36164_Árbók 2005 - Háskóli Íslands

Kennaraskipti
Tuttugu kennarar hugvísindadeildar fóru til erlendra háskóla sem skiptikennarar.
Lönd á þessum lista eru m.a Austurríki, Finnland, Frakkland, Holland, Ítalía,
Spánn, Svíþjóð, Ungverjaland og Þýskaland.
Fjöldi erlendra kennara heimsótti hugvísindadeild. Brian Frazier frá Santa Barbara
háskólanum í Kaliforníu hélt námskeið á vormisseri sem bar heitið Don Kíkóti
í 400 ár, í tilefni þess að 400 ár voru liðin frá útgáfu bókarinnar. Tveir skiptikennarar
komu frá háskólanum í Madrid; í maí kom dr.María Luisa Vega og í október
kom dr. Carlos Ruiz Silva.
Kennarar hugvísindadeildar taka þátt í margskonar fræðastarfi víða um lönd. Þar
halda þeir fyrirlestra og kynna rannsóknir sínar og fylgjast með fræðastarfi annarra
vísindamanna. Of langt mál yrði að telja það allt upp hér og vísast til Ritaskrár
Háskóla Íslands 2005 þar sem hluti af þessu fræðastarfi birtist.
Annað
Á árinu lét menntamálaráðuneytið gera úttekt á deildinni og hitti ytri matshópurinn
deildarmenn 24. til 28. október. Í matshópnum áttu sæti: Gústaf Adolf Skúlason,
formaður, Colin Brooks frá háskólanum í Glasgow, Fred Karlsson, prófessor
við háskólanum í Helsinki, Sigrún Svavarsdóttir, lektor við háskólann í Ohio,
Hrafn Stefánsson var fulltrúi nemenda, og ritari nefndarinnar var Unnar Hermannsson
frá menntamálaráðuneytinu. Áður en matshópurinn hóf störf hafði
deildin gert sjálfsmatsskýrslu og var Jón Axel Harðarson í forsvari fyrir því verki.
Opinberir fyrirlestrar á vegum hugvísindadeildar árið 2005
8. maí Bernd Wegener, prófessor við Helmut Schmidt háskólann í
Hamborg Why did Germany Lose the War.
Þór Whitehead: Hlutleysi, sérhagsmunir eða virk þátttaka:
Hvert var hlutverk Íslendinga í síðari heimsstyrjöldinni.
Málþing í tilefni af því að sextíu ár voru liðin frá lokum síðari
heimstyrjaldarinnar.
8. sept. Hartmut Lutz, forstöðumaður við Stofnun amerískra og
kanadískra fræða við Greifswald háskólann í Þýskalandi:
Harmleikur Ulrikabs og annarra Inúíta frá Labrador í farandsýningum
Hagenbecks á 19. öld.
4. okt. Klaus von See, prófessor Þýskalandi að lokinni síðari
heimstyrjöld.
11. okt. Mukunda Raj Pathik kennari við Tribhuvan University í
Kathmandu í Nepal. Nepalska og skyld mál.
Hugvísindastofnun
Stjórn, starfslið og skipulag
Forstöðumenn aðildarstofnananna sátu í stjórn Hugvísindastofnunar á starfsárinu.
Það voru Guðrún Nordal fyrir Bókmenntafræðistofnun, Gunnar Harðarson
fyrir Heimspekistofnun, Kristján Árnason fyrir Málvísindastofnun, Gunnar Karlsson
fyrir Sagnfræðistofnun og Auður Hauksdóttir fyrir Stofnun Vigdísar Finnbogadóttur
í erlendum tungumálum. Auk þeirra sat Unnur B. Karlsdóttir sem fulltrúi
doktorsnema í hugvísindadeild í stjórninni. Formaður stjórnar er kjörinn af deildarfundi.
Torfi Tulinius var formaður til 1. júlí og Höskuldur Þráinsson frá 1. júlí.
Þórdís Gísladóttir verkefnisstjóri kom úr árs leyfi þann 1. mars og um leið lét
Þorgerður E. Sigurðardóttir af störfum sem verkefnisstjóri. Þorgerður hafði verið
í 50% starfi. Þórdís var í 60% starfi frá 1. mars til 1. ágúst og í 100% starfi frá 1.
ágúst. Torfi H. Tulinius var í 50% starfi sem forstöðumaður til 1. október. Ekki var
ráðinn nýr forstöðumaður í stað Torfa þar sem verið var að vinna að breytingum á
reglum stofnunarinnar.
Á deildarfundi í júní var kosin nefnd til að vinna að endurskoðun á starfsreglum
Hugvísindastofnunar. Í nefndinni sátu Höskuldur Þráinsson (formaður), Torfi H.
Tulinius, Anna Agnarsdóttir og Dagný Kristjánsdóttir. Í samráði við stjórn hennar
mótaði nefndin tillögur um breytingar á reglum stofnunarinnar. Þær voru síðan
samþykktar á deildarfundi 20. desember og miða einkum að því að efla stofnunina
sem miðstöð rannsókna í hugvísindadeild og samstarfsvettvang aðildarstofnananna.
118