Create successful ePaper yourself
Turn your PDF publications into a flip-book with our unique Google optimized e-Paper software.
m.a. verið veitt fyrir það að á árinu <strong>2005</strong> hafi háskólasamfélagið í fyrsta sinn kosið<br />
í leynilegri kosningu konu sem rektor og þar með æðsta stjórnanda stofnunarinnar<br />
sem jafnframt væri fjölmennasti vinnustaður landsins. Þetta lýsir jafnréttisvilja<br />
og að hæfileikar, reynsla, þekking og framtíðarsýn konu eru metnir til jafns á við<br />
karla. Háskólinn hefur um langt árabil látið jafnréttismál sig miklu varða með því<br />
að leggja sérstaka rækt við rannsóknir og kennslu á sviði jafnréttismála, enda<br />
segir í jafnréttisáætlun Háskólans að stefnt sé að því að jafnréttissjónarmið verði<br />
samþætt allri starfsemi háskólasamfélagsins. Innan Háskólans hefur verið unnið<br />
að því að jafna launamun kynjanna, að jafna kynjahlutföll í hinum ýmsu greinum<br />
og að hafa jafnréttissjónarmið að leiðarljósi í kennsluaðferðum og við val á<br />
kennsluefni. Þetta þýðir að jafnrétti kynjanna er haft í huga við alla stefnumótun,<br />
ákvarðanatöku og áætlanagerð og litið er á jafnréttisstarf sem lið í gæðaumbótum<br />
innan skólans.<br />
Úrslit í samkeppni um Háskólatorg<br />
Íslenskir aðalverktakar ásamt arkitektunum Ögmundi Skarphéðinssyni og Ingimundi<br />
Sveinssyni urðu hlutskarpastir í samkeppni um tillögu að hönnun og byggingu<br />
Háskólatorgs Háskóla Íslands. Niðurstaða dómnefnar í samkeppninni var<br />
kynnt 18. október með viðhöfn í Hátíðasal Háskóla Íslands. Í ávarpi Kristínar Ingólfsdóttur<br />
rektors kom fram að með byggingu Háskólatorgs verður stigið stórt<br />
skref í byggingasögu Háskóla Íslands. Háskólatorg muni leysa úr brýnni húsnæðisþörf<br />
fyrir skrifstofur og fyrirlestrarsali, en jafnframt bæta þjónustu við nemendur<br />
auk þess sem það mun skapa frjóan vettvang fyrir kennara og nemendur úr<br />
ólíkum deildum til að hittast og blanda geði.<br />
Í umsögn dómnefndar um vinningstillöguna segir meðal annars að hún beri vott<br />
um þroskaða heildarmynd og í henni sé unnið með fá og einföld grunnform. Sú<br />
hugmynd að steypa byggingarnar ekki í sama mót, heldur laga hvora að sínu umhverfi,<br />
sé djörf og útfærslan heppnist vel. Innra fyrirkomulag sé hnitmiðað í öllum<br />
megindráttum og að í tillögunni hafi tekist að skapa lifandi flæði.<br />
Fjórar tillögur bárust um Háskólatorg og var það mat dómnefndar að þær væru allar<br />
metnaðarfullar og fjölbreyttar og gæfu hver um sig nýja sýn á verkefnið. Auk vinningshafa<br />
lögðu fram tillögu um Háskólatorg hóparnir ÞG verktakar ehf. og Sigurður<br />
Halldórsson arkitekt hjá Glámu Kím, Ístak og Steve Christer arkitekt hjá Studio<br />
Granda og Keflavíkurverktakar ásamt Sigurði Hallgrímssyni arkitekt hjá Arkþingi.<br />
Áætlað er að hefja byggingarframkvæmdir vorið 2006 og að vígsla fari fram í árslok<br />
2007. Mikilsvert framlag Háskólasjóðs Eimskipafélags Íslands gerir Háskólanum<br />
kleift að ráðast í byggingarframkvæmdirnar en jafnframt verða þær fjármagnaðar<br />
með sölu fasteigna og lántöku Happdrættis Háskóla Íslands.<br />
Háskólatorg Háskóla Íslands er samheiti tveggja bygginga á háskólasvæðinu,<br />
sem verða alls um 8.500 fermetrar að stærð með tengibyggingum. Ætlað er að<br />
Háskólatorg hýsi á þriðja hundrað starfsmenn og um 1.500 stúdenta á hverjum<br />
tíma, auk gesta. Háskólatorg 1 rís á lóð milli Aðalbyggingar og Íþróttahúss og<br />
tengist Lögbergi. Einnig er ætlunin að tengja bygginguna við háskólasvæðið vestan<br />
Suðurgötu með undirgöngum. Háskólatorg 2 rís þar sem nú er bílastæði á<br />
milli Lögbergs, Nýja Garðs, Árnagarðs og Odda. Háskólatorg 2 tengist Odda á<br />
fyrstu og annarri hæð og Lögbergi á fyrstu hæð.<br />
Háskólatorgi er ætlað að vera lifandi og aðlaðandi staður þar sem fólk kemur<br />
saman til að stunda nám, sinna erindum, nærast og eiga samskipti. Háskólatorg<br />
hýsir ýmsa starfsemi sem snýr að umsýslu og þjónustu við stúdenta og starfsfólk.<br />
Þá verða í Háskólatorgi fyrirlestrarsalir, kennslustofur, rannsóknastofur,<br />
lesrými og vinnuaðstaða nemenda í grunnnámi og framhaldsnámi, skrifstofur<br />
kennara, tölvuver og ýmis fjölnota rými sem þjóna margvíslegum þörfum. Í Háskólatorgi<br />
verður Bóksala stúdenta, veitingasala, nemendaskrá Háskólans,<br />
námsráðgjöf og Alþjóðaskrifstofa sem og starfsemi Stúdentaráðs og Félagsstofnunar<br />
stúdenta. Áhersla er lögð á opið rými – torg sem nýtist nær allan sólarhringinn.<br />
Veitingasala verður við Torgið allan daginn og síðdegis og um helgar má<br />
hafa lítinn hluta veitingasölunnar opinn til að þjóna félagslífi. Upphækkun eða lítið<br />
svið á Torginu er kjörið fyrir ýmsar uppákomur árið um kring. Bóksala stúdenta<br />
opnast út á Torgið í nokkrar vikur að hausti og í janúar og nemendur geta setið á<br />
Torgi við lestur síðla dags og á kvöldin.<br />
19