You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Árið <strong>2005</strong> stunduðu sex nemendur meistaranámið og einn þeirra lauk því á árinu.<br />
Hafa þá 18 nemendur útskrifast með meistarapróf í sjávarútvegsfræðum.<br />
Auk forstöðumanns og skrifstofustjóra unnu 14 verkefnaráðnir starfsmenn að<br />
rannsóknum á vegum stofnunarinnar á árinu.<br />
Viðamesta verksvið Sjávarútvegsstofnunar eru rannsóknir. Hefur stofnunin haft<br />
forgöngu um ýmis rannsóknarverkefni varðandi sjávarútveg og stýrir einatt verkefnum<br />
sem hún á aðild að. Hér er gerð grein fyrir helstu rannsóknarverkefnum á<br />
árinu <strong>2005</strong>.<br />
Veiðigrunnur<br />
Fram var haldið þróun hugbúnaðar til notkunar í fiskiskipum, sem heldur utan<br />
um upplýsingar um veiðarnar, svo sem veiðiaðferðir, umhverfisaðstæður og afla.<br />
Þannig geta skipstjóri og útgerð valið upplýsingar í gagnagrunn um veiðar skipsins.<br />
Hluti búnaðarins er fyrirspurnakerfi þar sem hægt er að kalla fram í smáatriðum<br />
veiðisögu og aflasamsetningu úr hverri veiðiferð skipsins. Upplýsingarnar<br />
má setja fram með ýmsum hætti, t.d. skoða á hvaða stöðum eða við hvaða aðstæður<br />
veiðin hefur gengið best, bera saman veiðiferðir eða fá yfirlit yfir ákveðin<br />
tímabil. Hægt verður að bera saman árangur veiða með mismunandi veiðarfærum<br />
eða fá yfirlit yfir sambandið á milli togtíma og afla o.s.frv. Niðurstöður fyrirspurnanna<br />
birtast án tafar á myndrænan og auðskiljanlegan hátt. Þessi búnaður<br />
getur einnig þjónað sem rafræn afladagbók, þar sem Fiskistofa og Hafrannsóknastofnunin<br />
óska eftir hluta þeirra upplýsinga sem safnað er. Hugbúnaðurinn getur<br />
valið þær sjálfvirkt og sent rafrænt. Þetta auðveldar skýrslugjöf skipstjórnenda og<br />
stórbætir gæði og skil gagna. Að veiðigrunninum stendur Radíómiðun hf. í samstarfi<br />
við Sjávarútvegsstofnun HÍ og Fiskistofu. Verkefnisstjóri er Kristján Gíslason.<br />
Secure and Harmonized European Electronic Logbooks<br />
(SHEEL)<br />
Í ársbyrjun 2004 var hleypt af stokkunum stóru evrópsku samstarfsverkefni,<br />
SHEEL, sem ætlað er að undirbúa reglugerð ESB um rafrænar afladagbækur fyrir<br />
evrópska fiskiskipaflotann. Um 30 aðilar eiga beina aðild að verkefninu og stýrir<br />
Sjávarútvegsstofnun veigamesta þætti verkefnisins sem fjallar um skilgreiningu<br />
afladagbókanna, innihald þeirra, form, tíðni boða, öryggiskröfur, samskiptatækni<br />
o.s.frv.<br />
Var þetta viðamesta verkefni stofnunarinnar á árinu og starfaði Þorsteinn Helgi<br />
Steinarsson, verkfræðingur, að verkefninu. Skilgreiningarnar voru kynntar á fundum<br />
með samstarfsaðilum í Sevilla á Spáni í janúar og aftur í Gautaborg í júní<br />
<strong>2005</strong>. Stofnunin skilaði síðan lokaskýrslu um skilgreiningarnar SHEEL-System<br />
Specifications í árslok <strong>2005</strong>. Guðrún Pétursdóttir hefur stýrt verkþættinum um<br />
skilgreiningar og á sæti í þriggja manna yfirstjórn SHEEL.<br />
Information database for Managers in Fisheries<br />
Unnið var að þróun hugbúnaðar fyrir skipsstjórnendur og fiskvinnslu í Færeyjum.<br />
Það er unnið í samvinnu við Radíómiðun hf. og ComData í Færeyjum með tilstyrk<br />
NORA. Verkefnisstjóri er Guðrún Pétursdóttir.<br />
Vinnsluspá þorskafla<br />
Sjávarútvegsstofnun á aðild að verkefni sem styrkt er af Rannís og fjallar um<br />
skilgreiningu á sambandi veiðistaðar og tíma annars vegar og gæða aflans hins<br />
vegar, einkum varðandi nýtingu, holdastuðul, orma, mar og los í fiski.<br />
Verkefnið felur í sér rannsóknar- og þróunarvinnu sem hefur það langtímamarkmið<br />
að auka arðsemi þorskvinnslu með því að rannsaka og þróa aðferðir til að<br />
meta vinnslugæði fisksins. Niðurstöðurnar má nota til að styrkja vinnslustjórn og<br />
auðvelda ákvarðanatöku um val veiðisvæða sem gefa besta fiskinn til vinnslu á<br />
hverjum tíma. Sveinn Margeirsson, verkfræðingur, vinnur nú að doktorsverkefni<br />
sínu við þetta verkefni. Verkefnið er unnið í samvinnu Háskóla Íslands, Rannsóknastofnun<br />
fiskiðnaðarins og útgerðarfélagið Samherja. Verkefnisstjóri er Sigurjón<br />
Arason.<br />
Sherem<br />
Sherem er rannsóknar- og þróunarverkefni í samstarfi við Nýherja, Samherja og<br />
fleiri útgerðarfyrirtækja og fjallar um að finna lausnir til að koma á ytri rekjanleika<br />
í sjávarútvegi þar sem vörur fara gegnum marga hlekki í keðjunni frá veiðum<br />
til neyslu. Verkefnið er stutt af Rannís, en verkefnisstjóri er Viktor Vigfússon.<br />
222