36164_Árbók 2005 - Háskóli Íslands

unarmenntunar á Íslandi. Tilgangur sjóðsins er tvíþættur. Annars vegar að veita
nýútskrifuðum hjúkrunarfræðingum viðurkenningu fyrir góðan námsárangur á
sviði heilsugæslu og hins vegar að styrkja börn hinnar látnu. Miða skal við þessa
tilhögun á styrkveitingu úr sjóðnum fram að 25 ára aldri barna hennar. Eftir þann
tíma verður tilgangur sjóðsins einnig að styrkja hjúkrunarfræðinga til framhaldsnáms
Hinn 9. febrúar 2005 undirrituðu Björgólfur Thor Björgólfsson formaður stjórnar Háskólasjóðs
Eimskipafélags Íslands og Páll Skúlason rektor Háskóla íslands sameiginlega
viljayfirlýsingu um Háskólasjóðs h/f Eimskipafélags Íslands. Viljayfirlýsingin
fól í sér í fyrsta lagi að sjóðurinn mundi verja ákveðnum hluta af hreinni eign sinni til
að styrkja stúdenta í rannsóknatengdu framhaldsnámi við Háskóla Íslands, einkum
doktorsnámi. Gert væri ráð fyrir að fyrstu styrkirnir yrðu veittir árið 2006 og færu
heildarfjárhæð styrkja stighækkandi fram til ársins 2009. Í öðru lagi legði sjóðurinn
500 milljónir króna til byggingu Háskólatorgs sem rís á háskólalóðinni árin 2006 og
2007 og ætlunin er að taka í notkun um áramótin 2007 – 2008. Þá kom fram í viljayfirlýsingunni
að stjórn sjóðsins stefndi að breytingu á eignasamsetningu sjóðsins á
næstu þremur árum frá undirritun yfirlýsingarinnar, þannig að eignir hans yrðu
varðveittar með það að markmiði að áhætta og sveiflur yrðu lágmarkaðar og ávöxtun
hámörkuð. Stjórn sjóðsins ákveddi hverjum skyldi falin fjárvarsla og ávöxtun á
eignum sjóðsins.
Breytingar voru gerðar á skipulagsskrá Háskólasjóðs h/f Eimskipafélags Íslands og
þær birtar í B-deild Stjórnartíðinda 14. nóvember 2005. Í fyrsta lagi var stjórnarskipan
breytt þannig að nú skipa stjórn sjóðsins formaður og varaformaður Landsbanka
Íslands hf, og bankastjóri. Endurskoðandi sjóðsins er sá sami og endurskoðandi
Landsbanka Íslands hf. Þá er sjóðsstjórn heimilt að selja hlutabréf sjóðsins fyrir
hagkvæmt verð, en þó aldrei fyrr en gefandi er látinn.
Í endurskoðuðum efnahagsreikningi Háskólasjóðs Eimskipafélags Íslands 31. desember
2005 kemur fram að breyting á eignasamsetningu sjóðsins hefur farið fram
og er sjóðurinn varðveittur bæði í innlendum og erlendum verðbréfasöfnum.
Samkvæmt ákvörðun dómsmálaráðuneytisins var árið 2005, lagður niður styrktarsjóður
Hannesar Árnasonar sem áður var varðveittur hjá ráðuneytinu. Voru eignir
sjóðsins fluttar til Starfssjóðs Guðfræðistofnunar Háskóla Íslands, til varðveislu og
ávöxtunar.
Í árslok 2004 lauk máli Styrktarsjóða Háskóla Íslands gegn fjárfestingarfélaginu
Burnham lauk með samkomulagi milli Íslandsbanka f.h. Sjóvár-Almennra sem
stefnanda og Sigrúnar Eysteinsdóttur forsvarsmanni Burnham sem stefnda. SA
greiddi allan höfuðstól kröfunnar og hluta af kostnaði Styrktarsjóða HÍ vegna málarekstrarins
auk virðisaukaskatts og útlagðs kostnaðar. Lögmannskostnaður sem féll
á styrktarsjóði HÍ nam 178.000 króna. Fjórar milljónir króna sem eftir stóðu voru
lagðar inn á fjárvörslu styrktarsjóðanna í upphafi árs 2005 og skiptist fjárhæðin á
milli sjóða í sama hlutfalli og eign þeirra var í styrktarsjóðum samkvæmt reikningsskilum
31. desember 2004.
Á árinu 2005 voru veittir 315 styrkir úr sjóðum Styrktarsjóða Háskóla Íslands, 295
úr Sáttmálasjóði og 20 úr öðrum sjóðum.
Breyting var gerð á fjárfestingastefnu Styrktarsjóða HÍ á fundi stjórnar sjóðanna
24. janúar 2005. Í fyrsta lagi ákvað stjórnin að lækka lágmarkshlutföll í virkri og
óvirkri stýringu sjóðanna í 0%, en halda viðmiðum og hámarkshlutfalli óbreyttu. Í
öðru lagi ákvað stjórnin að viðmiðunarvísitala ávöxtunar fyrir innlend skuldabréf
yrði samsett þannig:
20% vísitölu: ICEX 1Y - óverðtryggð skuldabréf binditími 1 ár
40% vísitölu: ICEX 5Y - óverðtryggð skuldabréf binditími 5 ár
40% vísitölu: ICEX 10Y - verðtryggð skuldabréf með binditíma 10 ár
Tæplega 750 milljóna króna verðbréfaeign styrktarsjóðanna önnur en verðbréfaeign
Háskólasjóðs h/f Eimskipafélags Íslands, var ávöxtuð í regnhlífarsjóði hjá
Landsbanka Íslands og Íslandsbanka á grundvelli samninga þar um frá árinu
2002. Báðir fjárvörsluaðilar uppfylltu kröfu stefnunnar um 7% raunávöxtun. Raunávöxtun
safns í vörslu Íslandsbanka nam 10,80% frá 1. janúar 2005 til 31. desember
2005 og raunávöxtun safns í vörslu Landsbankans nam 10,96 % fyrir sama
tímabil, miðað við 4,1% verðbólgu.
Hlutar tveggja sjóða sem hingað til hafa verið varðveittir hjá Styrktarsjóðum Háskóla
Íslands eru nú að hluta í vörslu sjóðanna og að hluta í vörslu Háskóla Íslands.
Sóknargjöld einstaklinga sem standa utan trúfélaga og ætlað er að gangi til Há-
83