Create successful ePaper yourself
Turn your PDF publications into a flip-book with our unique Google optimized e-Paper software.
Sameiginleg mál<br />
Í forystu íslenskra háskóla<br />
Háskóli Íslands er í forystu íslenskra háskóla, framsækin mennta- og vísindastofnun<br />
á traustum grunni. Háskólinn er viðurkenndur rannsóknaháskóla í hinu<br />
alþjóðlega vísindasamfélagi og hann er stærsta þekkingarsamfélag landsins. Háskóli<br />
Íslands hefur lagt grunn að velferð og hagsæld Íslendinga og ætlar hér eftir<br />
sem hingað til að vera styrkasti hornsteinn þekkingaruppbyggingar í íslensku<br />
samfélagi.<br />
Við Háskóla Íslands eru ellefu deildir og námsleiðirnar skipta hundruðum. Háskólinn<br />
býður fjölbreytt nám á öllum háskólastigum og sveigjanlegar námsleiðir<br />
sem mæta þörfum nútímans fyrir fjölþætta og haldgóða menntun. Háskóli Íslands<br />
er eini háskóli landsins sem býður grunnám og framhaldsnám á öllum helstu<br />
fræðastigum.<br />
Við Háskóla Íslands eru gerðar miklar kröfur um gæði og árangur í námi,<br />
kennslu og rannsóknum. Kennarar skólans og nemendur í rannsóknatengdu<br />
framhaldsnámi stunda fjölþættar rannsóknir í nánum tengslum við íslenskt samfélag<br />
og atvinnulíf. Það má með sanni segja að dag hvern fari fram öflugt nýsköpunar-<br />
og frumkvöðlastarf í Háskóla Íslands.<br />
Við Háskólann starfar stór hópur vel menntaðra og þjálfaðra kennara. Mikill<br />
meirihluti fastráðinna kennara er með doktorspróf og hefur sá hópur stundað<br />
bæði nám og rannsóknir við virta erlenda háskóla. Alþjóðleg tengsl kennaranna<br />
eru því mikil og sterk og margir þeirra eru í fremstu röð í sínum fræðum í alþjóðlegu<br />
vísindasamfélagi.<br />
Háskóli Íslands á samstarf við mörg hundruð erlenda háskóla og rannsóknastofnanir<br />
um nemendaskipti, rannsóknir, starfsmannaskipti og fleira. Öllum nemendum<br />
Háskólans gefst kostur á að taka hluta af námi sínu við erlenda háskóla.<br />
Hundruð erlendra nemenda stunda nám við Háskóla Íslands ár hvert og fer þeim<br />
stöðugt fjölgandi. Við skólann starfar fjöldi erlendra gestakennara og vísindamanna<br />
auk ótal erlendra fyrirlesara og gesta. Háskólinn er því afar litríkt og fjölbreytilegt<br />
samfélag.<br />
Nýr rektor Háskóla Íslands<br />
Rektorskjör fór fram í Háskóla Íslands 10. mars. Í framboði voru fjórir kennarar<br />
Háskólans, þau Ágúst Einarsson prófessor, Einar Stefánsson prófessor, Jón Torfi<br />
Jónasson prófessor og Kristín Ingólfsdóttir prófessor. Á kjörskrá voru 9.907, þar<br />
af 1.086 starfsmenn og 8.821 stúdent. Atkvæði háskólakennara og annarra starfsmanna<br />
sem hafa háskólapróf giltu sem 60% greiddra atkvæða, atkvæði stúdenta<br />
giltu sem 30% og atkvæði annarra atkvæðisbærra aðila giltu sem 10% greiddra atkvæða.<br />
Að teknu tilliti til vægis kjósendahópa skiptust atkvæði milli frambjóðenda<br />
þannig að Ágúst Einarsson fékk 27,3% gildra atkvæða, Einar Stefánsson 18,5%, Jón<br />
Torfi Jónasson 24,7% og Kristín Ingólfsdóttir 29,6%. Þar sem enginn frambjóðenda<br />
fékk meirihluta atkvæða var skv. reglum Háskólans kosið að nýju milli Ágústs<br />
Einarssonar og Kristínar Ingólfsdóttur 17. mars. Voru úrslit rektorskjörs þau að<br />
Ágúst Einarsson hlaut 47,7% gildra atkvæða en Kristín Ingólfsdóttir 52,3% og hlaut<br />
hún því tilnefningu í embætti rektors Háskóla Íslands, en menntamálaráðherra<br />
skipar háskólarektor samkvæmt tilnefningu háskólaráðs.<br />
Rektorsskiptin fóru fram við hátíðlega athöfn í Hátíðasal Háskóla Íslands 30. júní<br />
að viðstöddu fjölmenni, þar á meðal forseta Íslands, forsætisráðherra og menntamálaráðherra.<br />
Páll Skúlason, fráfarandi rektor Háskólans ávarpaði samkomugesti<br />
og afhenti síðan nýkjörnum rektor, Kristínu Ingólfsdóttur, rektorsfestina,<br />
tákn embættisins. Kristín Ingólfsdóttir ávarpaði samkomugesti og síðan var boðið<br />
til móttöku. Tók Kristín formlega við embætti 1. júlí og er skipunartími hennar<br />
fimm ár. Er hún tuttugasti og áttundi rektor Háskólans og fyrsta konan sem<br />
gegnir embætti háskólarektors.<br />
Kristín Ingólfsdóttir útskrifaðist úr eðlisfræðideild Menntaskólans í Reykjavík,<br />
stundaði nám í frönsku og efnafræði í Frakklandi og lyfjafræðinám við Háskóla<br />
Íslands. Hún lauk doktorsprófi (Ph.D.) frá King´s College, University of London<br />
1983 og hefur frá þeim tíma starfað við Háskóla Íslands, sem prófessor við lyfjafræðideild<br />
frá 1997. Auk kennslu- og vísindastarfa við lyfjafræðideild hefur Kristín<br />
tekið þátt í margvíslegu starfi innan Háskólans og utan. Hún hefur setið í deildarráði<br />
og vísindanefnd læknadeildar, stjórn Reykjavíkur apóteks og fjármálanefnd<br />
11