36164_Árbók 2005 - Háskóli Íslands

Birt efni meðal annars:
• Eliasson, J., Guigay, G. and Karlsson, B. The gravity wave problem in underventilated
fires. Fire Technology, (Submitted for publication) May 2005.
Straumfræði stillanlegra vökvadempara
Unnið var að rannsóknum á straumfræðilegri hegðun grunns vökva í tanki undir
sveifluálagi. Rannsóknirnar byggja að grunninum á viðamiklum tilraunum sem
gerðar voru við University of Southern California. Tilraunirnar voru gerðar til að
rannsaka hegðun vökva sem fall af ýmsum breytum og lögun tanks undir hlutfallslega
stórum sveiflum þar sem hegðun vökvans er frá því að vera hæg og
mjúk upp í að vera ofsafengin með stórum, brotnum öldum. Töluleg straumfræðileg
hermun byggð á ClawPack hefur verið beitt í verkefninu. Starfsmaður verkefnisins
sumarið 2005 var Þórunn Sigurðardóttir. Verkefnið er styrkt af Rannsóknarsjóð
Háskóla Íslands.
Birt efni meðal annars:
• Garðarsson, S. M. Hermun svörunar mannvirkis með stillanlegum vökvadempara.
Árbók Verkfræðingafélagsins. Verkfræðingafélagið 2005, bls. 225-
232.
• Gardarsson, S. M. and Sigurdardottir Th. Shallow-Water Sloshing Simulation
using CLAWPACK. 2nd. Intermediate Report. Engineering Research Institute,
University of Iceland. Report nr. VHI-02-2005, December 2005
• Gardarsson, S. M. and Sigmarsson, S. G. Shallow-Water Sloshing Simulation
using CLAWPACK. 1st. Intermediate Report. Engineering Research Institute,
University of Iceland. Report nr. VHI-03-2004, December 2004.
• Gardarsson, S. M. Case study of hysteresis in shallow water sloshing. Árbók
Verkfræðingafélagsins, bls. 210-216, 2004.
Áhrif bráðnunar jökla vegna loftlagsbreytinga á aurfyllingu
miðlunarlóna
Unnið var að rannsóknum á áhrifum loftlagsbreytinga á aurfyllingu lóna vegna
breytinga á stærð jökla. Áhrif hörfunar Brúarjökuls á aurfyllingu Hálslóns hefur
meðal annars verið athuguð.
Birt efni meðal annars:
• Gardarsson, S.M. and Eliasson, J. Influence of Climate Warming on Hálslón
Reservoir sediment filling. Submitted Sept. 2005.
• Jónsson, B., Garðarsson, S. M., og Elíasson, J. Kárahnjúkavirkjun. Langtímaþróun
rennslis og miðlunar. Árbók Verkfræðingafélagsins. Verkfræðingafélagið
2005, bls. 253-259.
• Gardarsson S.M., Jonsson B., and and Eliasson J. Sediment Model of Halslon
Reservoir filling taken into account Bruarjokull Glacier recede. European
Geosciences Union General Assembly 2005, Vienna, Austria, 24 – 29; April
2005. (Poster)
Öryggi vatnavirkja
Meginmarkmið fyrri hluta verkefnisins er að kanna svörun og ákvarða öryggi
vatnavirkja gegn mismunandi álagsþáttum, sem felst meðal annars í því að
skoða víxlverkun stíflumannvirkja og þeirrar áraunar er taka þarf tillit til í hönnunarferli.
Ísland hefur tekið upp Evrópustaðla þar sem álag á byggingar er grundvallað
á tölfræðilegum grunni. Til að komast yfir þann þröskuld sem skapast af
gagnafátækt, sem stafar meðal annars af stuttum gagnasöfnunartími hér á landi
ásamt því að litlar grunnrannsóknir liggja fyrir á þessu sviði, þarf að rannsaka
einstaka álagsþætti vatnavirkja. Ennfremur verður gerð tjónagreining, þ.e. könnuð
afleiðing þess ef stífla gefur sig og flóð verða. Meginmarkmið í seinni hluta
verkefnisins verður að skilgreina áhættuflokka og raða íslenskum vatnavirkjunum
í þá. Ennfremur verða sett áhættumörk fyrir hvern flokk sem meðal annars
nýtist við skilgreiningu á hönnunarforsendum. Loks verður gerð kerfisvíð greining
á áhættu vatnavirkja sem getur lækkað byggingar- og tryggingarkostnað svo
hann sé í samræmi við þá áhættu sem hagkvæmast er að taka út frá hagkvæmnisreglu
heildarkostnaðar (optimal total cost). Starfsmenn verkefnisins eru Atli
Gunnar Arnórsson og Sveinbjörn Jónsson. Verkefnið er unnið í samstarfi við aðila
innan umhverfis- og byggingarverkfræðiskorar og er styrkt af Rannís.
Birt efni meðal annars:
• Atli Gunnar Arnórsson, Bjarni Bessason, Jónas Elíasson, Sigurður Erlingsson
og Sigurður Magnús Garðarsson (2005). Öryggi vatnavirkja – Áhættustjórnun
fyrir stíflur. Verkfræðistofnun Háskóla Íslands, Skýrsla nr. VHI-01-
2005, 45 bls.
177