Create successful ePaper yourself
Turn your PDF publications into a flip-book with our unique Google optimized e-Paper software.
sóknaháskóla í fremstu röð. Við notum alþjóðlega viðurkenndar mælistikur til<br />
að meta árangur og gæði, m.a. fjölda alþjóðlega ritrýndra vísindagreina, fjölda<br />
doktorsnema og niðurstöður innlendra og alþjóðlegra gæðaúttekta á starfsemi<br />
skólans.<br />
En hvert er inntak slíkra markmiða? Af hverju skiptir máli fyrir íslenskt samfélag að<br />
byggja upp vísindaháskóla? Hvaða máli skiptir fjöldi doktorsnema fyrir samfélagið?<br />
Svarið liggur í tvíþættum megintilgangi háskólakennslu, vísindastarfa og rannsókna.<br />
Annars vegar er tilgangurinn leit að nýrri þekkingu sem samfélagið, stofnanir<br />
þess, fyrirtæki og einstaklingar geta fært sér í nyt með beinum hætti. Þannig<br />
verða til nýjar aðferðir til verklegra framkvæmda, nýir orkugjafar, ný efni til iðnaðar<br />
og ný þekking í félags-, sálar- og læknisfræðum sem eykur lífshamingju<br />
og dregur úr kvöl svo fátt eitt sé nefnt.<br />
Hins vegar er tilgangurinn að hækka almennt þekkingarstig samfélagsins<br />
þannig að það sé í heild betur í stakk búið að fást við breyttar kringumstæður<br />
og ný viðfangsefni. Dæmi um þetta er útrás íslenskra fyrirtækja á alþjóðlegan<br />
markað sem byggir að verulegu leyti á tæknikunnáttu og þekkingu á sviði fjármála-<br />
og viðskiptafræða, tungumálaþekkingu og menningarlæsi.<br />
Aðgengi að upplýsingum er nú meira en nokkru sinni fyrr fyrir tilstuðlan internets<br />
og alþjóðavæðingar. En aðgengi að upplýsingum er eitt – þekking er annað.<br />
Ný djúpstæð þekking byggir vissulega á upplýsingum en fæst einungis með því<br />
að setja upplýsingar í nýtt samhengi, með því að setja fram ögrandi tilgátur sem<br />
eru þrautprófaðar í öguðum og frjóum vísindarannsóknum.<br />
Þetta kemur til dæmis skýrt fram í vinnu doktorsnema. Þeir hafa valið sér ögrandi<br />
rannsóknarefni og leggja sjálfa sig að veði fyrir verkefnið. Þetta fólk er í<br />
raun að gera tvennt, afla nýrrar þekkingar og um leið að þróa með sér eðlisþætti<br />
á borð við ákafa, markmiðasækni og sjálfstæði og ögun í vinnubrögðum.<br />
Vísindamenn sem taka að sér að leiðbeina doktorsnemum þurfa sjálfir að uppfylla<br />
strangar gæðakröfur og samvinnan milli leiðbeinenda og nemenda eykur<br />
hæfni hvorra tveggja.<br />
Það sem af er liðið þessu haustmisseri hafa sjö doktorsefni varið ritgerðir sínar<br />
við Háskóla Íslands, þar af sex konur. Viðfangsefni þeirra hafa verið afar fjölbreytt<br />
– svarthol í himingeimnum; nýjar aðferðir við gæðamat á fiskmeti, ævi og<br />
ritstörf séra Hallgríms Péturssonar; þunganir unglingsstúlkna; tannáta og glerungseyðing<br />
í unglingum; ónæmisvarnir mannslíkamans og ónæmisvarnir í fósturþroskun<br />
fiska.<br />
Ágætu gestir!<br />
Háskóli er fyrst og fremst metinn á grundvelli þeirra rannsókna sem þar eru<br />
stundaðar og árangri nemendanna sem hann útskrifar. En þetta hvorutveggja<br />
byggir á því að skólinn hafi á að skipa framúrskarandi kennurum og starfsfólki,<br />
að sífelld endurnýjun kennsluefnis og kennsluhátta eigi sér stað og að skólinn<br />
sé ætíð vakandi fyrir spennandi nýjungum.<br />
Mig langar til að nefna nokkur dæmi um slíkar nýjungar sem um þessar mundir<br />
eru í bígerð eða komnar í framkvæmd við Háskóla Íslands – og þetta eru aðeins<br />
örfá dæmi:<br />
Meistaranám í íslenskum miðaldafræðum. Þetta nám er sérsniðið fyrir erlenda<br />
stúdenta og kennt á ensku.<br />
Meistaranám í lífverkfræði. Þar vinna fræðimenn á sviði læknisfræði og verkfræði<br />
að því að leita lausna sem stuðla að betri líðan sjúkra og fatlaðra.<br />
Meistaranám í lýðheilsu. Þar er auk hefðbundinna þátta lýðheilsu fjallað um útbreiðslu<br />
farsótta á borð við fuglaflensu og aðrar skæðar smitsóttir, og leiðir til<br />
forvarna.<br />
Þá er verið að leggja drög að kennslu í asískum fræðum, með sérstakri áherslu<br />
á Japan, Indland og Kína. Samstarfsaðili okkar í þessari þróunarvinnu er Háskólinn<br />
á Akureyri. Í vikunni sem leið kom vísindamálaráðherra Indlands í<br />
heimsókn til Háskóla Íslands þar sem meðal annars var rætt um þetta verkefni.<br />
267