36164_Árbók 2005 - Háskóli Íslands

Martha Hjálmarsdóttir var ráðin í 37% lektorsstarf í lífeindafræði við geisla- og lífeindafræðiskor.
Á árinu lét Árni Kristinsson, prófessor í lyflæknisfræði, af störfum. Honum eru
færðar þakkir fyrir langt og gott starfsframlag til deildarinnar.
Á árinu var auglýst í fyrsta sinn samhliða starf prófessors/yfirlæknis í krabbameinslækningum.
Sólveig G. Hannesdóttir var ráðin í starf þjónustusérfræðings (post doc- starf) til
tveggja ára. Þórarinn Guðjónsson var einnig ráðinn í starf þjónustusérfræðings
(post doc-starf) til tveggja ára.
Á árinu voru eftirtaldir ráðnir í 5 ára kennarastöður (eldri störf): Árni V. Þórsson,
37% dósent í barnasjúkdómafræði, Bjarni A. Agnarsson, 37% dósentsstarf í líffærameinafræði,
Guðmundur Jón Elíasson 37% lektorsstarf í myndgreiningu, Ólafur
Steingrímsson 37% dósentsstarf í sýklafræði, Rafn Benediktsson, 37% dósentsstarf
í lyflækningum og Þorvaldur Jónsson, 37% dósentsstarf í handlæknisfræði.
Ráðið var án auglýsingar í tvö störf á grundvelli samstarfsamninga um fjármögnun
annarra, að fullu eða að hluta. Björn Guðbjörnsson var ráðinn í 37% dósentsstarf
með áherslu á rannsóknir og kennslu í gigtsjúkdómum. Unnur Steina
Björnsdóttir var ráðin í 37% dósentsstarf með áherslu á eflingu kennslu og rannsókna
í ofnæmisfræði og klínískri ónæmisfræði innan læknadeildar.
Samþykkt var að veita Guðmundi Vikar Einarssyni, dósent í þvagfæraskurðlækningum
launalaust leyfi í eitt ár frá ágúst 2005. Guðmundur Geirsson var ráðinn til
að leysa hann af.
Framgang á árinu hlutu eftirtaldir: Eiríkur Steingrímsson, Ingileif Jónsdóttir og
Jórunn Erla Eyfjörð hlutu framgang úr dósentsstarfi í prófessorsstarf.
Á árinu voru haldnir alls 17 fundir í deildarráði, 4 deildarfundir og einn skorarfundur
með áherslu á kennslumál. Einn vinnufundur var haldinn með forstöðumönnum
fræðasviða.
Innan læknadeildar eru fjölmargar fræðigreinar og fyrir hverri fræðigrein fer forsvarsmaður.
Fræðigreinarnar mynda samstarfshópa sem kallast fræðasvið og
eru þau 22 talsins. Fyrir fræðasviðinu fer forstöðumaður sem deildarráð velur úr
hópi forsvarmanna fræðigreina á sviðinu. Forsvarsmaður fræðigreinar hefur umsjón
með kennslu og rannsóknum innan sinnar greinar en forstöðumaðurinn hefur
yfirumsjón með kennslu og rannsóknum á sviðinu og eru ábyrgir fyrir rekstri
sviðsins gagnvart læknadeild.
Rannsóknanám
Rannsóknatengt nám (meistara- og doktorsnám) í læknadeild er sérstök eining
undir umsjón rannsóknanámsnefndar, sem Helga Ögmundsdóttir, prófessor veitir
forystu. Hún, ásamt kennslustjóra rannsóknatengda námsins, Gunnsteini Haraldssyni
Ph.D., og meðlimum rannsóknarnámsnefndarinnar, halda utan um og
efla það mikla rannsóknatengda nám sem fram fer við deildina. Tæplega 100
nemendur voru í rannsóknatengdu námi á árinu, um 54 í meistaranámi og um 45
í doktorsnámi. 19 nemendur hófu meistaranám í heilbrigðisvísindum og 10 luku
því á árinu með góðum árangri. Í doktorsnám innrituðust 10 nemendur en 5 luku
doktorsprófi. Tveir læknar vörðu doktorsritgerðir sínar við læknadeild (prófgráða:
doktor í læknisfræði, Ph.D.), Tómas Guðbjartsson og Sædís Sævarsdóttir og einn
hjúkrunarfræðingur, Sólveig S. Bender (prófgráða: doktor í heilbrigðisvísindum,
Ph.D.) og tveir líffræðingar, Kristbjörn Orri Guðmundsson og Sigrún Lange (prófgráða:
doktor í heilbrigðisvísindum, Ph.D.). Vel sótt málstofa á vegum nefndarinnar
var haldin vikulega yfir veturinn. Þar fluttu bæði nemendur í rannsóknatengdu
námi og kennarar erindi.
Vísindanefnd deildarinnar er undir forystu Jórunnar Erlu Eyfjörð, dósents. Nefndin
hefur verið sameiginleg fyrir læknadeild (4 fulltrúar, þar af 1 úr sjúkraþjálfunarskor),
tannlæknadeild (1 fulltrúi) og lyfjafræðideild (1 fulltrúi). Nefndin er m.a.
ráðgefandi um framgangsmál, umsóknir í tækjakaupasjóð og vinnur við undirbúning
og framkvæmd rannsóknaráðstefnu deildanna sem haldin er annað hvert
ár. 12. ráðstefnan var haldin dagana 4. og 5. janúar 2005. Hún var sameiginleg
ráðstefna lækna-, lyfja-, tannlækna- og hjúkrunarfræðideildar og hefur aldrei
verið glæsilegri. Átta gestafyrirlesarar fluttu lengri erindi á ráðstefnunni. Einnig
142