De const van rhetoriken

195.
102
Alzoo dan ghy leerlinghen, opsprutende wichten,
Vvild ghy u hier in stichten, ind vroe niet lackelic,
Ghy en hebd gheenderande ghereeder dichten,
Noch die uwen aerbeid meer verlichten,
Dan dese want zij hem voughen packelic.
Een wel ghewrocht deegh es altoos backelic,
Vuer tqualic ghewrochte, om tswijfs vervrooyen:
By dien, om dat ickt vand zoo ghemackelic,
Dichte ic dus tvonnesse, van Paris, van trooyen.
196.
Op dees snede mueghd ghy ten wille maken
Allerande zaken (maer neemd in dijn beghin raed)
Dyaloguen, uutroupen, charten, spraken,
Voord al daer tvolcks herte naer magh haken:
Twerd goed als dijn voordstel, aldus in gaed.
Om dat min concept ende minen zin staed
Te volghene zomighe goe mannen begheerte,
En fortune altoos naer der ionghers ghewin slaed,
Vvillic tooghen de Baladen mette steerte.
Baladen mette steerte, Charte.
.j.
Alle loore gheesten weest nu verhueghd:
Antierd goede vrueghd, als vriend met vriendinnen,
Hoord wat u den Conijng vander bloyender iueghd
Ontbiedt, ende bidt uut ionstigher minnen.
Zuld ghy ghewinnen vvild hem niet swikelic falen
Eerbaerlick mueghdy exerceren dyn zinnen,
Ende om dat ghy niet en saudt baerblikelic dwalen
Vvild rethorikelick talen.
Matthijs de Castelein, De const van rhetoriken