36164_Árbók 2005 - Háskóli Íslands

Háskólasetrið í Hveragerði
Almennt yfirlit og stjórn
Um sex ár eru frá því Háskólasetrið í Hveragerði tók til starfa. Þátttakendur undanfarin
þrjú ár hafa verið Háskóli Íslands, Landbúnaðarháskóli Íslands, Hveragerðisbær,
Rannsóknastofnunin Neðri Ás, Prokaria ehf., Heilsustofnun NLFÍ og
Sunnlensk orka. Samstarfssamningur um starfrækslu setursins rann út sl. áramót.
Þá hætti Heilsustofnun NLFÍ þáttöku en Orkuveita Reykjavíkur hyggst taka
við.
Í stjórn Háskólasetursins sitja nú Jakob K. Kristjánsson, fyrrverandi prófessor við
Líffræðideild Háskóla Íslands, formaður, Sigurður S. Snorrason, dósent við Líffræðideild
Háskóla Íslands, Arnþór Ævarsson, sameindalíffræðingur hjá Prokaria
ehf., Gísli Páll Pálsson, framkvæmdastjóri Dvalarheimilisins Áss/Ásbyrgis, Orri
Hlöðversson, bæjarstjóri Hveragerðisbæjar, Sveinn Aðalsteinsson, prófessor við
Landbúnaðarháskóla Íslands, Steinar Friðgeirsson, sviðsstjóri hjá RARIK og
Kristján Guðmundsson, yfirlæknir hjá Heilsustofnun NLFÍ.
Aðstaða
Í byrjun árs flutti framkvæmdastjóri Háskólasetursins vinnuaðstöðu sína að
Reykjum, í Ölfusi. Setrið leigir þar húsnæði og aðstöðu af Landbúnaðarháskóla
Íslands. Þar eru nú skrifstofur setursins ásamt sameiginlegri rannsóknarstofu
með Landbúnaðarháskóla Íslands og Rannsóknarstöð skógræktar. Á vormánuðum
fékk setrið einnig til afnota íbúð hjá Rannsóknastofnuninni Neðra Ási til að
nota sem fræðimannsíbúð. Setrið hefur auk þess fengið að halda þeirri vinnuaðstöðu
í Hveragerði sem Neðri Ás leggur því til. Sú aðstaða er til reiðu fyrir fræðimenn
og nemendur sem vinna að rannsóknarverkefnum, m.a. verkefnum sem
tengjast landshlutanum eða starfssviði setursins. Íbúðin var í láni frá miðjum
maí fram í september. Jafnframt var vinnuaðstaðan nýtt af sömu fræðimönnum.
Rannsóknir og þjónusta
Á árinu lauk úttekt og rannsókn á náttúrulegum baðlaugum á landinu. Verkefnið
var samstarfsverkefni setursins, Ferðamálaráðs Íslands, Ferðamálaseturs Íslands
og Prokaria ehf. Samantekt úr þeim upplýsingum sem aflað var hafa verið
birtar á Hveravefsíðunni (www.hot-springs.org). Á árinu vann Háskólasetrið m.a.
að verkefnum við flokkun vatna á Norðurlandssvæði eystra (Fnjóská, Skjálfandafljót
og Laxá í Aðaldal) og í Garðabæ (Urriðavatn). Auk þess annaðist setrið umhverfisráðgjöf
og mengunareftirlit í skólphreinsistöðinni í Hveragerði og tók saman
ársskýrslu fyrir hreinsistöðina. Á árinu komst á samstarf Háskólasetursins,
Hveragerðisbæjar og verkfræðideildar Háskóla Íslands um að nota Hveragerði
sem vettvang kennslu og rannsókna við deildina. Hveragerðisbær leggur verkfræðideildinni
til tæknilegar upplýsingar um bæinn eftir því sem nauðsyn krefur
og Háskólasetrið leggur til vinnuaðstöðu. Verkfræðinemendur í MS námskeiði um
fráveitur og skólphreinsun komu til setursins í verklegar æfingar í mengunarmælingum
á skólpi. Í samstarfi við Líffræðistofnun Háskóla Íslands og með styrk
frá Nýsköpunarsjóði námsmanna var unnið að rannsóknum á tveimur nýjum
landnemum í Hveragerði, varmasmiði (Carabus nemoralis) og túnhrossaflugu
(Tipula paludosa). Tækjakaupasjóður Háskóla Íslands styrkti Háskólasetrið með
kr. 400.000 til kaupa á víðsjá.
Háskólasetur Suðurnesja,
Sandgerði
Almennt yfirlit og stjórn
Háskólasetur Suðurnesja var formlega stofnað á árinu 2004. Háskólasetrið fellur
innan Stofnunar fræðasetra við Háskóla Íslands. Setrið er vettvangur samstarfs
Háskóla Íslands og sveitarfélaga á Suðurnesjum, stofnana, fyrirtækja, félagasamtaka
og einstaklinga. Háskólasetrið er staðsett á Garðvegi 1 í Sandgerði.
Meginhlutverk Háskólasetursins er að efla rannsókna- og fræðastarf Háskóla Íslands
á Suðurnesjum með því:
a) að stuðla að margvíslegri háskólakennslu á Suðurnesjum, eftir því sem kostur
er, í tengslum við grunn- og framhaldsnám, og stuðla að því að haldin
verði norræn og/eða alþjóðleg námskeið í Háskólasetrinu,
197