36164_Árbók 2005 - Háskóli Íslands

Ýmsir viðburðir og önnur kynningamál
• Námskynning Háskóla Íslands fór fram 28. febrúar. Var það í fyrsta sinn um
árabil sem Háskóli Íslands tók ekki þátt í sameiginlegri kynningu íslenskra
háskóla. Önnur nýjung var að bæði grunnnám og framhaldsnám var kynnt á
sama degi. Gestir voru um 2.500 talsins.
• Háskólinn tók þátt í Menningarnótt Reykjavíkurborgar í ágúst. Markaði Menningarnótt
upphaf 9 mánaða samstarfsverkefnis HÍ og fjöllistasmiðjunnar
Klink og Bank undir heitinu VÍSINDALIST.
• Þátttaka í Vetrarhátíð í lok febrúar með málþingi í Háskólabíói, Galdraþingi, í
samstarfi við Sinfóníuhljómsveit Íslands, Barða Jóhannesson tónskáld o.fl.
• Þátttaka í Vísindavöku RANNÍS í Listasafni Reykjavíkur í september og umsjón
með aðkomu Háskólans að verkefninu Vísindin snerta þig, einnig á vegum
RANNÍS.
• Málþingið Ný Afríka í mótun sem Háskóli Íslands, Þróunarsamvinnustofnun
Íslands og Norræna Afríkustofnunin gengust fyrir í febrúar. Á þinginu leituðust
nokkrir afrískir sérfræðingar í málefnum álfunnar við að varpa ljósi á
þann margþætta veruleika og vanda sem ríki í Afríku sunnan Saharaeyðimerkurinnar
búa við.
• Tengiliður rektors við undirbúning að ráðstefnunni Samræður menningarheima
á vegum Stofnunar Vigdísar Finnbogadóttur.
• Margþætt aðkoma að ráðstefnum, málþingum, undirritun o.fl. á vegum rektors
og kynning á þeim, þ. á m. á Háskólatorgi og Háskólasjóði Eimskips.
• Ýmis kynningarverkefni í samstarfi við deildir og stofnanir HÍ.
• Doktorsvarnir við Háskóla Íslands, kynning í fjölmiðlum og innan HÍ.
Fræðsla og tengsl
• Deildin var sem fyrr bakhjarl Vísindavefs Háskóla Íslands, sem er eitt framsæknasta
átak Háskólans í miðlun vísinda til almennings. Vísindavefurinn
fagnaði 5 ára afmæli og í tengslum við það var skipulagt kynningarátak í fjölmiðlum,
auk þess sem deildin stóð að baki útrásar Vísindavefsins í tilefni afmælisins.
Valdar spurningar og svör voru þýdd á ensku. Vefurinn var kynntur
erlendis og leitað erlendra samstarfsaðila.
• Markaðs- og samskiptadeild hefur öflugt tengslanet í deildum og stofnunum
skólans við ábyrgðaraðila kynninga- og vefmála. Deildin stóð fyrir fjölmörgum
námskeiðum í notkun Soloweb í samstarfi við starfsmannasvið og
kennslusvið. Einnig var í árslok haldin námsstefna um markaðs- og kynningarmál
með sérstakri áherslu á fjölmiðlatengsl.
• Tengiliður fyrir hönd rektors við Þróunarsamvinnustofnun Íslands, Alþjóðabankann
og Norrænu Afríkustofnunina.
• Tengiliður fyrir rektor hönd rektors við verkefnið UN módel stúdenta.
• Háskóli unga fólksins, undirbúningur og umsjón í samstarfi við verkefnisstjóra.
• Tengiliður Íslands vegna margmiðlunarverðlauna Sameinuðu þjóðanna, í
samstarfi við Samtök iðnaðarins og menntamálaráðuneytið.
• Undirbúningur að stofnun Tilraunahúss, samstarfsverkefnis HÍ, Kennaraháskólans
og Orkuveitu Reykjavíkur.
Kannanir – öflun upplýsinga um starfsumhverfi Háskólans
Deildin vann að eftirtöldum þremur könnunum í samstarfi við formann markaðsog
samskiptanefndar Háskólans, Þórhall Örn Guðlaugsson:
• Um viðhorf og væntingar nýnema við Háskóla Íslands, gefin var út ítarleg
skýrsla um niðurstöður og henni dreift til lykilaðila og tengiliða í deildum og
sameiginlegri stjórnsýslu.
• Þjónustukönnun meðal 2. árs nema við Háskóla Íslands og
• Könnun meðal gesta á námskynningum Háskólans.
Önnur verkefni
• Í samstarfi við Skjalasafn HÍ var unnið að gagnagrunni um flokkun og varðveislu
miðlægs ljósmyndasafns Háskólans, en einnig að gerð og útgáfu
Handbókar um skjalagerð.
• Ýmis menningartengd verkefni fyrir hönd rektors, s.s. umsjón með hausttónleikum
fyrir starfsfólk, fjölmiðlatengsl og kynningar á háskólatónleikum ársins,
umsjón og framkvæmd með Jazz-akademíunni o.fl.
• Samstarf við rektorsskrifstofu um brautskráningar, doktorsvarnir o.fl.
• Móttaka innlendra og erlendra gesta. Meðal erlendra gesta voru forseti Indlands
ásamt fylgdarliði og fulltrúar ýmissa háskóla.
Alþjóðlegt samstarf, tengsl og vísindamiðlun
• Young Scientists - Um mitt ár tók deildin við umsjón Evrópuverkefnisins
Young Scientists (Ungir vísindamenn) og er verkefnisstjóri deildarinnar land-
38