36164_Árbók 2005 - Háskóli Íslands

Rannsóknastofnanir
í tengslum við
Háskólann
Alþjóðamálastofnun Háskóla
Íslands og Rannsóknasetur
um smáríki
Alþjóðamálastofnun
Alþjóðamálastofnun Háskóla Íslands er rannsókna-, fræðslu- og þjónustustofnun
og er vettvangur fyrir þverfaglegt samstarf í alþjóðamálum. Ásamt Háskóla Íslands
standa utanríkisráðuneytið, Samtök iðnaðarins og Samtök atvinnulífsins
formlega að Alþjóðamálastofnun. Stofnunin á auk þess í samstarfi við fjölda erlendra
og innlendra fræðimanna og stúdenta. Alþjóðamálastofnun hefur verið
starfrækt við Háskóla Íslands frá árinu 1990 en var endurskipulögð árið 2002 og
hefur í kjölfarið staðið fyrir fjölbreyttum rannsóknum, útgáfustarfsemi, ráðstefnum,
málstofum og fyrirlestrum. Helstu rannsóknasvið eru íslensk utanríkismál,
Evrópumál og öryggis- og varnarmál. Sjá nánar vefsíðu: (htttp://www.hi.is/ams/)
Rannsóknasetur um smáríki
Rannsóknasetur um smáríki er faglega sjálfstæð eining sem starfar undir hatti
Alþjóðamálastofnunar Háskóla Íslands og deilir stjórn og forstöðumanni með
stofnuninni. Rannsóknasetrið var stofnað árið 2002 að frumkvæði Baldurs Þórhallssonar,
dósents í stjórnmálafræði, og hefur sett mark sitt á háskólasamfélagið
frá upphafi með fjölbreyttu starfi. Meginmarkmið setursins er að auka rannsóknir
og kennslu í smáríkjafræðum (small state studies). Rannsóknasetrið
stendur fyrir fjölbreyttum rannsóknum, ráðstefnum, málstofum og kennslu um
smáríki og heldur úti öflugri ritröð um rannsóknir í smáríkjafræðum. Setrið hefur
þegar skapað sér sess sem ein aðalmiðstöð smáríkjarannsókna í heiminum í dag
og hefur hlotið fjölda styrkja frá innlendum og erlendum rannsóknasjóðum. Sjá
nánar vefsíðu: http://www.hi.is/ams/
Stjórn og starfslið
Rektor HÍ skipaði nýja stjórn Alþjóðamálastofnunar og Rannsóknaseturs um
smáríki haustið 2005. Í stjórninni sitja:
• Baldur Þórhallsson, dósent í stjórnmálafræði við HÍ, sem jafnframt er stjórnarformaður.
• Valur Ingimundarson, dósent í sagnfræði við HÍ, sem jafnframt er varaformaður.
• Aðalheiður Jóhannsdóttir, dósent í lögfræði við HÍ.
• Alyson J.K. Bailes, forstöðumaður SIPRI, Stockholm International Peace Reasearch
Institute í Svíþjóð.
• Anders Wivel, dósent í stjórnmálafræði við Kaupmannahafnarháskóla.
• Christine Ingebritsen, prófessor í stjórnmálafræði við háskólann í Washington.
• Clive Archer, prófessor í Evrópufræðum við Metropolitanháskólann í
Manchester.
• Gunnar Pálsson, skrifstofustjóri í Utanríkisráðuneytinu.
• Gústaf Adolf Skúlason, forstöðumaður hjá Samtökum atvinnulífsins.
• Kristín Loftsdóttir, dósent í mannfræði við HÍ.
• Kristrún Heimisdóttir, lögfræðingur hjá Samtökum iðnaðarins.
Fastráðinn forstöðumaður er Ásthildur E. Bernharðsdóttir sem dvelur í rannsóknarleyfi
í Bandaríkjunum þar til í september 2006. Brynhildur Ólafsdóttir veitir
stofnununum forstöðu í fjarveru Ásthildar.
193