You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Auk reksturs Landsskrifstofu Sókratesar hefur Alþjóðaskrifstofan í umboði<br />
menntamálaráðuneytisins umsjón með kynningum og umsóknum á námskeið<br />
sem haldin eru á vegum tungumálamiðstöðvar Evrópuráðsins í Graz í Austurríki.<br />
Skrifstofan hefur einnig í umboði menntamálaráðuneytisins umsjón með European<br />
Label viðurkenningu Evrópusambandsins, sem er veitt fyrir nýjungar í tungumálakennslu.<br />
Í samráðshópi um rekstur Alþjóðaskrifstofu háskólastigsins eiga sæti fulltrúar frá<br />
Háskóla Íslands, samstarfsnefnd háskólastigsins og menntamálaráðuneytinu.<br />
Alþjóðaskrifstofa háskólastigsins hefur frá 2004 séð um rekstur Nordplus-áætlunar<br />
Norrænu ráðherranefndarinnar hér á landi. Alþjóðaskrifstofan er aðalstjórnandi<br />
Nordplus sprog tungumálaáætlunarinnar og meðstjórnandi í Nordplus junior,<br />
Nordplus voksen, Nordplus fyrir háskólastigið og Nordplus Nabo. Sérstakur<br />
samningur um rekstur Landsskrifstofu Nordplus er á milli Alþjóðaskrifstofunnar<br />
og Norrænu ráðherranefndarinnar.<br />
Háskóli Íslands - samningar við erlenda háskóla og samstarfsnet<br />
Helstu áætlanir sem Háskóli Íslands tekur þátt í eru Sókratesáætlun Evrópusambandsins,<br />
Nordplus-áætlun Norðurlandaráðs og International Student Exchange<br />
Programme sem er bandarísk stúdentaskiptaáætlun. Einnig hefur Háskólinn gert<br />
tvíhliða samstarfssamninga við fjölmarga háskóla/stofnanir víðs vegar um heim.<br />
Upplýsingar um samninga eru á heimasíðu Alþjóðaskrifstofunnar<br />
(www.ask.hi.is). Háskóli Íslands er einnig þátttakandi í tveimur stórum evrópskum<br />
samstarfsnetum háskóla Utrecht-neti og UNICA-neti.<br />
Í gildi eru 370 Sókrates-/Erasmus samningar við um 260 evrópska háskóla. Árið<br />
<strong>2005</strong> voru gerðir 25 nýir Erasmus-samningar við 21 háskóla. Í mörgum tilvikum<br />
voru tengsl við viðkomandi skóla í öðrum greinum. Erasmus-samningar eru<br />
gerðir í hverju fagi og því geta verið margir samningar við suma skóla eða einn<br />
opinn samningur. Umfang stúdentaskipta er mikið, en einnig taka kennarar HÍ<br />
þátt í kennaraskiptum, námsefnisgerð, halda námskeið í samvinnu við evrópska<br />
samstarfsaðila, taka þátt í þemanetum innan Sókratesar o.fl. HÍ er þátttakandi í<br />
samstarfsneti 30 háskóla í Evrópu, svonefndu Utrecht-neti. Utrecht-netið hefur<br />
gert samning við 16 háskóla í Bandaríkjunum um gagnkvæm stúdentaskipti.<br />
Þessir bandarísku háskólar mynda samstarfsnet sem í daglegu tali er kallað<br />
MAUI-netið (Mid American Universities). Utrecht hefur einnig gert samninga við 7<br />
háskóla í Ástralíu um gagnkvæm stúdentaskipti. Utrecht-netið hefur einnig skipulagt<br />
sumarnámskeið, sem stúdentar HÍ hafa sótt og kennarar HÍ hafa kennt á<br />
þessum námskeiðum. Forstöðumaður Alþjóðaskrifstofunnar var kosinn í stjórn<br />
Utrecht-netsins vorið 2004 og sækir því stjórnarfundi netsins og ársfund. Starfsmenn<br />
HÍ hafa tekið þátt í svonefndum þemanetum innan Sókratesáætlunarinnar.<br />
Háskóli Íslands er aðili að UNICA sem er samstarfsnet háskóla í höfuðborgum<br />
Evrópu (sjá nánari upplýsingar á http://www.ulb.ac.be/unica/index.html).<br />
Þátttaka HÍ í Nordplus samstarfi er umfangsmikil, en kennarar HÍ eru þátttakendur<br />
í um 20 samstarfsnetum á um 15 fræðasviðum. HÍ er einnig þátttakandi í einu<br />
þverfaglegu Nordplus-neti sem nefnist Nordlys, en starfsmaður á Alþjóðaskrifstofu<br />
sér um samskipti við það net. Skólaárið 2004-<strong>2005</strong> fékk HÍ úthlutað í gegnum<br />
Nordlys-netið 33.600 evrum (2.939.328 ísl.kr.) til að styrkja 24 HÍ stúdenta til<br />
að fara til Norðurlanda sem Nordplus skiptistúdentar. Skólaárið <strong>2005</strong>-2006 fékk<br />
Nordlys-netið 27.400 evrur (2.176.382 ísl.kr.) til að styrkja 20 HÍ stúdenta.<br />
Forstöðumaður Alþjóðaskrifstofu á sæti í Planeringsgruppen for internationalisering<br />
innan NUAS (Nordisk Universitets Administratørs Samarbejde).<br />
Nýir tvíhliða samningar við erlenda háskóla<br />
Árið <strong>2005</strong> voru gerðir tvíhliðasamningar utan skipulagðra áætlana milli Háskóla<br />
Íslands og eftirtalinna háskóla: Whittier College, Bandaríkjunum, University of<br />
Waterloo, Ontario, Kanada, École de Technologie Supérieure, Montreal, Kanada,<br />
University of Saskatchewan, Kanada, Universidad de La Habana, Kúbu, Nordic<br />
Optical Telescope, Las Palmas, Kanaríeyjum (rekstur stjörnusjónauka), Universidad<br />
de Sevilla, Spáni, Universidad Autonoma de Barcelona, Spáni, Universidad<br />
Computense de Madrid, Spáni, Universitdad de Barcelona, Spáni, Chulalongkorn<br />
University, Bangkok, Tælandi, European Molecular Biology Laboratory (doktorsnám<br />
í sameindalíffræði), Þýskalandi.<br />
58