You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Annað meginsvið Rannsóknastöðvarinnar felst í mengunarrannsóknum. Í stöðinni<br />
hafa undanfarin ár farið fram rannsóknir á áhrifum mengandi efna á íslenskar<br />
sjávarlífverur. Á árinu <strong>2005</strong> var lögð áhersla á rannsóknir á áhrifum efnisins<br />
tríbútýltin á hrognkelsalirfur og á krækling.<br />
Árið 2003 náði Rannsóknastöðin í Sandgerði samningi við Evrópusambandið til<br />
tveggja ára um að stöðin er nú aftur skilgreind sem „einstæð vísindaaðstaða“<br />
(Access to Research Facilities) á vegum 5. rammaáætlunar Evrópusambandsins.<br />
Þessi samningur var síðan framlengdur um 6 mánuði og rann út 31. júlí <strong>2005</strong>. Árið<br />
<strong>2005</strong> kom vegna þessa samnings 21 vísindamaður og dvöldust þeir við rannsóknir<br />
í stöðinni í allt að einn og hálfan mánuð. Alls komu á öllu samningstímabilinu<br />
79 vísindamenn sem voru í Sandgerði frá tveimur vikum upp í þrjá mánuði.<br />
Alls dvöldu vísindamenn í 1.755 dag í stöðinni á samningstímabilinu. Rannsóknaverkefni<br />
þessa vísindamanna voru m.a. athuganir á æðarfugli, verkun málningar<br />
á fisklirfu, fjölbreytileiki krabbaflóa, flokkun burstaorma, nökkva og krossfiska,<br />
rannsóknir á kóralþangi, útbreiðsla grænþörunga, sagþangs, bóluþangs, sjávarkræðu<br />
auk rannsókna á áhrifum eiturefna á þanglýs og lindýr. Þessir sérfræðingar<br />
komu frá Hollandi, Danmörku, Noregi, Þýskalandi, Ítalíu, Svíþjóð, Finnlandi,<br />
Spáni, Búlgaríu, Póllandi, Portúgal og Bretlandi.<br />
Auk hinna erlendu sérfræðinga stunduðu sérfræðingar Líffræðistofnunar margvíslegar<br />
rannsóknir við stöðina og nemendur við líffræðiskor nutu aðstöðunnar<br />
við rannsóknir sínar. Halldór P. Halldórsson vinnur hluta rannsóknavinnu doktorsnáms<br />
síns á stöðinni.<br />
Á stöðinni fór einnig fram kennsla á vegum líffræðiskorar. Á vormánuðum fór<br />
umfangsmikill verklegur þáttur námskeiðsins Eiturefnavistfræði fram í stöðinni.<br />
Stöðin lagði einnig til mikinn efnivið til verklegrar kennslu í greinum er fást við<br />
lífríki sjávar.<br />
Siðfræðistofnun<br />
Stjórn og starfslið<br />
Stjórn Siðfræðistofnunar var óbreytt frá fyrra ári en í henni eiga sæti: Vilhjálmur<br />
Árnason, prófessor, tilnefndur af heimspekiskor, formaður stjórnar, Sólveig Anna<br />
Bóasdóttir, dr. theol., tilnefnd af guðfræðideild, séra Irma Sjöfn Óskarsdóttir, tilnefnd<br />
af kirkjuráði þjóðkirkjunnar, Ástríður Stefánsdóttir, dósent, tilnefnd af<br />
Kennaraháskóla Íslands og Páll Hreinsson, prófessor í lagadeild, skipaður af háskólaráði<br />
án tilnefningar. Fyrir utan forstöðumann, Salvöru Nordal, sem er í fullu<br />
starfi, hafa sérfræðingar verið ráðnir í einstök rannsóknarverkefni í lengri eða<br />
skemmri tíma.<br />
Rannsóknir<br />
Rannsóknir á gagnagrunnum. Styrkur fékkst úr Rannsóknasjóði Rannís fyrir<br />
verkefnið Notkun gagnagrunna á heilbrigðissviði: Siðferðileg álitamál. Verkefnið<br />
hófst á árinu og var Ingunn Ólafsdóttir, stjórnmálafræðingur, MA, ráðin til að vinna<br />
úttekt á starfi Vísindasiðanefndar.<br />
Siðfræðistofnun hlaut áframhaldandi styrk frá NorFa/Nordforsk fyrir samstarfsnet<br />
á sviði siðfræði og lífvísinda, The Ethics of Genetic and Medical Information.<br />
Auk Siðfræðistofnunar, sem leiðir verkefnið, standa að rannsókninni vísindamenn<br />
frá Eistlandi, Finnlandi, Svíþjóð og Englandi. Fundur var haldinn í verkefninu í<br />
Manchester 30. maí þar sem rætt var um gagnagrunna á heilbrigðissviði og lyfjaerfðafræði.<br />
Í framhaldi af verkefninu ELSAGEN Ethical, Legal and Social Aspects of Human<br />
Genetic Databases, sem lauk formlega í árslok 2004, hefur Siðfræðistofnun tekið<br />
þátt í margvíslegum erlendum fundum. Formanni stjórnar og forstöðumanni var<br />
m.a. boðið á málþing PGHeart hjá læknadeild Warwick University í Englandi. Fundurinn<br />
var haldinn 27. maí og var hugsaður sem undirbúningur nánara samstarfs<br />
við Warwick. Formanni stjórnar var boðið á fund verkefnisins The Development of<br />
European Standards on Confidentiality and Privacy in Healthcare among Vulnerable<br />
Patient Populations (EuroSOCAP) sem haldinn var í Istanbul 17.–19. febrúar <strong>2005</strong><br />
þar sem hann gerði grein fyrir helstu niðurstöðum ELSAGEN-verkefnisins.<br />
Á árinu var sótt um áframhaldandi styrki fyrir rannsóknir á sviði gagnagrunna á<br />
heilbrigðissviði bæði í 6. rammaáætlun Evrópusambandsins.<br />
220