You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Lyfjafræðideild og<br />
fræðasvið hennar<br />
Almennt yfirlit og stjórn<br />
Í lyfjafræðideild eru stundaðar rannsóknir, kennsla, fræðsla og þjónusta. Starfsemi<br />
deildarinnar hefur miðað að því að sinna þessum fjórum þáttum en aðaláherslan<br />
er lögð á kennslu og rannsóknir í lyfjafræði. Við deildina eru menntaðir<br />
lyfjafræðingar en markmið háskólanáms í lyfjafræði er að nemendur séu að námi<br />
loknu hæfir til að stunda öll almenn lyfjafræðistörf; í lyfjabúðum, við lyfjagerð, í<br />
lyfjaiðnaði og lyfjaheildverslunum, á sjúkrahúsum og við rannsóknir.<br />
Á árinu <strong>2005</strong> störfuðu hjá lyfjafræðideild 4 prófessorar, 3 dósentar og 3 lektorar í<br />
7,67 stöðugildum, en auk þess níu aðjúnktar og 33 stundakennarar, auk skrifstofustjóra<br />
og eins aðstoðarmanns á rannsóknastofum. Vegna stöðugrar fjölgunar<br />
nemenda er þörf á að fjölga fastráðnum kennurum við deildina. Deildarforseti<br />
var Þorsteinn Loftsson, prófessor. Varadeildarforseti fram til 1. júlí var Kristín<br />
Ingólfsdóttir, prófessor, en þá tók Elín Soffía Ólafsdóttir, prófessor, við starfi varadeildarforseta.<br />
Sveinbjörn Gizurarson var í 20% stöðu prófessors á árinu. Þórunn Ósk Þorgeirsdóttir<br />
var ráðin í tímabundna stöðu lektors í lyfjagerðarfræði frá 1. maí en hún lét<br />
af störfum hinn 31. desember. Í mars var Kristín Ingólfsdóttir, prófessor kosin<br />
rektor Háskóla Íslands og tók hún við störfum rektors þann 1. júlí. Frá sama tíma<br />
fór Kristín í leyfi frá lyfjafræðideild. Í hennar stað var Sesselja Sigurborg Ómarsdóttir<br />
ráðin í stöðu lektors í lyfja- og efnafræði náttúruefna frá 1. september til 30.<br />
júní 2010. Við lok ársins hlutu Már Másson og Elín Soffía Ólafsdóttir framgang úr<br />
stöðu dósents í stöðu prófessors.<br />
Kennslumál<br />
Haustið 2004 var ákveðið að skipta lyfjafræðináminu (pharmacy) í BS hluta (90e)<br />
og MS hluta (60e) í samræmi við Bologna samkomulagið, og fylgja þeir nemendur<br />
sem hófu nám við deildina haustið <strong>2005</strong> þessu námsfyrirkomulagi. Að loknu tveggja<br />
ára meistaranámi í lyfjafræði (MS námi) munu nemendur geta sótt um starfsleyfi<br />
lyfjafræðings til heilbrigðis- og tryggingamálaráðuneytisins. Þannig samsvarar<br />
tveggja ára meistaranám í lyfjafræði, að afloknu BS námi, kandídatsnámi í<br />
lyfjafræði. Við lyfjafræðideild er einnig boðið upp á 60 eininga MS nám í lyfjavísindum<br />
(pharmaceutical sciences) fyrir þá sem hafa lokið BS prófi í efnafræði, lífefnafræði,<br />
líffræði, lyfjafræði eða skyldum greinum. Að loknu MS námi býður<br />
lyfjafræðideild upp á þriggja ára doktorsnám (Ph.D.) sem er 90 eininga nám.<br />
Við árslok <strong>2005</strong> voru 148 nemendur innritaðir í nám í lyfjafræðideild og er það<br />
fjölgun frá fyrra ári. Árið <strong>2005</strong> stunduðu átta nemendur framhaldsnám við deildina;<br />
fimm doktorsnám og þrír meistaranám. Fjórir erlendir skiptinemar voru<br />
við nám við deildina á árinu og nokkrir íslenskir lyfjafræðinemar nýttu sér Nord-<br />
Plus- og Erasmus-styrki og tóku hluta af námi sínu við evrópska háskóla.<br />
Rannsóknir<br />
Mikil áhersla er lögð á rannsóknir og góður árangur á því sviðið einkennir starf<br />
deildarinnar. Allir fastráðnir kennara eru virkir í rannsóknum. Fjöldi birtinga í ISI<br />
tímaritum er almennt viðurkenndur mælikvarði á rannsóknarvirkni. Fyrsta greinin<br />
í ISI gagnagrunninum með kennara deildarinnar sem höfund var skráð 1980.<br />
Árin 1994 til <strong>2005</strong> voru greinar lyfjafræðideildar 7,2±1,5% (meðaltal ± SD) af öllum<br />
greinum birtum í nafni Háskóla Íslands. Birtingatíðni var á þessu sama tímabili<br />
um 1,8 grein per fastráðinn kennara. Til samanburðar var birtingatíðni kennara<br />
við lyfjafræðiháskóla í Bandaríkjunum að meðaltali 0,6 grein per kennara árið<br />
1997.<br />
Fjárveitingar og útgjöld lyfjafræðideildar<br />
2003-<strong>2005</strong> (þús. kr.).<br />
2003 2004 <strong>2005</strong><br />
Útgjöld (nettó) 58.871 68.365 64.916<br />
Fjárveiting 57.809 57.903 64.911<br />
138