Create successful ePaper yourself
Turn your PDF publications into a flip-book with our unique Google optimized e-Paper software.
aldursgreiningu setmyndana gosmyndana frá tertíer og kvarter. Loftslagsbreytingar<br />
eru í brennidepli á þessu rannsóknarsviði og tengsl þeirra við hafstrauma<br />
og veðurfar. Í íslenskum jarðlögum, bæði á landi og í sjó, geymast upplýsingar<br />
um sögu úthafshryggja, eldvirkni, höggun, þróun setlagadælda og loftslagsbreytingar<br />
við Norður-Atlantshaf.<br />
Meginrannsóknarefni faghóps í ísaldarjarðfræði og setlagafræði við Jarðvísindastofnun<br />
Háskólans er loftslagsbreytingar í tíma og rúmi: hafstraumar, veðurfar,<br />
jöklar, setlög, jarðvegur og lífríki. Helstu verkefni og áhersluþættir innan þessa<br />
ramma eru:<br />
• Rannsóknir á setmyndun jökla með sérstöku tilliti til jöklabreytinga á mismunandi<br />
tímakvörðum, allt frá ári til árs og til jökulskeiða og hlýskeiða.<br />
• Rannsóknir á þýðingu jökla og eldvirkni fyrir ásýndir setlaga.<br />
• Rannsóknir á sjávarstöðubreytingum í tengslum við loftslagsbreytingar með<br />
sérstöku tilliti til jöklabreytinga.<br />
• Svörun umhverfisþátta í íslenska vistkerfinu við veðurfars- og loftslagsbreytingum<br />
bæði í sjó, á landi og í stöðuvötnum.<br />
• Breytingar á lífríki á sjó og landi með hliðsjón af loftslagsbreytingum og vaxandi<br />
fjarlægð Íslands og einangrun frá meginlöndum austan hafs og vestan.<br />
• Breytingar á hafstraumum við Ísland og í Norðurhöfum og þáttur þessara<br />
breytinga í varmaflutningi frá suðlægum breiddargráðum til Norður-Evrópu<br />
og einnig breytingar á útrás Norður-Íshafsins til suðurs meðfram Grænlandi<br />
og Íslandi.<br />
• Útvíkkun gjóskulagatímatals í jarðvegi og vatnaseti á Íslandi út í hafsbotnslög<br />
við Norður-Atlantshaf og tímasetning og tenging á umhverfisgögnum frá hafi,<br />
landi og jöklum.<br />
• Sandfok, jarðvegseyðing og uppgræðsla svo og tengsl búsetu, landsnytja og<br />
umhverfisbreytinga á Íslandi.<br />
Berg- og bergefnafræði<br />
Berg- og bergefnafræðingar Jarðvísindastofnunar HÍ fást við verkefni sem tengjast<br />
uppruna og þróun storkubergs, svo og hraða þessara ferla, sérstaklega á Íslandi.<br />
Meðal rannsóknarverkefna ársins má telja:<br />
• Greining reikulla efna (H2O, CO2, S) í bergi og leysni þeirra í bergkviku sem<br />
fall af þrýstingi, hita, efnasamsetningu, oxunarstigi og brennisteinsvirkni.<br />
• Glerinnlyksur í kristöllum.<br />
• Bergefnafræði heilla svæða og samband bergfræði og tektónískra þátta.<br />
Hlutur mismunandi ástands eða ferla – misleitni í möttli, bráðnunar og þáttunar<br />
við mismunandi þrýsting, hvörf bráðar við skorpuna – í myndun ýmissa<br />
bergtegunda.<br />
• Bergfræði og jarðefnafræði Þjórsárhrauna með tilliti til framandsteinda.<br />
• Beiting geislavirkni-ójafnvægisferla til að aldursgreina ung (10.000-250.000<br />
ára) hraun og meta hraða ýmissa bergfræðilegra ferla.<br />
• Steindafræði (einkum oxíða og súlfíða) og samband oxunarstigs og segulmögnunar<br />
í basalti á Íslandi og Mars.<br />
• Efnasamsetning og uppruni súlfíða í jarðhitasvæði Kröflu.<br />
• Strontíumsamsætur í jarðhitaummynduðu bergi.<br />
• Járnsamsætur í íslensku bergi.<br />
• Rannsóknir á uppruna og þróun bergkviku í Hofsjökulseldstöðinni, Kerlingarfjöllum,<br />
Vestmannaeyjum, Öskju og Esjufjöllum.<br />
• Rannsóknir á breyttu efnainnihaldi í borholuvatni frá Húsavík á undan<br />
skjálftavirkni.<br />
• Samsætugreiningar á bergi frá Öskju.<br />
• Frumrannsókn á lithium-samsætum í bergi frá Norður-Atlantshafi.<br />
• Samsætugreiningar í djúpvatni frá Reykjanesi.<br />
• Myndun og útbreiðsla Selsundsvikursins.<br />
• Háloftadreifing efnamengunar frá Heklu 2000.<br />
• Rannsóknir á Reykjaneshryggnum frá landi að 62° N.<br />
• Orsakir basískrar sprengivirkni og myndun basískra gjóskuflóða í Heklu og<br />
Llaima og Villarrica í Chile.<br />
• Hegðun kvikuhólfs undir Kötlu á nútíma.<br />
• Aldur og uppruni súra bergsins frá tertíer.<br />
• Þáttur vatns í tætingu kviku í Öræfajökulsgosinu 1362.<br />
• Eðli sprengivirkni í gervigígum og afgösun hrauna.<br />
• Búrfellshraun, efna- og varmafræðilegir eiginleikar og upphleðsla þanhrauns.<br />
• Rennsliseiginleikar hrauna á Reykjanesi og Hengli út frá efnasamsetningu og<br />
gerð hermilíkana.<br />
165