Create successful ePaper yourself
Turn your PDF publications into a flip-book with our unique Google optimized e-Paper software.
Rannsóknastofnun í<br />
hjúkrunarfræði<br />
Stjórn og starfslið<br />
Stjórn Rannsóknastofnunar árið <strong>2005</strong> var skipuð Herdísi Sveinsdóttur, prófessor,<br />
formanni og Sóleyju S. Bender, dósent, úr hópi fastráðinna kennara við hjúkrunarfræðideild<br />
og Helgu Bragadóttur, sviðsstjóra á Landspítala-háskólasjúkrahúsi<br />
(LSH), til 1. október og Hrund Sch. Thorsteinsson, sviðsstjóra LSH, frá 1. október,<br />
tilnefndar af hjúkrunarforstjóra LSH. Helga Gottfreðsdóttir, lektor, var skipuð<br />
varamaður.<br />
Starfsmenn stofnunarinnar voru Margrét Lúðvíksdóttir í 20% starfi ritara til 10.<br />
júní, Ragnar Ólafsson, sálfræðingur í 50% starfi sérfræðings til 1. maí, Þóra Jenný<br />
Gunnarsdóttir, hjúkrunarfræðingur í 40% starfi verkefnisstjóra frá 1. mars til 1.<br />
ágúst, Lára Kristín Sturludóttir í 10% starfi verkefnisstjóra frá 1. október og Helga<br />
Bragadóttir, hjúkrunarfræðingur og lektor í 63% starfi forstöðumanns frá 1. október.<br />
Starfsemin<br />
Rannsóknastofnun í hjúkrunarfræði vinnur samkvæmt reglum um Rannsóknastofnun<br />
í hjúkrunarfræði við Háskóla Íslands og Landspítala-háskólasjúkrahús<br />
frá 22. september 2004. Aðalviðfangsefni stofnunarinnar er að styðja við og efla<br />
rannsóknir kennara við hjúkrunarfræðideild og hjúkrunarfræðinga og ljósmæðra<br />
á Landspítala-háskólasjúkrahúsi.<br />
Stjórn Rannsóknastofnunar í hjúkrunarfræði leggur ríka áherslu á að bjóða rannsakendum<br />
í hjúkrunarfræði og ljósmóðurfræði þjónustu til að auðvelda þeim<br />
vinnu að framgangi og útgáfu verka sinna. Stefnt er að því að stofnunin búi yfir<br />
úrræðum og geti vísað fólki á viðeigandi aðila sem geta veitt aðstoð t.d. sérfræðinga<br />
í ólíkum tölfræðiaðferðum, yfirlesara og aðstoðarmenn. Stofnunin leitast einnig<br />
við að bæta aðstöðu til rannsókna í samræmi við þarfir kennara/hjúkrunarrannsakenda<br />
og veitir kennurum /hjúkrunarrannsakendum aðstoð við að birta<br />
niðurstöður sínar.<br />
Fræðsla og útgáfa<br />
Unnið hefur verið að því að efla útgáfu á vegum Rannsóknastofnunar í hjúkrunarfræði.<br />
Vorið <strong>2005</strong> gaf stofnunin út rannsóknaskýrslu Jóhönnu Bernharðsdóttur,<br />
lektors í hjúkrunarfræðideild og Ástu Snorradóttur og Rannveigar Þallar Þórsdóttur,<br />
hjúkrunarfræðinga á LSH. Í skýrslunni er gerð grein fyrir rannsókn á tíðni<br />
og eðli sálrænna vandamála hjá sjúklingum og aðstandendum og þörf þeirra fyrir<br />
ráðgjöf frá geðhjúkrunarfræðingi.<br />
Stofnunin styrkti útgáfu á bók Kristínar Björnsdóttur, dósents við hjúkrunarfræðideild.<br />
Bókin ber heitið Líkami og Sál: Hugmyndir, þekking og aðferðir í hjúkrun.<br />
Bókin var á meðal 10 rita sem tilnefnd voru til verðlauna Hagþenkis sem framúrskarandi<br />
fræðirit.<br />
Þjónusturannsókn var unnin fyrir Sjálfsbjörgu og voru niðurstöður hennar gefnar<br />
út í skýrslunni: Viðhorf þjónustuþega til heimahjúkrunar og félagslegrar heimaþjónustu;<br />
Viðhorfskönnun meðal félagsmanna Sjálfsbjargar.<br />
Rannsóknastofnun í hjúkrunarfræði stóð fyrir opinberum erindum, málstofum,<br />
ráðstefnum, málþingum og umræðufundum. Árið <strong>2005</strong> voru haldin tvö opinber<br />
erindi og 11 málstofur.<br />
Rannsóknastofnun í hjúkrunarfræði hélt ráðstefnuna Frá skilningi til aðgerða;<br />
þekkingarþróun í hjúkrunarfræði, 24. maí í Norræna húsinu. Ráðstefnan var liður<br />
í undirbúningi að útgáfu bókar hjúkrunarfræðideildar sem kemur út 2006. Kennarar<br />
kynntu framlag sitt til bókarinnar.<br />
Dr. Marcia Von Riper, dósent við háskólann í Chapel Hill í Norður-Karólínu ríki í<br />
Bandaríkjunum, stýrði vinnusmiðju Rannsóknastofnunar um genafræði 17. mars.<br />
Yfirskrift vinnusmiðjunnar var Strategies for Integrating Genetics into the Curricula.<br />
Kennurum hjúkrunarfræðideildar, sérfræðingum í hjúkrun við LSH og hjúkrunarfræðingum<br />
á fræðasviðum sem tengjast genafræði var boðið til vinnusmiðjunnar.<br />
110