36164_Árbók 2005 - Háskóli Íslands

Það tengist verkefnum sem unnin eru á vegum ATHENA netsins sem er
rannsóknarnet evrópskra háskóla sem vinnur að kynjafræðirannsóknum og
ritun kennsluefnis. RIKK er þátttakandi í tveimur öðrum verkefnum á vegum
ATHENA.
• Unnið er að evrópsku rannsóknarverkefni um Tengls skipulags og heilsu á
fimm háskólasjúkrahúsum þar sem kynin eru skoðuð sérstaklega. Samstarfsaðilar
eru Evrópusambandið, Landlæknisembættið, Landspítalinn og
Félag kvenna í læknastétt. Jafnframt var unnið að rannsókn á samþættingu
kynjasjónarmiða innan íslensku friðargæslunnar sem nú er lokið með útgáfu
skýrslu.
• Á árinu hófst rannsókn á Ungu fólki og klámi sem nær til allra Norðurlandanna.
Rannsóknin nýtur styrks frá norrænu ráðherranefndinni og er unnin á
vegum NIKK (Nordisk Institut for kvinne- og kønsforskning). Guðbjörg Hildur
Kolbeins annast rannsóknina hér á landi fyrir hönd RIKK.
Útgáfa
Á árinu var gefin út bókin Kosningaréttur kvenna 90 ára í samstarfi við Kvennasögusafn
Íslands með styrk frá Alþingi.
Tvær rannsóknarskýrslur voru gefnar út. Annars vegar Þátttaka kvenna í ákvarðanatöku
í fiskeldi sem er íslenski hluti rannsóknarinnar um konur og auðlindanýtingu
á norðurslóðum unnin af Önnu Karlsdóttur, hins vegar Íslenska friðargæslan,
jafnréttis- og kynjasjónarmið í stefnu og starfsemi 1994-2004, unnin af
Birnu Þórarinsdóttur.
Fyrirlestrar, fundir og ráðstefnur
Að vanda stóð RIKK fyrir fjölda fyrirlestra og rabbfunda á vor- og haustmisseri
2005 þar sem innlendir og erlendir fræðimenn kynntu rannsóknir sínar í kvennaog
kynjafræðum.
• Málþingið Klaustrið í Kirkjubæ var haldið 25. mars. Flutt voru fimm erindi
tengd klausturlífi fyrr á öldum.
• RIKK skipulagði málstofuna Veljum Vigdísi á ráðstefnunni Dialogue of Cultures
sem haldin var til heiðurs Vigdísi Finnbogadóttur 75 ára þann 15. apríl.
• Haldið var málþing í tilefni af 90 ára afmæli kosningaréttar kvenna 20. maí í
Háskóla Íslands, Kosningaréttur kvenna 90 ára, og voru þar flutt tvö ávörp og
fjögur fræðileg erindi.
• Ráðstefnan Konur í hnattrænum heimi – Peking áratug áleiðis var haldin 21.
október í samvinnu við UNIFEM á Íslandi. Þar voru flutt þrjú lykilerindi fyrir
hádegi og síðan unnið í málstofum þar sem flutt voru níu erindi.
• Þann 29. október var svo haldið málþingið Konur í borginni – kynleg borg í
samvinnu við Reykjavíkurborg. Þar voru flutt fimm erindi sem spönnuðu ólík
svið, allt frá bókmenntum til skipulagsmála.
• Verkefnið Kristin trú og kvennahreyfingar stóð fyrir málstofu á Hugvísindaþingi
18. nóvember um konur, trú og túlkun.
Árið 2005 var sérstakt að því leyti að haldið var upp á fjölmarga merkisatburði úr
sögu íslenskra kvenna. RIKK átti samstarf við fjölda kvennahreyfinga þegar haldið
var upp á 90 ára afmæli kosningaréttar kvenna 18.-19. júní og kvennafrídaginn
24. október en þá voru 30 ár liðin frá kvennafrídeginum á kvennaári Sameinuðu
þjóðanna árið 1975.
Námskeið
Vikuna 20.–25. júní stóð RIKK fyrir tveimur þverfaglegum námskeiðum doktorsnema
ásamt Nordic Research School in Interdisciplinary Gender Studies. Námskeiðið
var haldið í Háskóla Íslands og fjallaði um fræðileg og skapandi skrif innan
kynjafræða eða Academic and Creative Writing in Gender Studies: Epistemologies,
Methodologies, Writing Practices. Fyrri hluti námskeiðsins var ætlaður
íslenskum doktorsnemum og sóttu rúmlega 20 nemendur það en sá síðari var
norrænn með þátttöku doktorsnema frá Norðurlöndunum öllum. Kennarar á
námskeiðinu voru Laurel Richardson, Anne Brewster og Nina Lykke.
Kvennaslóðir.is
Kvennagagnabankinn www.kvennaslodir.is er verkefni sem Rannsóknastofa í
kvennafræðum opnaði haustið 2003. Samstarfsaðilar eru jafnréttisnefnd Háskóla
Íslands, Jafnréttisstofa og Kvennasögusafn Íslands. Kvennaslóðir er gagnagrunnur
með nöfnum og ferilskrám kvensérfræðinga af ýmsum sviðum þjóðlífsins.
Unnið er að frekari fjármögnun verkefnisins, öflun samstarfsaðila og varanlegs
samastaðar utan Háskóla Íslands.
207