36164_Árbók 2005 - Háskóli Íslands

[7] M. Fauvel, J. Chanussot, and J.A. Benediktsson, Fusion of Methods for the
Classification of Remote Sensing Images from Urban Areas, IEEE International
Geoscience and Remote Sensing Symposium (IG
+ARSS’05), Seoul, Korea, 25–29 July 2005.
Kerfisverkfræðistofa
Starfsmenn
Anna Soffía Hauksdóttir, prófessor í rafmagns- og tölvuverkfræði.
Ebba Þóra Hvannberg, dósent í tölvunarfræði.
Meistaranemendur: Helgi Þorgilsson, Bergþór Ævarsson, Yayoi Shimamura.
Jóhann Möller, Sigurbjörg Gróa Vilbergsdóttir og Gyða Atladóttir.
Doktorsnemandi: Gísli Herjólfsson.
Gestanemendur: Martin Vitek, doktorsnemandi og My Appelgren, meistaranemandi.
Rannsóknir og verkefni
Rannsóknasvið Kerfisverkfræðistofu eru ýmiss konar kerfisverkfræði, þ.m.t.
stýrifræði og hugbúnaðarfræði. Kerfisverkfræðistofa þróaði sjálfvirkt tilkynningakerfi
fyrir skipaflotann í samvinnu við Slysavarnafélagið. Sama kerfi var einnig útfært
fyrir flugvélar og landfarartæki. Samvinna við Flugmálastjórn hefur verið
mikil í gegnum tíðina, m.a. upprunaleg þróun ratsjárgagnavinnslukerfis Flugmálastjórnar.
Ennfremur voru þróuð líkön af skekkjum ratsjáa með tilliti til framsetningar
á fjölratsjárgögnum. Hagkvæmnisathuganir voru gerðar fyrir ratsjár á
Hornafirði og á Grænlandi ásamt athugun á fjarskiptakostnaði við sjálfvirkt staðsetningareftirlit
flugvéla.
Beiting herma til þess að líkja eftir hegðun kvikra kerfa hefur verið umfangsmikið
svið við stofuna. Samvinna var við Hitaveitu Reykjavíkur (Orkuveitu Reykjavíkur)
og Rafhönnun um gerð hermis af Nesjavallavirkjun. Þróaður var flugumferðarhermir
og ratsjárgagnavinnsluhermir í samvinnu við Flugmálastjórn Íslands,
Integra Consult og Flugmálastjórn Tékklands. Einnig var þróaður hermir af járnblendiofnum
í samvinnu við Íslenska járnblendifélagið.
Rannsóknasjóður HÍ hefur styrkt fræðilegar rannsóknir á sviði línulegra kerfa
sem unnið er að innan Kerfisverkfræðistofu. Settar hafa verið fram lausnir á almennum
diffurjöfnum á lokuðu formi, sem gefa mikla möguleika til greiningar og
hönnunar stýrikerfa, sem og á öðrum sviðum verkfræði og raungreina. Á undanförnum
árum hefur stofan tekið þátt í rannsóknarverkefnum í samvinnu við innlend
og evrópsk fyrirtæki á sviði upplýsingatækni og fjarskipta. Má þar einkum
nefna fjarþjónustu ýmiss konar sem dreift er til notenda yfir hraðvirkt net, t.d.
gagnvirkt sjónvarp og fjarkennslu. Einnig hefur verið lögð áhersla á rannsóknir á
endurbótum í hugbúnaðargerð og nytsemi kerfa.
Verkefni stofunnar árið 2005 voru:
• Verkefni á sviði línulegra kerfa styrkt af Rannsóknasjóði HÍ.
• Elena: Smart space for learning, í samvinnu við Símann og styrkt af fimmtu
rammaáætlun Evrópusambandsins.
• Future Oceanic Air Traffic Controller Workstation, unnið í samtarfi við Flugmálastjórn,
Flugkerfi hf og MIT.
• Mause, Maturity of Usability Evaluation, er samstarfsnet vísindamanna frá 20
löndum, sem er styrkt af COST, European Science Foundation. Rannís styrkir
hinn íslenska rannsóknarhluta.
Fastir kennarar sem hafa starfsaðstöðu við Kerfisverkfræðistofu eru Ebba Þóra
Hvannberg, dósent í tölvunarfræði og Anna Soffía Hauksdóttir, prófessor í rafmagns-
og tölvuverkfræði.
Meistaraverkefni og doktorsverkefni eru unnin innan Kerfisverkfræðistofu í
tengslum við ofangreind rannsóknaviðfangsefni í samstarfi við stofnanir og fyrirtæki.
Fimm meistaranemar og 2 doktorsnemar höfðu vinnuaðstöðu á Kerfisverkfræðistofu
á árinu 2005. Sex meistaranemar luku meistaraprófi á árinu. Lögð er
183