36164_Árbók 2005 - Háskóli Íslands

Sjúkraþjálfunarskor
Stjórn og starfsfólk
Árið 2005 störfuðu sjö fastráðnir kennarar við skorina, þrír dósentar í 100% stöðu,
og fjórir lektorar, tveir í 100% stöðu og tveir í 50% stöðu. Árni Árnason gegndi skorarformennsku.
Eitt 100% stöðugildi var við stjórnsýslu skorarinnar. Fyrri hluta árs
gegndi Rósa G. Bergþórsdóttir því starfi en síðari hluta árs tók Ásta Guðjónsdóttir
við starfinu. Skorarstjórn er skipuð öllum fastráðnum kennurum skorarinnar auk
þriggja fulltrúa nemenda. Deildarforseti, Stefán B. Sigurðsson, er áheyrnarfulltrúi
á skorarfundum.
Kennsla
Inntökupróf voru haldin dagana 20. og 21. júní og voru teknir inn 20 nemendur á
fyrsta ár. Áfram var haldið með endurskipulagningu námsins og haustið 2005 var
kennt eftir nýju skipulagi á öllum fjórum árunum. Í endurskoðuðu skipulagi eru
mismunandi fræðigreinar samþættar betur en áður sem jafnframt gefur aukna
möguleika á verkefnalausnanámi, sameiginlegum verkefnum í mismunandi
greinum og öðrum nýjungum í kennsluháttum. Kynning á BS-verkefnum brautskráningarkandídata
fór fram 18. maí og kynntu 19 nemendur 11 verkefni.
Stúdentaskipti
Árið 2005 stunduðu 4 erlendir nemendur nám við skorina, en enginn íslenskur
nemandi fór utan til náms við erlenda háskóla.
Rannsóknir
Með tilkomu Rannsóknastofu í hreyfivísindum sem staðsett er í húsnæði sjúkraþjálfunarskorar
hefur aðstaða til rannsókna batnað verulega. Árið 2005 hafa
kennarar sjúkraþjálfunarskorar m.a. stundað rannsóknir á hreyfingu og þreki
barna. Kennarar hafa auk þess leiðbeint þremur MSc nemum. Rannsóknastofan
hefur einnig verið notuð í BS rannsóknum og verkefnum nema, svo og til
kennslu. Rannsóknastofa í hreyfivísindum stóð einnig fyrir nokkrum fyrirlestrum
á árinu.
Kynningarstarf
Nemendur og kennarar unnu saman að því að kynna nám í sjúkraþjálfun á
námskynningu í febrúar. Einnig tóku nemendur að sér að fara í nokkra framhaldsskóla
þar sem námið og skorin voru kynnt. Prentaður var bæklingur um nám og starf í
sjúkraþjálfun sem dreift var á kynningum.
Skráðir og brautskráðir stúdentar í sjúkraþjálfunarskor 2003-2005
2003 2004 2005
karlar konur alls karlar konur alls karlar konur alls
Skráðir stúdentar 24 83 107 17 57 74 21 59 80
Brautskráðir
Sjúkraþjálfun 5 10 15 4 10 14 4 15 19
Tölur um skráða stúdenta miðast við janúar árið eftir, þ.e. mitt námsárið.
Lífeðlisfræðistofnun
Stjórn og starfsmenn
Lífeðlisfræðistofnun Háskóla Íslands sem tilheyrir læknadeild, var komið á fót árið
1995 með reglugerð og tók þá við hlutverki Rannsóknastofu í lífeðlisfræði sem
starfrækt hafði verið í þrjá áratugi. Stofnunin er til húsa í Læknagarði, en aðstaða
fyrir áreynslulífeðlisfræði er í Skógarhlíð og er rekin þar í samvinnu við sjúkraþjálfunarskor.
Forstöðumaður stofnunarinnar er Jón Ólafur Skarphéðinsson,
prófessor. Stjórn stofnunarinnar að öðru leyti skipa fastráðnir kennarar og sérfræðingar
stofnunarinnar auk fulltrúa annarra starfsmanna og fulltrúa nemenda.
Starfsmenn stofnunarinnar árið 2005 voru prófessorarnir Stefán B. Sigurðsson og
145