36164_Árbók 2005 - Háskóli Íslands

Mynd 1. Traust til stofnana.
Háskóli Íslands
86%
Heilbrigðiskerfið
Lögreglan
Umboðsmaður Alþingis
Ríkissáttasemjari
Þjóðkirkjan
70%
67%
62%
56%
55%
Dómskerfið
Alþingi
35%
35%
0% 25% 50% 75% 100%
Háskólafundur
Haldnir voru þrír háskólafundir á árinu. Fyrsti fundurinn fór fram 18. febrúar og
voru fimm mál á dagskrá. Hófst fundurinn á umræðum um niðurstöður síðasta
fundar ársins 2004 sem fram fór í ráðstefnuhúsi Bláa lónsins og var helgaður
þeirri spurningu, hvernig styrkja mætti háskólafund enn frekar. Næst var fjallað
um framlögð drög að viðmiðum og kröfum um gæði meistara- og doktorsnáms.
Var málið rætt ítarlega og samþykkt að greina skýrt á milli gæðareglna fyrir
meistaranám og fyrir doktorsnám. Þá voru til umræðu og afgreiðslu drög að
stefnu Háskóla Íslands gegn mismunun og voru þau samþykkt. Voru fulltrúar á
háskólafundi á einu máli um það að hér væri á ferðinni afar mikilvægt mál og
að það væri Háskóla Íslands til sóma að vera í fararbroddi og til fyrirmyndar í
þessum efnum. Fjórða mál á dagskrá fundarins var kynning á hugmyndum
kennslumálanefndar að nýju stigamatskerfi kennslu. Var málið rætt ítarlega og
ákveðið að vísa því til rektors og deildarforseta til frekari meðferðar. Seinast á
dagskrá fundarins var kynning á þverfræðilegu námi og rannsóknum. Flutt voru
tvö fróðleg framsöguerindi og að þeim loknum fóru fram umræður.
Annar háskólafundur ársins var haldinn 26. maí og voru þrjú mál á dagskrá.
Fyrsta málið var siðareglur Háskólans og staða þeirra. Fyrir fundinum lá greinargerð
starfshóps sem skipaður hafði verið í kjölfar þess að Héraðsdómur
Reykjavíkur komst að því í úrskurði að lagalegar forsendur siðareglna Háskólans
og starfsreglna siðanefndar skólans væru óljósar. Málið var rætt og ákveðið
að fela starfshópnum að halda áfram vinnu sinni. Næsta mál á dagskrá fundarins
var ítarleg kynning á nýlega birtum niðurstöðum stjórnsýsluúttektar Ríkisendurskoðunar.
Helstu niðurstöður úttektarinnar eru þær að Háskóli Íslands er
tiltölulega ódýr í rekstri miðað við sambærilega evrópska háskóla og að árangur
hans á mörgum sviðum kennslu og rannsókna er sömuleiðis ágætur. Ljóst
er hins vegar að möguleikar hans til að þróast sem öflugur alþjóðlegur rannsóknaháskóli
hljóta að ráðast verulega af því hvaða stefna í uppbyggingu og
stjórnun verður valin á komandi árum. Þá kemur fram í skýrslunni að stjórnendur
Háskólans hafa gætt þess á liðnum árum að haga rekstri skólans í samræmi
við fjárveitingar og aðrar tekjur og að gripið hefur verið til ýmissa aðhaldsaðgerða.
Hlutfall annarra tekna en ríkisframlaga er tiltölulega hátt hjá Háskóla
Íslands miðað við erlenda háskóla sem gerður var samanburður við.
Fjárhagsvandi Háskóla Íslands er því ekki fólginn í stöðugum hallarekstri og
skuldasöfnun heldur er skólanum óhægt um vik að mæta auknum kostnaði
vegna fleiri nemenda, nýrra námsbrauta og dýrari starfsmanna, án þess að það
komi niður á gæðum kennslu og rannsókna. Síðasta mál á dagskrá fundarins,
sem jafnframt var síðasti háskólafundur undir stjórn Páls Skúlasonar, var kynning
á framkvæmd stefnumála Háskóla Íslands. Fór rektor yfir starfsemi og
stefnumótun sem fram hefur farið á vettvangi fundarins frá upphafi og létu
fundarmenn í ljós þá skoðun að fundurinn hefði unnið sér sess á síðustu árum
og væri orðinn ómissandi þáttur í háskólastarfinu.
Þriðji og síðasti háskólafundur ársins fór fram 17. nóvember. Þetta var fyrsti háskólafundur
undir stjórn Kristínar Ingólfsdóttur rektors. Fjögur mál voru á dagskrá.
Fyrir fundinum lá dagskrártillaga viðskipta- og hagfræðideildar og laga-
13