36164_Árbók 2005 - Háskóli Íslands

Nokkuð var um lán verka úr eigu safnsins á árinu á sýningar í öðrum opinberum
listasöfnum.
Rannsóknarsjóður Listasafns Háskóla Íslands
Í byrjun júní 2005 fór fram fimmta úthlutun úr Rannsóknarsjóði Listasafns Háskóla
Íslands en sjóðurinn hefur á sl. árum styrkt tólf rannsóknarverkefni á sviði
íslenskrar myndlistarsögu. Rannsóknarsjóður Listasafns HÍ var stofnaður af
Sverri Sigurðssyni árið 1999 og er honum ætlað að styrkja rannsóknir á sviði íslenskrar
myndlistar, myndlistarsögu og forvörslu myndverka svo og til birtingar á
niðurstöðum slíkra rannsókna.
Veittir voru tveir styrkir úr sjóðnum í árlegri úthlutun 2005, hvor að upphæð kr.
400.000. Þeir sem hlutu styrkina voru: Hrafnhildur Schram, listfræðingur, fékk
styrk til dvalar í Danmörku til að rannsaka frumheimildir og taka viðtöl vegna
bókar um listakonuna Júlíönu Sveinsdóttur (1889-1966) og Viktor Smári Sæmundsson,
forvörður, fékk styrk til að stunda rannsóknir á nafnskriftum (höfundarmerkingum)
frumherja íslenskrar myndlistar, einkum þeim Sigurði málara
Guðmundssyni, Þórarni B. Þorlákssyni, Ásgrími Jónssyni, Jóhannesi S. Kjarval,
Guðmundi Thorsteinssyni, Jóni Stefánssyni og Júlíönu Sveinsdóttur. Upphaf rannsóknanna
má rekja til stóra falsanamálsins en styrkþegi hyggst safna áritunum
frumherja íslenskrar myndlistar með ljósmyndun og efnagreiningum og gefa niðurstöðurnar
út í ritgerð eða á bókarformi.
Rannsóknaþjónusta
Háskólans
Almennt
Markmið Rannsóknaþjónustu Háskólans er að styrkja tengsl Háskóla Íslands og
atvinnulífs á sviðum rannsókna, nýsköpunar og hæfnisuppbyggingar. Tilgangur
þessara tengsla er að veita íslensku atvinnulífi stuðning á sem flestum sviðum og
styrkja um leið starfsemi Háskóla Íslands. Því eru viðskiptavinir Rannsóknaþjónustunnar
bæði starfsmenn og nemendur Háskóla Íslands og aðilar úr íslensku
atvinnulífi. Árið 2005 var 19. starfsár Rannsóknaþjónustunnar. Meðal viðfangsefna
ársins voru margþætt þjónusta við starfsmenn Háskóla Íslands, áframhaldandi
þjónusta í tengslum við evrópskt samstarf, rekstur tveggja hlutafélaga sem Háskóli
Íslands á ráðandi hlut í. Auk þess var staðið fyrir samkeppni sem hvetur
starfsfólk Háskóla Íslands til að sinna hagnýtingu á rannsóknaniðurstöðum.
Starfsfólk og stjórn
Í stjórn Rannsóknaþjónustu Háskólans sem var skipuð 20. desember 2001 og
endurskipuð óbreytt 20. nóvember 2003, sitja sex fulltrúar: Þrír frá Háskóla Íslands;
Halldór Jónsson, framkvæmdastjóri, rannsóknasviði, formaður stjórnar,
Þórdís Kristmundsdóttir, prófessor og Ingjaldur Hannibalsson, prófessor og þrír
fulltrúar atvinnulífsins; Davíð Stefánsson, ráðgjafi hjá KPMG, Guðrún Hálfdánardóttir,
Morgunblaðinu og Hermann Kristjánsson, framkvæmdastjóri Vaka-DNG.
Ársverk Rannsóknaþjónustunnar og þeirra fyrirtækja sem hún rekur auk sértækra
verkefna voru tæplega tólf árið 2004. Stöðugildi við sjálfa stofnunina voru
átta og hálft og starfsmenn hjá hlutafélögum þrír.
Ágúst H. Ingþórsson veitti stofnuninni forstöðu og Ásta S. Erlingsdóttir var staðgengill
forstöðumanns auk þess að bera ábyrgð á Europass og INTRO verkefnum.
Andrés Pétursson var skrifstofustjóri, en Stefanía G. Kristinsdóttir lét af störfum
við Háskólann um mitt ár. Bjarni R. Kristjánsson sá um Evrópumiðstöð náms- og
starfsráðgjafa. María K. Gylfadóttir stýrði tilraunaverkefnahluta Leonardó- áætlunarinnar
og Þórdís Eiríksdóttir hafði sem fyrr umsjón með mannaskiptum Leonardó.
Margrét Jóhannsdóttir var ráðin í fullt starf við Landsskrifstofuna, en hún
hefur undanfarin tvö ár unnið í hlutastarfi. Sigurður Guðmundsson sá um þjónustu
við áætlanirnar á sviði upplýsingatækni, sérstaklega sem landstengiliður fyrir
upplýsingatækni í rannsóknaáætlun ESB. Eiríkur Bergmann Einarsson lét af
störfum á árinu og var ekki ráðið í hans stað fyrr en í ársbyrjun 2006. Starfsmenn
Tæknigarðs og Hússjóðs Tæknigarðs voru þær Ástríður Guðlaugsdóttir, Marta
Matthíasdóttir og Sigríður Jóhannsdóttir, en sú síðastnefnda hætti störfum undir
lok ársins.
243