36164_Árbók 2005 - Háskóli Íslands

Stúdentaskipti Háskóla Íslands
Gagnkvæm stúdentaskipti eru umfangsmikill þáttur í alþjóðasamstarfi HÍ og í
starfi því sem fram fer á Alþjóðaskrifstofunni. Stúdentar HÍ sem hyggjast fara utan
sem skiptistúdentar fá upplýsingar um þá möguleika sem þeim standa til
boða varðandi stúdentaskipti á Alþjóðaskrifstofunni - Upplýsingastofu um nám
erlendis. Umsóknum skila þeir á Alþjóðaskrifstofuna og sjá starfsmenn skrifstofunnar
um að koma samþykktum umsóknum til réttra aðila erlendis. Starfsmenn
skrifstofunnar héldu á árinu fjölmarga kynningarfundi um stúdentaskipti með
stúdentum í einstökum deildum og einnig í húsakynnum skrifstofunnar að Neshaga
16. Árlega stendur Alþjóðaskrifstofan ásamt fleirum fyrir alþjóðadegi, en
megin tilgangur hans er að kynna stúdentum og kennurum þá möguleika sem
standa til boða í stúdenta- og kennaraskiptum. Einnig skipuleggja starfsmenn Alþjóðaskrifstofunnar
í samvinnu við Fulbrightstofnun og kanadíska sendiráðið árlega
upplýsingafund um nám í Norður-Ameríku.
Skólaárið 2005-2006 fóru 224 stúdentar utan sem skiptistúdentar frá Háskóla Íslands
og 293 erlendir skiptistúdentar komu til náms í Háskóla Íslands.
350
300
250
200
150
100
50
0
92/93 93/94 94/95 95/96 96/97 97/98 98/99 99/00 00/01 01/02 02/03 03/04 04/05 05/06
Til HÍ 23 32 72 85 85 130 142 174 172 186 235 259 281 293
Frá HÍ 52 78 101 136 126 153 157 139 152 175 188 231 229 224
Kennaraskipti Háskóla Íslands
Fjöldi kennara sem tekur þátt í Erasmus kennaraskiptum hefur aukist verulega á
undanförnum árum. Þar sem Alþjóðaskrifstofan sér um úthlutun styrkja til Erasmus
kennaraskiptanna liggja fyrir tölulegar upplýsingar um fjölda kennara
sem taka þátt í þeirri áætlun. Skólaárið 2004-2005 tóku 54 íslenskir háskólakennarar
þátt í Erasmus kennaraskiptum og þar af voru 34 frá Háskóla Íslands. Alþjóðaskrifstofan
sér ekki um greiðslu styrkja til kennaraskipta í Nordplus-áætlun
eða vegna tvíhliðasamninga og hefur þar af leiðandi ekki yfirlit yfir þá starfsemi,
en unnið er að því að safna þeim upplýsingum skipulega.
Móttaka erlendra skiptistúdenta
Alþjóðaskrifstofa háskólastigsins sér um móttöku erlendra skiptistúdenta. Umsóknir
frá erlendum skiptistúdentum berast til Alþjóðaskrifstofunnar. Rafrænt
umsóknareyðublað fyrir skiptistúdenta, bæði þá sem hyggjast fara utan frá HÍ og
eins þeirra sem hyggjast koma til HÍ var sett upp á heimasíðu Alþjóðaskrifstofunnar.
Stúdentar setja umsókn sína inn í gagnagrunn skrifstofunnar en prenta
einnig út eintak sem er undirritað og samþykkt af viðkomandi deild og sent Alþjóðaskrifstofu.
Rafrænu umsóknirnar fara inn í gagnagrunn, sem deildarskrifstofur
fá aðgang að. Þetta fyrirkomulag hefur reynst mjög vel og sparar mikla
skráningarvinnu á Alþjóðaskrifstofunni og auðveldar deildum að nálgast
upplýsingar um þá stúdenta sem eru að sækja um stúdentaskiptin. Deildirnar
taka afstöðu til umsókna frá erlendu skiptistúdentunum í gegnum þetta kerfi og
60