36164_Árbók 2005 - Háskóli Íslands

Boðið var upp á fjarnám í framhaldsnámi í opinberri stjórnsýslu í samvinnu við
Kennslumiðstöð HÍ og geta nemendur lokið 15 eininga diplómanámi með því
móti.
Þá bauð deildin nemendum upp á 2ja kvölda námskeið um gerð lokaritgerða.
Þátttaka var nemendum að kostnaðarlausu og námskeiðin voru haldin í febrúar
og september.
Kynningarmál
Deildin hefur gefið út kynningarbæklinga um allar námsgreinar í deildinni ásamt
veggspjöldum og glærukynningu. Sérstök handbók er einnig gefin út fyrir nemendur
í framhaldsnámi. Deildin tók einnig þátt í námskynningu HÍ 27. febrúar
ásamt öðrum deildum Háskólans.
Þá voru haldnar sérstakar námskynningar í Odda fyrir stúdentsefni úr framhaldsskólum.
Nemendur úr félagsvísindadeild fóru einnig í framhaldsskóla á höfuðborgarsvæðinu
með glærukynningu og dreifðu veggspjöldum og bæklingum.
Félagsvísindadeild bauð skólameisturum, varaskólameisturum og námsráðgjöfum
framhaldsskóla á landinu til fundar föstudaginn 22. apríl. Í ljósi þeirra breytinga
sem voru fyrirhugaðar á lögum um framhaldsskóla taldi deildin brýnt að
hefja umræður um hvernig best væri að styrkja tengsl hennar við framhaldskólana.
Á fundinum voru kynntar námsgreinar í deildinni og fjallað um hvaða undirbúning
deildin telur æskilegan fyrir nám í deildinni.
Föstudaginn 11. mars var opnað nýtt vefsetur í fötlunarfræðum við Háskóla Íslands.
Árni Magnússon, félagsmálaráðherra, og Ólöf Inga Halldórsdóttir, ung
hreyfihömluð kona og nýútskrifaður grunnskólakennari, opnuðu vefsetrið formlega
og fór athöfnin fram í Norræna húsinu. Vefsetur í fötlunarfræðum
(http://www.fotlunarfraedi.hi.is) er hið fyrsta sinnar tegundar hér á landi og er
starfrækt í tengslum við framhaldsnám í fötlunarfræði við félagsvísindadeild Háskóla
Íslands.
Rannsóknir
Kennarar í félagsvísindadeild hafa á undanförnum árum verið afkastamiklir við
rannsóknir og ritstörf. Rannsóknir þeirra hafa birst í sérstökum bókum, í íslenskum
og alþjóðlegum fræðitímaritum og safnverkum.
Á árinu vann stofnunin ýmis verkefni fyrir opinberar stofnanir og einkaaðila.
Reksturinn gekk vel og var hagnaður af honum í árslok.
Við deildina starfar Félagsvísindastofnun sem hefur það markmið að auka tengsl
Háskólans við atvinnulífið og efla jafnframt fræðilegar rannsóknir í félagsvísindum.
Stjórn stofnunar skipuðu: Friðrik H. Jónsson, Ólafur Þ. Harðarson, Indriði Indriðason,
Ágústa Pálsdóttir, Guðný Björk Eydal, Sigrún Aðalbjarnardóttir, Gísli Pálsson,
Stefán Ólafsson og Kristjana Stella Blöndal.
Starfsmenn á árinu 2005 voru: Andrea Gerður Dofradóttir, verkefnastjóri, Einar
Mar Þórðarson, verkefnastjóri, Eva Heiða Önnudóttir, verkefnastjóri, Guðlaug Júlía
Sturludóttir verkefnastjóri, Heiður Hrund Jónsdóttir, verkefnastjóri, Hildur Svavarsdóttir,
verkefnastjóri (lét af störfum í september), Kristín Erla Harðardóttir
verkefnastjóri, Kristjana Stella Blöndal, verkefnastjóri og Pétur Maack Þorsteinsson
(lét af störfum í júní).
Rannsóknastofa um vinnuvernd, Rannsóknastofa um þróun menntamála, Rannsóknastofa
um þjóðmál, Rannsóknastofa um fjölmiðlarannsóknir, Rannsóknarsetur
í fötlunarfræði, Mannfræðistofnun og Rannsóknarsetur í barna- og fjölskylduvernd
starfa innan vébanda Félagsvísindastofnunar skv. 1. mgr. reglna um
Félagsvísindastofnun.
Friðrik H. Jónsson, dósent í sálfræði, var forstöðumaður stofnunarinnar.
Félagsvísindadeild á aðild að Alþjóðamálastofnun og hýsir hana, Rannsóknastofu
í kvenna- og kynjafræðum. Deildin átti aðild að Sjávarútvegsstofnun og Umhverfisstofnun.
Þær stofnanir voru sameinaðar í Stofnun Sæmundar fróða árið 2005 og
deildin á nú aðild að henni.
95