36164_Árbók 2005 - Háskóli Íslands

Samkeppni um skipulag lóðar
Landspítala-háskólasjúkrahúss LSH
Rekstrar- og framkvæmdasvið hafði umsjón með þátttöku Háskólans í undirbúningi
að samkeppnislýsingu um uppbyggingu LSH-lóðarinnar. Samkeppnin fór
fram sumarið 2005 og voru niðurstöður kynntar 11. október. Allar heilbrigðisvísindadeildir
skólans áætluðu starfsemi sinna sviða til næstu 25 ára s.s. vísindastarfsemi,
nemendafjölda, þróun kennslu og þörf fyrir aðbúnað og samþættingu
sín á milli og við spítalann. Í samkeppnislýsingunni var gert ráð fyrir að allar
heilbrigðisvísindagreinar Háskólans flyttu á LSH-lóð þar sem væri að finna sjálfstætt
kennsluver fyrir grunngreinakennslu, tilraunaaðstöðu, aðstöðu fyrir nemendur
og kennara ásamt aðstöðu fyrir sameiginlega stoðþjónustu. Þá var í lýsingunni
gert ráð fyrir að kennsluaðstaða í klínískri kennslu samþættist inn í húsnæði
spítalastarfseminnar og að samnýtt yrðu ýmis rými fyrir bæði starfsemi spítalans
og háskólans.
Á árinu 2006 er áfram unnið að þarfagreiningu fyrir frumkostnaðaráætlun verkefnisins.
Ætlunin er að fyrsti áfangi byggingarframkvæmda á lóðinni hefjist í apríl
2008.
Náttúrufræðihúsið Askja
Unnið var að lokafrágangi og úttekt á framkvæmdinni með eftirliti.
Íþróttahús Háskóla Íslands
Línuhönnun lagði fram kostnaðaráætlun um að klæða íþróttahúsið að utan og
nemur hún um 40-45 milljónum króna. Endurnýjuð var kaffiaðstaða umsjónarmanna
íþróttahússins og eldhúsinnrétting sett upp. Unnin var stefnumótun fyrir
íþróttahúsið til næstu fimm ára. Skilgreint var formlegt hlutverk íþróttahúss Háskólans,
styrkleikar og veikleikar íþróttahússins/starfseminnar, tækifæri til þróunar
og breytinga á starfseminni og fyrir hverja íþróttahúsið eigi að vera – viðskiptavinir.
Vísindagarðar
Þorvarður Elíasson gegndi starfi framkvæmdastjóra Vísindagarða Háskóla Íslands
á árinu. Rætt var við ýmsa aðila um hugsanlegan flutning á svæðið. Þá var
gengið frá ýmsum atriðum er snúa að fyrirkomulagi um uppbyggingu svæðisins.
Helstu endurbætur á húsnæði
Árlega er unnið að fjölmörgum viðhaldsverkefnum í hinum ýmsu byggingum
skólans. Sem dæmi má nefna fyrirhugaðar endurbætur á ytra byrði íþróttahússins
sem munu standa yfir árið 2005-2006 og endurnýjun á salernum og gólfefnum
í Aðalbyggingu Háskóla Íslands.
Innleiðing upplýsingakerfa
Áfram verður haldið í innleiðingu fjárhags-, mannauðs og launakerfis Oracle E-
business suite. Innleiðingu launakerfis lauk í janúar 2005 og mannauðshluti kerfisins
verður tekinn í notkun á fyrri hluta ársins 2006. Þá verður unnið að endurbótum
á upplýsingagjöf og skýrslugerð úr kerfinu.
Fjárreiður og rekstur
Starfsemi fjárreiðusviðs
Helstu verkefni fjárreiðusviðs eru áætlanagerð, fjárvarsla, innkaup, launaafgreiðsla
og reikningshald. Þá vinnur sviðið með fjármálanefnd og samráðsnefnd
um kjaramál. Sú breyting varð í upphafi árs 2005 að upplýsingaskrifstofa sameinaðist
rektorsskrifstofu.
Eyrún Linda Magnúsdóttir, viðskiptafræðingur, lét af störfum á árinu og í hennar
stað kom Jón Magnús Sigurðarson, hagfræðingur. Ráðinn var nýr starfsmaður í
reikningshald, Auður Þórhildur Ingólfsdóttir, viðskiptafræðingur. Birna Björnsdóttir,
fulltrúi, tók við nýju starfi á upplýsingaskrifstofu og í hennar stað kom Jóhanna
Linda Hauksdóttir.
Leitað var sérstaklega tilboða í öll stærri innkaup og má þar nefna kaup á 130
tölvumr fyrir tölvuver og 20 tölvum og skjávarpa fyrir kennslustofur. Hagstæð
tilboð fengust í öllum tilvikum. Fundað var með Ríkiskaupum um útboð á rafrænum
viðskiptum og svokallað rafrænt markaðstorg RM var í notkun við inn-
77