeildar kennsla tanntækna,
þ.e. aðstoðarfólks tannlækna, og tannsmiða.
Hinn 31. janúar 2005 voru liðin 60 ár frá því að tannlæknakennsla hófst hér við
Háskóla Íslands. Þessara tímamóta var minnst með ýmsum hætti á afmælisárinu,
m.a. vísindaráðstefnu, opnu húsi fyrir almenning og gamla nemendur
deildarinnar auk hátíðarsamkomu í tilefni afmælisins.
Starfsfólk
Á árinu hætti Sigríður J. Sigfúsdóttir störfum sem deildarstjóri á klínik eftir
langan og farsælan starfsferil. Hún hafði starfað við tannlæknadeildina í yfir 40
ár og var við starfslok sá starfsmaður Háskóla Íslands sem hafði lengstan
starfsaldur. Við starfi hennar tók Hanna G. Daníelsdóttir, tanntæknir.
Ólafur Höskuldsson, lektor í barnatannlækningum hætti einnig störfum við
deildina eftir langan og farsælan starfsferil. Hann hóf kennslu við tannlæknadeildina
haustið 1972, fyrsta árið sem stundakennari en frá 1973 sem lektor. Við
starfi hans tók Sigurður Rúnar Sæmundsson, lektor.
Ellen Flosadóttir var ráðin lektor í klíniskri tannlæknisfræði í 50% stöðu en hún
hefur verið stundakennari við deildina undanfarin tvö ár.
Svend Richter hefur einnig verið ráðinn í 50% stöðu lektors í klíniskri tannlæknisfræði.
Svend hefur verið aðjúnkt við deildina allar götur síðan 1988 og gegndi
fullu starfi lektors í munngervalækningum sl. tvö ár. Fyrst um sinn mun Ellen
einkum gegna kennsluskyldu í partagerð og Svend í heilgómagerð.
Jónas Geirsson, tannlæknir, hefur verið ráðinn stundakennari í klíniskri tannfyllingu
einn morgun í viku.
Að öðru leyti mun sama starfsfólk starfa við deildina og sömu kennarar og í
fyrra sjá um kennsluna, bæði stundakennarar og fastir kennarar. Engar breytingar
verða á starfsfólki hjá Námsbraut fyrir tanntækna né Tannsmiðaskólanum.
Kennslumál
Tannlæknadeild hefur gert samstarfssamning við nokkra tannlæknaháskóla á
Norðurlöndum um framhaldsnám og stúdentaskipti. Fyrsti Nordplus skiptineminn
Samuel Onval frá Svíþjóð, kom til deildarinnar á vormisseri. Á haustmisseri
Fjárveitingar og útgjöld tannlæknadeildar
2003-2005 (þús. kr.).
2003 2004 2005
Útgjöld (nettó) 94.478 98.018
Fjárveiting 85.482 88.082
169