36164_Árbók 2005 - Háskóli Íslands

Skrifstofustjóri deildarinnar var Óskar Einarsson og hefur hann aðsetur á Nýja
Garði. Á skrifstofunni störfuðu auk skrifstofustjóra, Guðrún Birgisdóttir alþjóðaog
kynningarfulltrúi, María Ásdís Stefánsdóttir, verkefnastjóri, og Hlíf Arnlaugsdóttir,
verkefnastjóri í hálfu starfi, er staðsett á skrifstofu í Árnagarði.
Fastanefndir hugvísindadeildar
Við hugvísindadeild starfa fimm fastanefndir: Fjármálanefnd, kynningarnefnd,
stöðunefnd, vísindanefnd og kennslumálanefnd. Eru þær deildarforseta og deildarráði
til ráðuneytis um þau málefni sem falla undir verksvið þeirra. Stöðunefnd
ber að skoða og veita umsögn um framgangs- og ráðningarmál. Formaður stöðunefndar
var Oddný G. Sverrisdóttir deildarforseti, en að auki sitja í nefndinni
Höskuldur Þráinsson varadeildarforseti, Ástráður Eysteinsson, Gísli Gunnarsson,
Guðrún Kvaran, Guðrún Nordal, Magnús Fjalldal, Vilhjálmur Árnason. Til vara
voru Már Jónsson og Torfi H. Tulinius. Úr nefndinni gengu á miðju ári Dagný
Kristjánsdóttir og Kristján Árnason, en í stað þeirra komu Guðrún Nordal og Guðrún
Kvaran. Vísindanefnd fjallar um mál sem tengjast rannsóknum og kennslu.
Formaður vísindanefndar var Dagný Kristjánsdóttir. Í vísindanefnd sátu ennfremur
Jón Axel Harðarson, Matthew J. Whelpton, Ólafur Páll Jónsson og Valur Ingimundarson.
Fjármálanefnd deildarinnar vinnur að skiptingu fjár á milli skora og
fylgist með fjárhagsstöðu deildarinnar. Í henni sátu auk deildarforseta og varadeildarforseta,
Róbert H. Haraldsson, dósent í heimspeki, Eiríkur Rögnvaldsson
prófessor í íslensku og Óskar Einarsson skrifstofustjóri. Róbert H. Haraldsson er
jafnframt fulltrúi hugvísinda í fjármálanefnd háskólaráðs. Í kynningarnefnd eiga
sæti Rannveig Sverrisdóttir, bókmenntafræði- og málvísindaskor, formaður, Guðrún
Birgisdóttir, deildarskrifstofu, Jón Axel Harðarson, íslenskuskor, Gunnar
Harðarson, heimspekiskor, Ásta Ingibjartsdóttir, skor rómanskra og klassískra
mála, Magnús Sigurðsson, skor þýsku og Norðurlandamála, Pétur Knútsson,
enskuskor og Már Jónsson, sagnfræðiskor. Kennslumálanefnd sinnir margvíslegum
málum er snerta kennsluhætti deildarinnar. Hana skipa Gunnar Harðarson,
formaður, Ásdís Magnúsdóttir, Guðmundur Hálfdanarson, Margrét Jónsdóttir
og Sveinn Yngvi Egilsson. Ein nefnd var stofnuð til eins árs, þróunarnefnd, sem
undirbúningur að stefnumótun deildarinnar. Nefndina skipuðu: Anna Agnarsdóttir,
formaður, Guðni Elísson dósent, Ástráður Eysteinsson, prófessor, Guðrún Nordal,
dósent, Matthew Whelpton, dósent, Gunnar Harðarson, dósent og Hólmfríður
Garðarsdóttir, dósent. Nefndin kom mjög að undirbúning deildardaga og undirbjó
stefnumótunarvinnu deildarinnar.
Kennslumál
Nám hófst í kvikmyndafræði sem aukagrein haustið 2005, en það nám er styrkt af
Samskipum og af rektor HÍ. Listfræði var tekin upp sem aðalgrein til 60e og var
hún mjög fjölsótt. Kennsla hófst í Icelandic Medieval Studies en það er nám á
meistarastigi sem ætlað er erlendum nemendum. Hugvísindadeild tekur áfram
þátt í almennri trúarbragðafræði, sem er þverfaglegt nám á vegum Guðfræði-,
Hugvísinda- og Félagsvísindadeildar. Fulltrúi hugvísindadeildar í námsnefndinni
er Sigríður Þorgeirsdóttir. Fulltrúi deildarinnar í námsnefnd um þverfaglegt nám í
umhverfis og auðlindafræði var Róbert H. Haraldsson.
Hinn 9. desember fékk verkefnið Icelandic Online önnur verðlaun í samkeppninni
Upp úr skúffunum.
Enskuskor ásamt Vefsetri um íslenskt mál og menningu eru þátttakendur í verkefni
sem ber heitið COVCELL. Verkefnið hófst þann 1. október og er til tveggja
ára. Verkefnið er styrkt af Mínerva áætlun Evrópusambandsins. Matthew Whelpton,
dósent í ensku, er verkefnisstjóri. Verkefnið mun þróa aðferðir til þess að
nota við fjarkennslu í tungumálum.
Fjöldi stúdenta
Stúdentum í deildinni hefur heldur fækkað á milli ára, en í upphafi á hausti 2005
voru 1.794 nemendur skráðir í deildina, sem er 1,9 % aukning frá fyrra ári. Fjöldi
virkra nemenda á milli skólaárana 2003-2004 og 2004-2005 minnkað um 0,8 %.
Doktorar
Þann 29. apríl 2005 varði Sverrir Jakobsson, M.A. í sagnfræði, doktorsritgerð sína
Við og veröldin. Heimsmynd Íslendinga 1100 - 1400.
Hinn 14. október 2005 varði Margrét Eggertsdóttir, M.A., fræðimaður á Stofnun
Árna Magnússonar, doktorsritgerð sína Barokkmeistarinn. List og lærdómur í
verkum Hallgríms Péturssonar.
114