De const van rhetoriken

viij.
82
Gaue God dat ic dat upperste leen creghe
Met hemlien wiens namen ic ben bescriuere,
Metten ghenouchlicken heer Ian steen weghe,
Ende den wel dichtende heer Ian vanden viuere.
Den langhen Moenin des vrueghds bedriuere,
VVas naer Gods hemelen ooc een reysere.
Meesteer VVillem del meere en was gheen bliuere:
Noch onzen buezelaere den blauwen Keysere.
ix.
Vele mocht icker stellen in myn papier
Quamen zy my te vueren metter spoet:
Meester Gillis lammins track ooc van hier,
Metten componiste Loeycken voet.
Heer Arend caen, den goedwillighen bloet
Moest ooc, hellaes! naer den seluen leghere:
Hem en hilpen instrumenten noch musike zoet,
Ende curts daer naer volghde heer Zeghere.
x.
Meester Ioos de pape myn goede vriend,
(In den sangh expeert ende ind latijn)
VVas ooc van de wreede dood ghediend:
Gheen beter drijnckebroere en mochte sijn.
Heer Ian marroten, zonder galle of venijn,
Volghde, en liet dleuen, daer hijt best vant.
Meester Ioos dede ouer dzee zinen fijn:
Ende heer Ian, by blanckenberghe in den westcant.
Matthijs de Castelein, De const van rhetoriken