36164_Árbók 2005 - Háskóli Íslands

Packaging and packaging waste in Iceland
Verkefni þetta var unnið í samvinnu við Umhverfisstofnun ríkisins og Hagstofu Íslands.
Umhverfisstofnun HÍ tók þátt í verkefnisstjórn verkefnisins, hönnun viðtalskönnunar
og öflun og úrvinnslu gagna. Verkefnið var styrkt af EUROSTAT stofnun
Evrópusambandsins. Auk forstöðumanns starfaði einn meistaranemi, Anne Maria
Sparf, að verkefninu.
Úttekt á umhverfisáhrifum starfsemi þriggja bygginga
Háskólans
Unnið var að framkvæmd umhverfisstefnu Háskóla Íslands á árinu. Viðamesta
verkefnið var frumúttekt á umhverfisáhrifum starfsemi þriggja bygginga Háskólans.
Byggingar þær sem urðu fyrir valinu voru Aðalbygging, Askja og Oddi. Verkið
var unnið fyrir bygginga- og framkvæmdasvið HÍ Verkið var unnið í nánu samstarfi
við umhverfishópa í hverri byggingu ásamt með nefnd um framkvæmd umhverfisstefnu
Háskólans. Svo kallaðri Ecomapping aðferðafræði var beitt við úttektirnar.
Í aðferðafræðinni er lögð áhersla á þátttöku starfsmanna og myndræna
framsetningu niðurstaðna. Athyglisverðar niðurstöður fengust sem verða notaðar
til þess að skipuleggja verkefni ársins 2006.
Verkefnisstjórn skipuðu Eva Benediktsdóttir, Ásta Hrönn Maack og Geir Oddsson.
Verkefnastjóri var Geir Oddsson. Að verkefninu unnu fjórir meistaranemar í umhverfisfræðum
og einn verkefnaráðinn sérfræðingur, Anne Maria Sparf.
Umhverfishóparnir voru þannig skipaðir: Aðalbygging - Friðrik Rafnsson, Sigríður
Þorgeirsdóttir og Vilhjálmur Pálmason; Askja - Jörundur Svavarsson, Karl Benediktsson
og Eiríkur Árni Hermannsson; Oddi - Ólafur Þ. Harðarson, Gylfi Magnússon
og Jón Bóasson.
Viðhorfskönnun á stöðu umhverfismála við Háskóla Íslands
Viðamikil viðhorfskönnun á stöðu umhverfismála við Háskóla Íslands var lögð
fyrir alla starfsmenn og nemendur Háskólans í maí 2005. Viðhorfskönnunin var
hluti af framkvæmd umhverfisstefnu Háskóla Íslands. Viðhorfskönnunin fór fram
á netinu og var send á rúmlega 10.000 netföng. Rúmlega 1.200 svör bárust, svarhlutfall
rúmlega 10%. Niðurstöður viðhorfskönnunarinnar voru notaðar til þess að
skipuleggja áherslur í umhverfisverkefnum fyrir árið 2006. Verkefnisstjórn skipuðu
Eva Benediktsdóttir, Ásta Hrönn Maack og Geir Oddsson. Verkefnastjóri var
Geir Oddsson. Að skipulagningu verkefnisins unnu fjórir meistaranemar í umhverfisfræðum.
Önnur samstarfsverkefni
Nordic Marine Academy tók til starfa 1. mars 2005. Um er að ræða samnorrænan
háskóla fyrir þá sem stunda meistara- og doktorsnám í fræðum sem tengjast
hafinu eða sjávarútvegi. Skólinn er fjármagnaður af norrænu ráðherranefndinni
þar sem embættismannanefndin um sjávarútveg (NEF) og Norræna vísindaráðið
(NordForsk) leggja hvort um sig fram 50 m.kr. á fimm árum. Höfuðviðfangsefni
NMA er að stuðla að auknu framboði námskeiða á ýmsum sviðum sjávarútvegs
fyrir unga vísindamenn í doktors- eða meistaranámi. Einnig mun hann bjóða símenntun
fyrir sérfræðinga og fræðslu fyrir fjölmiðlafólk. Öll fyrirtæki og stofnanir
á Norðurlöndum, sem stunda rannsóknir og kennslu tengda sjávarútvegi, geta
tekið þátt í skólanum. Geir Oddsson, forstöðumaður Umhverfisstofnunar, tók þátt í
undirbúningi að stofnun skólans og er virkur í starfi hans.
Ráðstefnur og fundir
Umhverfisstofnun kom að ýmsum ráðstefnum og fundum á árinu, ýmist með
skipulagningu og undirbúningi, fundarstjórn eða flutningi erinda:
Gestafyrirlestur Geirs Oddssonar um Economic Instruments in Integrated Ocean
Strategies haldinn í Reykjavík í mars 2005 á 4 th Partnership Conference University
of Manitoba and University of Iceland – Culture and Science: Mutually Reinforcing.
Gestafyrirlestur Geirs Oddssonar um Umhverfiskostnað haldinn á fundi Orkustofnunar
um umhverfiskostnað í Reykjavík í október 2005.
Útgáfa
• Geir Oddsson og Anne Maria Sparf. 2005. Úttekt á umhverfisáhrifum starfsemi
Odda 2005. Umhverfisstofnun HÍ, Reykjavík.
• Geir Oddsson og Anne Maria Sparf. 2005. Úttekt á umhverfisáhrifum starfsemi
Öskju 2005. Umhverfisstofnun HÍ, Reykjavík.
230