36164_Árbók 2005 - Háskóli Íslands

Mynd 5. Umfang stundakennslu við Háskóla Íslands 2005.
Deild Stundir alls Stundir A Stundir B Aðjunktar
Guðfræðideild 2.959 2.959 0 2,8
Læknadeild 18.119 16.700 1.419 16,9
Lagadeild 8.337 8.309 28 7,8
Viðskipta- og hagfræðideild 22.678 2.026 20.652 21,1
Hugvísindadeild 28.251 27.395 856 26,3
Lyfjafræðideild 3.366 2.882 484 3,1
Tannlæknadeild 5.307 5.031 276 4,9
Verkfræðideild 23.677 16.436 7.241 22,1
Raunvísindadeild 54.937 38.358 16.580 51,2
Félagsvísindadeild 35.260 29.263 5.998 32,9
Hjúkrunarfræði 18.700 17.601 1.099 17,4
Óskiptur kostnaður stundakennsla 501 0,5
222.094 166.960 54.633 207,1
Stundir A
Stundir B
Stöðugildi aðjunkta
Stundakennsla greidd í tímavinnu
Stundakennsla starfsmanna HÍ greidd í yfirvinnu
Stundakennsla umreiknuð í kennslu aðjunkts í fullu starfi = 1072,5 stundir/ári
Starfsmat
Innleiðing starfs- og hæfnismats í samræmi við stofnanasamninga lauk formlega
á árinu og tók verkefnið tvö og hálft ár. Alls voru 415 stjórnsýslu- og þjónustustörf
metin innan Háskólans og tengdra stofnanna. Leiðrétting launa í samræmi
við niðurstöðu matsins var að mestu afgreidd fyrir sumarleyfi 2005 hjá félagsmönnum
FH. Innan FH voru áhrif starfs- og hæfnismats nokkuð mikil á
dagvinnulaun félagsmanna í stjórnsýslu- og þjónustustörfum. Við matið hækkuðu
dagvinnulaun að meðaltali um 11,4%. Tenging matsins við launatöflu SFR
var samþykkt 29. apríl 2005. Leiðréttingar byggðar á starfsmatinu voru að
mestu afgreiddar fyrir haustið. Áhrif matsins á dagvinnulaun félagsmanna í
SFR eru minni en hjá starfsmönnum í Félagi háskólakennara. Það er eðlilegt og
kemur til af því að flöt hækkun kom á laun í nóvember 2002 (starfsmatið gilti frá
1. maí 2002) þar sem allir félagsmenn fengu eins launaflokks hækkun. Það
samsvarar rúmlega 3% launahækkun sem þegar var komin til framkvæmda áður
en afgreiðsla starfsmatsins hófst. Við starfs- og hæfnismatið hækkuðu dagvinnulaun
SFR að meðaltali um 7,72%. Með starfs- og hæfnismatinu liggur nú
fyrir heildstætt mat á hverju starfi um sig (starfsmat) og því til viðbótar mat á
þeirri menntun og reynslu, sem nýtist í starfinu og er umfram þess sem krafist
er (hæfnismat). Markmiðið með starfsmatinu er fyrst og fremst að gera samanburð
á umfangi starfa og tryggja launajafnrétti. Það verður að telja að því markmiði
hafi verið náð hvað varðar kynbundinn launamun, a.m.k. gagnvart dagvinnulaunum.
Þó að innleiðingu starfsmatskerfisins sé nú formlega lokið,
þarfnast matið stöðugrar endurnýjunar. Ný störf verða til og endurmeta þarf
eldri störf. Það má því gera ráð fyrir áframhaldandi vinnu við matið svo það
megi gagnast áfram sem grunnur að launaröðun starfsmanna í stjórnsýslu- og
þjónustustörfum inna Háskólans og tengdra stofnana.
Fræðsla
Fræðsla starfsfólks hefur verið ört vaxandi þáttur í starfsemi sviðsins hin síðustu
ár. Á árinu var fjölbreytt fræðsla í boði en samtals voru haldin 58 námskeið og
kynningar þar sem rúmlega 800 starfsmenn tóku þátt sem er um helmings aukning
frá árinu áður. Tölvu- og hugbúnaðarnámskeið var stór þáttur í fræðslustarfinu
en samtals voru haldin 22 námskeið og vinnustofur í samstarfi við Kennslumiðstöð
og 12 námskeið í vefumsjónarkerfinu SoloWeb í samvinnu við markaðsog
samskiptadeild.
Tveir fræðsludagar voru haldnir fyrir starfsfólk. Árlegur fræðsludagur um stjórnun
og gæðamál fyrir stjórnendur í deildum HÍ var haldinn 11. mars og voru þátttakendur
50. Fjallað var um stjórnsýslulög annarsvegar og stjórnun og stefnumótun
hinsvegar. Fræðsludagur fyrir starfsfólk í stjórnsýslu var haldinn þann 27.
maí og var dagskráin helguð tíma- og álagsstjórnun. Þátttakendur voru 123. Báðir
þessir dagar voru haldnir í Ráðhússkaffi í Þorlákshöfn.
Kynningar fyrir nýtt starfsfólk voru haldnar í mars og í desember. Boðið var upp á
67