36164_Árbók 2005 - Háskóli Íslands

Tekjur Háskóla Íslands 2000-2005 í m.kr.
8.000
7.000
6.000
5.000
4.000
3.000
2.000
1.000
0
2.014 2.214 2.443
1.798 1.814 1.884
2.973 3.362 3.602 4.054 4.223 4.707
2000 2001 2002 2003 2004 2005
Sértekjur
Fjárveitingar
Útgjöld námu alls 7.179,2 m.kr. samanborið við 6.658,0 m.kr. 2004. Tekjuhalli nam
29,8 m.kr. samanborið við 136,1 m.kr. halla síðastliðið ár. Heildarútgjöld hækkuðu
um 521,2 m.kr. eða 7,8% á milli ára. Þetta skiptist þannig að rekstrarútgjöld hækkuðu
um 710,0 m.kr. eða 11,6% á milli ára en framkvæmdaliðir lækkuðu um 188,8
m.kr. Þessi mikla lækkun framkvæmdaliða endurspeglar verklok við Öskju á árinu
2004. Ársverkum fjölgaði ekki milli ára og voru 985. Laun á hvert ársverk óx
um 14,4% og launakostnaður alls úr 4.269,7 m.kr. í 4.883,6 m.kr.
Fjölgun starfsmann og aukning launa- og annars reksturskostnaðar á liðnum árum
hefur verið mun minni en sem nemur nemendafjölgun og verðlagshækkunum.
Kennsla
Nemendum hefur fjölgað á umliðnum árum og voru í október 2005 alls 8.939. Á
sama tíma fjölgaði föstum kennurum ekki og raunkostnaður við kennslu hefur
lækkað verulega. Þrátt fyrir það hafa kennsludeildir safnað upp umtalsverðum
halla á liðnum árum. (þetta var komið áður).
Bókfærð gjöld umfram sértekjur á kennsludeildir námu 3.176,3 m.kr. og fjárveiting
3.130,4 m.kr. Halli á rekstri kennsludeilda nam því 45,9 m.kr. Tekjur Endurmenntunarstofnunar
Háskólans uxu um þriðjung á milli ára og skilaði reksturinn
afgangi eftir tímabundinn halla árið áður.
Rannsóknir
Ekki varð aukning á styrkjum til rannsókna á árinu 2005 eins og árið áður. Styrkir
námu 997,2 m.kr. samanborið við 994,7 m.kr. árið 2004. Tekjur af innlendum styrkjum
jukust um 98 m.kr. en erlendir styrkir drógust saman um 96 m.kr. Styrkirnir
eru að mestu til rannsókna, en þó er hluti erlendu styrkjanna ætlaður til aukinna
erlendra samskipta nemenda og kennara. Aðrar sértekjur af þjónustu og rannsóknum
námu 456 m.kr. samanborið við 442 m.kr. í fyrra.
Erlendar tekjur, 444 m.kr., voru til rannsókna og til þess að efla erlend samskipti.
Meðal verkefna sem hlutu erlenda styrki yfir 2 m.kr. voru: viðskipta- og hagfræðideild,
styrkur frá EFTA vegna kennslu króatískra hagfræðinema og frá Statistisk
Sentralbyrå til hagrannsókna; Hagfræðistofnun, styrkur frá ESB vegna rannsókna á
umhverfismálum; heimspekideild vegna kennslu í japönsku, norræns sumarnámskeiðs,
norræns rannsóknarverkefnis í heimspeki, Icelandic Online, vefseturs í íslensku
og þýskrar orðabókar; tannlæknadeild vegna rannsókna á bakteríum í
munni; raunvísindadeild vegna ýmissa líffræði-, heimskauta-, matvæla- og vetnisrannsókna;
félagsvísindadeild vegna rannsókna í félagsfræði; hjúkrunarfræðideild
vegna kennaraskipta; Rannsóknarstofa í kynjafræðum vegna rannsókna á stöðu
kynjanna; Rannsóknarsetrið á Höfn í Hornafirði til rannsókna á áhrifum ferðamennsku
á umhverfi, Rannsóknaþjónusta Háskólans vegna ýmissa rannsóknarverkefna,
LEONARDO og reksturs upplýsingaþjónustu ESB; Alþjóðaskrifstofa háskólastigsins
vegna COMENIUS, SOKRATES, GRUNDTVIK, NORDPLUS-stúdentaskipta,
e-TWINNING og reksturs SOKRATES skrifstofu og NORDPLUS-SPROG skrifstofu;
Námsráðgjöf vegna rannsókna á brottfalli nemenda.
79